YAKUB 1:12 - KITAB SUCI ZABUR INJIL

¹² Bahagie dengan saq tahen sewaktu ie tecobe. Séngaq sesampun ie bau tahen léq cobe nike, ie gen nerimaq upaqne, nike mahkote kehidupan saq tejanjiqang siq Allah tipaq dengan-dengan saq ngasihin Ie.

YAKUB 1:12 ပူးပေါင်းရင်းမြစ်များ

ZABUR 11:5

ALLAH nguji dengan saq kenaq dait dengan saq jahat, Ie meriq léq dengan saq demen léq kekerasan.

ZABUR 119:67

Sendéqman tehukum, kaji nyimpang léman manik Deside, mangkin kaji tegel préntah Deside.

ZABUR 119:71

Mule bagus Deside ngukum kaji, adéq kaji nenaoq hukum-hukum Deside.

ZABUR 119:75

Kaji nenaoq bahwe keputusan Deside adil, ya ALLAH, séngaq Deside setie, Deside sampun ngukum kaji.

ZABUR 5:11

Hukum ie pade, ya Allah kaji, menengang ie pade celake lantaran rencanene mésaq. Sediq ie pade lantaran luwéq gati dose ie pade, séngaq ie pade sampun ngelawan Deside.

ZABUR 94:12

Bahagie dengan saq Deside didik, ya ALLAH, dengan saq Deside ajah préntah-préntah Deside.

MATIUS 10:22

Side pade gen temeriq siq selapuq dengan lantaran side pade jari pengiring Tiang. Laguq dengan saq setie jangke penutuqne, gen teselametang.

MATIUS 25:34

Beterus Raje nike gen bebase léq dengan-dengan saq léq sedi kanan-Ne, ‘Side pade saq teberkahin siq Bapa Tiang, silaq tame ojok Kerajaan saq sampun tesiepang umaq side léman dunie tecipteang.

LUKAS 6:22

Bahagie side pade, lamun lantaran Bije Manusie side pade temeriq, tetolaq, tehine dait tepitnah!

ROMA 5:4

Dait ketekunan miaq dengan jari tahen uji; niki saq nimbulang pengharepan.

ROMA 8:28

Ite nenaoq mangkin bahwe Allah milu bekarye ngatur selapuq hal, sehingge ngasilang saq solah umaq dengan-dengan saq ngasihin Ie dait saq tepiléq menurut rencane-Ne.

1 KORINTUS 2:9

Sebalikne hal nike maraq saq tetulis dalem Kitab Suci, “Napi saq ndéq uwah teserioq atao tedengah siq manusie, dait ndéq uwah éndah timbul dalem pikiran manusie, nike saq tesedieang siq Allah umaq dengan-dengan saq ngasihin Ie.”

1 KORINTUS 8:3

Laguq dengan saq tetu-tetu ngasihin Allah, ie tekenal siq Allah.

1 KORINTUS 9:25

Sebilang dengan saq kenyeke dalem perlombaan, nahen diriqne léq selapuq hal. Ie ngelaksaneang nike lantaran ie melét mauq sopoq mahkote saq iniq séde. Laguq ite niki nahen diriq dalem selapuq hal lantaran ite melét mauq sopoq mahkote saq kekel.

2 TIMOTIUS 2:15

Side harus berusahe pacu-pacu adéqne teakuq siq Allah jari dengan saq patut begawéan léq Ie. Pade berusahe adéq side ndéq ilaq léq pegawéande, laguq kenaq-kenaq entan ngajahang mengenai kebenaran.

2 TIMOTIUS 4:8

Dait mangkin tiang sampun tesedieang mahkote kebenaran saq gen teicanin tipaq tiang siq Tuhan, Hakim saq adil nike, léq jelo-Ne, nike ndéqne cume léq tiang, laguq éndah tipaq selapuq dengan saq melét gati ngantos kerauhan Tuhan.

IBRANI 10:32

Pade inget berembé keadaan semeton senamian léq waktu saq julu. Sesampun side pade nerimaq cahaye Allah, side pade luwéq menderite; laguq side pade tetep tahen léq dalem perjuangan saq berat.

IBRANI 11:17

Lantaran iman make Ibrahim, sewaktu ie tecobe, ngaturang Ishak. Ie, saq sampun nerimaq janji nike, réde ngaturang bijene saq nunggal.

IBRANI 12:5

Dait ndaq side lupaqang naséhat Allah niki, saq teicanin léq side jari bije-bije dowén Allah: “Bije-bije dowén Tiang, perhatiang solah-solah didikan Tuhan, dait ndaq putus ase lamun Ie peringet side.

IBRANI 6:15

Ibrahim sabar ngantos, make ie nerimaq napi saq tejanjiqang siq Allah léq ie.

YAKUB 2:5

Inget, semeton-semeton saq tiang kasihin! Dengan saq miskin léq dunie niki tepiléq siq Allah adéqne jari dengan saq sugih léq dalem iman dait jari ahli waris Kerajaan saq sampun tejanjiqang siq Allah tipaq dengan-dengan saq ngasihin Ie.

YAKUB 5:11

Ie pade tesebut bahagie séngaq ie pade tekun. Side pade sampun dengah mengenai ketekunan Ayub, dait side pade nenaoq berembé ahirne Tuhan ngicanin ie berkah. Séngaq Tuhan nike Mahe Pengasih dait Mahe Penyayang.

1 PETRUS 3:14

Laguq timaq side pade harus menderite lantaran ngelaksaneang hal-hal saq solah, side pade bahagie! Ndaq takut léq sai juaq, dait ndaq kuatir.

1 PETRUS 4:13

Sebalikne, side pade harus seneng lantaran milu menderite bareng-bareng kance Almasih. Make éraq lamun kemuliean Almasih tenyatayang, side pade gen besukecite.

1 PETRUS 4:14

Side pade bahagie lamun side pade tehine lantaran peséngan Almasih, séngaq Roh kemuliean, nike Roh Allah araq léq side.

1 PETRUS 5:10

Dait Allah, sumber selapuq rahmat, saq sampun ngemanikang side léq dalem Almasih tipaq kemuliean-Ne saq kekel, gen nyempurneang, neguqang, nguatang dait ngukuhang side.

1 PETRUS 5:4

Dait léq waktu Pengarat Agung nike rauh éraq, side pade gen nerimaq mahkote kemuliean saq ndéq iniq layu.

1 YAHYA 4:19

Ite ngasihin, séngaq Allah sampun juluan ngasihin ite.

WAHYU 2:10

Ndaq takut léq penderitean saq ndéq pire ngonéq malik side gen alamin. Inget, Belis gen namaqang separo léman side pade ojok dalem bui jari cobe side pade. Side pade gen menderite sepulu jelo ngonéqne. Side pade harus setie léq Tiang jangke ninggal, make Tiang gen ngicanin side mahkote kehidupan.

WAHYU 3:19

Dengan-dengan saq Tiang kasihin, ie pade saq Tiang peringet dait Tiang empuk, keranaq nike side pade harus rédeang angende dait tobat léman dose-dosende.

WAHYU 3:21

Ie pade saq menang, gen Tiang ijinang tokol léq tahte Tiang bareng kance Tiang, pade maraq Tiang mésaq éndah sampun menang dait mangkin tokol bareng Bapa Tiang léq tahte-Ne.