YAHYA 7:8 - KITAB SUCI ZABUR INJIL

⁸ Silaq side pade lumbar ojok perayaan nike. Tiang ndéq gen lalo, séngaq mule ndéqman waktu Tiang.”

YAHYA 7:8 ပူးပေါင်းရင်းမြစ်များ

MATIUS 26:18

Jawab Deside Isa, “Pade lumbar ojok sopoq dengan léq kote, terus sampéang léq ie, ‘Manik Guru tiang, sampun waktune Tiang gen ngerayeang Paskah léq balénde bareng kance pengiring-pengiring Tiang.’ ”

YAHYA 2:4

Jawab Deside Isa, “Inaq napi saq side kayunang léq Tiang? Ndéqman waktune Tiang nyatayang diriq.”

YAHYA 7:30

Léq waktu nike ie pade berusahe bau Deside Isa, laguq ndéq araq saq bani negel Ie, séngaq ndéqman waktune.

YAHYA 7:6

Beterus Deside Isa bemanik léq ie pade, “Mangkin ndéqman waktu Tiang, laguq bagi side pade tetep araq waktu.

YAHYA 7:9

Maraq nike manik Deside Isa léq sanak-sanak-Ne, beterus Ie meneng léq Galilea.

YAHYA 8:20

Selapuq nike temanikang siq Deside Isa sewaktu Ie ngajahang léq Gedéng Allah léq dékét kotaq-kotaq képéng persembahan. Laguq ndéq araq sopoq dengan juaq saq bau Deside Isa, séngaq mule ndéqman waktune.

YAHYA 8:30

Sesampun Deside Isa jelasang hal nike, luwéq dengan percaye léq Ie.