YAHYA 8:2 - KITAB SUCI ZABUR INJIL

² Jemaq kelémaqne Deside Isa lumbar malik ojok Gedéng Allah, dait luwéq dengan parek tipaq Ie. Deside Isa melinggih dait ngajah ie pade.

YAHYA 8:2 ပူးပေါင်းရင်းမြစ်များ

MATIUS 26:55

Beterus Deside Isa bemanik léq dengan luwéq nike, “Napi Tiang niki perampok, jangke side pade dateng jauq kléwang dait gegitik jari bau Tiang? Sebilang jelo Tiang ngajahang léq Gedéng Allah, dait side pade ndéq bau Tiang.

LUKAS 21:37

Deside Isa ngajahang léq Gedéng Allah waktu kenjelo, dait kelemne Ie lumbar ojok Bukit Zaitun dait mererepan léq derike.

LUKAS 21:38

Sebilang kelémaq selapuq dengan dateng ojok Gedéng Allah jari dengahang pengajahan Deside Isa.

LUKAS 4:20

Deside Isa gulung malik kitab nike, dait tulakang-Ne ojok petugas, beterus melinggih. Selapuq dengan léq dalem balé ibadah nike perhatiang Ie.

LUKAS 5:3

Deside Isa taék ojok salaq sopoq perau, perau nike peraune Simon, beterus Ie manikang Simon dorong peraune nike jaoqan sekediq léman sedin danao. Deside Isa melinggih léq dalem perau nike dait mulai ngajahang dengan luwéq.

YAHYA 4:34

Beterus Deside Isa bemanik, “Keloran Tiang nike, ngelaksaneang pekayunan Ie saq ngutus Tiang, dait nutuqang karye saq teserahang ojok Tiang.

YAHYA 8:20

Selapuq nike temanikang siq Deside Isa sewaktu Ie ngajahang léq Gedéng Allah léq dékét kotaq-kotaq képéng persembahan. Laguq ndéq araq sopoq dengan juaq saq bau Deside Isa, séngaq mule ndéqman waktune.

YAHYA 8:3

Waktu nike ahli-ahli Taurat dait dengan-dengan Parisi parek tipaq Deside Isa jauq sopoq dengan nine saq kendaitan bezinah. Ie pade suruq dengan nine nike nganjeng léq tengaq-tengaq,

KISAH RASUL-RASUL 5:21

Beterus rasul-rasul nike patiq pesen malaékat nike. Masih aru gati ie pade lumbar ojok Gedéng Allah, dait mulai ngajahang léq derike. Léq waktu nike Imam Agung dait pare pengiringne dateng, terus ngaraqang sidang mahkamah kance pare pemimpin Yahudi. Beterus ie pade ngutus dengan lumbar bait rasul-rasul nike léman bui adéqne tejauq ngadep ie pade.