4 Kedung masih tengari, ite harus ngelaksaneang karye Allah saq ngutus Tiang. Kelem gen dateng, dait ndéq araq sopoq dengan juaq saq bau begawéan.
Jawab dengan-dengan nike, ‘Ndéq araq dengan saq mélé béng tiang pade pegawéan.’ ‘Lamun maraq nike,’ basen épén dowé kebon nike, ‘silaq side pade begawéan léq kebon anggur tiang.’
Deside Isa bemanik léq dengan saq imene maté setowéq nike, “Silaq nganjeng léq deriki, léq julu.”
Laguq manik Deside Isa léq ie pade, “Side pade sampun serioq Tiang ngelaksaneang luwéq karye saq solah, saq tetugasang siq Bapa léq Tiang. Saq mbé léq antare karye nike saq jari penyebap side pade mélé meléwas Tiang?”
Lamun Tiang ndéq ngelaksaneang karye-karye Bapa Tiang, ndaq percaye léq Tiang.
Jawab Deside Isa, “Cume semendaq doang terang nike araq léq antare side pade. Jari, pade lampaq semasih terang nike araq, adéq peteng nike ndaq nguasein side pade. Dengan saq lampaq léq tengaq peteng ndéqne taoq ojok mbé aningne.
Tiang sampun mulieang Deside léq gumi siq care nyeleséang karye saq Deside serahang tipaq Tiang jari Tiang laksaneang.
Beterus Deside Isa bemanik, “Keloran Tiang nike, ngelaksaneang pekayunan Ie saq ngutus Tiang, dait nutuqang karye saq teserahang ojok Tiang.
Deside Isa jawab ie pade maraq niki, “Tiang badaq side, setetune Bije ndéqne tao ngelaksaneang napi-napi léman diriq-Ne mésaq. Ie cume ngelaksaneang napi saq Ie cingakin telaksaneang siq Bapa-Ne. Séngaq napi saq telaksaneang siq Bapa, nike éndah saq telaksaneang siq Bije.
Laguq kesaksian Tiang pentingan léman kesaksian Yahya. Napi saq mangkin Tiang laksaneang, niki karye saq tetugasang siq Bapa tipaq Tiang, jari bukti bahwe Bapa sampun ngutus Tiang.
Deside Isa bemanik, “Cume karing seberaq doang Tiang masih bareng kance side pade. Sesampun nike Tiang gen tulak ojok Ie saq ngutus Tiang.
Séngaq tiang pade ndéq tao engkah ngeraos mengenai napi saq sampun tiang pade serioq dait dengah mésaq.”
Jari, semasih ite araq kesempatan, ite harus ngelaksaneang saq solah tipaq selapuq dengan, terutame gati tipaq semeton-semetonte saq seiman.
Manpaatang solah-solah selapuq kesempatan saq araq léq side, séngaq jaman niki jaman saq jahat.
Léq dalem hubungan side pade kance dengan-dengan saq ndéq percaye, side pade harus idup bijaksane dait solah-solah kadu sebilang kesempatan.