YAHYA 7:3 - KITAB SUCI ZABUR INJIL

³ Sanak-sanak Deside Isa matur léq Deside Isa, “Silaq bilin taoq niki, terus lumbar ojok Yudea, adéq pengiring-pengiring Pelungguh bau serioq karye Pelungguh.

YAHYA 7:3 ပူးပေါင်းရင်းမြစ်များ

MATIUS 12:46

Léq waktu Deside Isa masih bebaos kance dengan luwéq nike, sanak-sanak kance mamiq bini Deside Isa dateng. Ie pade nganjeng léq luah sambil berusahe adéqne bau bebaos kance Deside Isa.

MARKUS 3:21

Sewaktu keluarge-Ne dengah hal nike, ie pade lumbar jari bait Deside Isa, séngaq dengan-dengan bebase, “Ie sampun jogang!”

MARKUS 3:31

Sesampun nike, mamiq bini dait sanak-sanak Deside Isa rauh. Ie pade nganjeng léq luah, dait suruqne dengan ngempoh Deside Isa.

LUKAS 8:19

Mamiq bini dait sanak-sanak Deside Isa rauh tipaq Deside Isa, laguq ie pade ndéq bau dateng tipaq Ie séngaq luwéq gati dengan.

LUKAS 8:20

Beterus araq sopoq dengan saq matur léq Deside Isa, “Paq, mamiq bini dait sanak-sanak Pelungguh araq léq luah. Ie pade melét bedait kance Pelungguh.”

YAHYA 2:2

Deside Isa kance pengiring-pengiring-Ne tepesilaq éndah léq gawé ngawinang nike.

YAHYA 6:60

Sesampun dengah manik Deside Isa nike, luwéq léq antare pengiring-pengiring-Ne matur, “Perajahan niki keras, sai saq sanggup dengahang perajahan niki?”

YAHYA 6:66

Mulai waktu nike luwéq pengiring-Ne ngundurang diriq, dait ndéq ngiring Ie malik.

YAHYA 7:10

Sesampun sanak-sanak-Ne lumbar ojok perayaan nike, meneng-meneng Deside Isa lumbar ndéq tetaoq siq dengan.

YAHYA 7:4

Ndéq araq dengan saq gen seboq napi saq ie piaq, lamun ie mélé jari kesohor. Lamun Pelungguh ngelaksaneang hal-hal maraq nike, silaq Pelungguh nyatayang diriq tipaq dunie!” (

YAHYA 7:5

Séngaq sanak-sanak-Ne éndah nénten percaye léq Ie.)

KISAH RASUL-RASUL 2:14

Beterus Petrus nganjeng bareng solas rasul saq lain, dait bebase tipaq dengan luwéq nike siq suare saq beléq, “Semeton-semeton, dengan-dengan Yahudi dait selapuq dengan saq ndot léq Yerusalem! Dengahang pacu-pacu, séngaq hal niki perlu tiang jelasang léq side.