YAHYA 9:1 - KITAB SUCI ZABUR INJIL

¹ Sewaktu Deside Isa bemargi, Ie cingakin dengan bute léman tebijeang.

YAHYA 9:1 ပူးပေါင်းရင်းမြစ်များ

MATIUS 20:30

Araq due dengan bute kenyeke tokol léq sedin rurung. Waktu ie pade dengah bahwe Deside Isa bemargi léq derike, ie pade bekuih, “Junjungan Saq Mulie, Keturunan Daud, periakang tiang pade!”

MATIUS 9:27

Deside Isa lumbar léman taoq nike. Léq tengaq langan araq due dengan bute milu ngiring Deside Isa. Ie pade bekuih-kuih, “Keturunan Daud! Periakang tiang pade!”

MARKUS 9:21

Terus Deside Isa beketuan léq amaq kanak nike, “Sampun pire ngonéq ie maraq niki?” “Léman ie masih kodéq!” jawab amaqne.

LUKAS 8:43

Araq sopoq dengan nine saq sampun due olas taun sakit pendarahan dait ndéq bau teselahang siq sai-sai.

YAHYA 5:5

Léq taoq nike araq sopoq dengan mame saq sampun telung dase baluq taun ngonéqne sakit.

YAHYA 8:59

Beterus dengan-dengan Yahudi nike bait batu gen meléwas Ie; laguq Deside Isa nyeboq, beterus Ie lumbar bilin Gedéng Allah.

YAHYA 9:2

Pengiring-pengiring Deside Isa metakén léq Deside Isa, “Bapaq Guru, kembéq dengan niki tebijeang bute? Napi lantaran ie mésaq bedose atao lantaran inaq amaqne bedose?”

KISAH RASUL-RASUL 14:8

Léq Listra araq sopoq dengan mame saq naéne képaq léman ie tebijeang, sehingge ie ndéq uwah tao lampaq séngaq naéne ndéq kuat.

KISAH RASUL-RASUL 28:4

Sewaktu penduduk pulao nike serioq ulah nike begantung léq ime Paulus, ie pade bebase sopoq kance saq lainne, “Dengan niki pasti sampun nyematéq dengan, séngaq timaq ie sampun selamet léman bahaye léq segare, Déwi Keadilan ndéq ngalurang ie idup.”

KISAH RASUL-RASUL 4:22

Dengan saq teselahang siq muqjizat nike sampun petang dase taun lebih umurne.

KISAH RASUL-RASUL 9:33

Léq derike ie bedait kance sopoq dengan mame aranne Eneas, saq képaq dait ndéqne ures-ures léman petindoqanne baluq taun ngonéqne.