YAHYA 7:4 - KITAB SUCI ZABUR INJIL

⁴ Ndéq araq dengan saq gen seboq napi saq ie piaq, lamun ie mélé jari kesohor. Lamun Pelungguh ngelaksaneang hal-hal maraq nike, silaq Pelungguh nyatayang diriq tipaq dunie!” (

YAHYA 7:4 ပူးပေါင်းရင်းမြစ်များ

MATIUS 23:5

Selapuq saq ie pade laksaneang tujuanne cume adéqne teserioq siq dengan. Ie pade sediah ngengadu tali sembahyang saq gamber-gamber dait pebélo ombér-ombér jubahne!

MATIUS 4:6

Beterus Belis matur léq Deside Isa, “Lamun Pelungguh Bije saq asalne léman Allah, cobaq Pelungguh nimproh ojok bawaq. Séngaq araq tetulis léq dalem Kitab Suci bahwe, ‘Allah gen mréntahang malaékat-malaékat-Ne ngelindungin Pelungguh, ie pade gen sangklap Pelungguh siq imene, adéq cokor Pelungguh nénten kedantuk léq batu.’ ”

MATIUS 6:16

“Lamun side pade puase, ndaq petitoqang ruende saq susah, maraq dengan munapik. Ie pade salin sebengne adéq selapuq dengan nenaoq bahwe ie pade puase. Pade inget, nike upaq saq ie pade sampun terimaq.

MATIUS 6:5

“Lamun side pade bedo'e, ndaq bedo'e maraq dengan munapik. Ie pade demen bedo'e nganjeng léq balé ibadah dait léq perempatan adéqne teserioq siq dengan. Tiang badaq side, nike upaq saq sampun ie pade terimaq.

LUKAS 6:45

Dengan saq solah nyugulang hal-hal saq solah séngaq aténe penoq siq hal-hal saq solah. Dengan saq jahat nyugulang hal-hal saq jahat séngaq aténe penoq siq hal-hal saq jahat. Séngaq napi saq teucapang siq biwih tetentuang siq isi aténe.”

YAHYA 18:20

Jawab Deside Isa, “Tiang tetep nyampéang secare terus terang léq julun dengan luwéq. Tiang tetep ngajahang léq balé-balé ibadah dait Gedéng Allah, taoq dengan Yahudi biasene bekumpul. Tiang ndéq uwah nyatayang napi-napi secare nyeboq-nyeboq.

YAHYA 7:3

Sanak-sanak Deside Isa matur léq Deside Isa, “Silaq bilin taoq niki, terus lumbar ojok Yudea, adéq pengiring-pengiring Pelungguh bau serioq karye Pelungguh.

YAHYA 7:5

Séngaq sanak-sanak-Ne éndah nénten percaye léq Ie.)