YAHYA 7:1 - KITAB SUCI ZABUR INJIL

¹ Sesampun nike Deside Isa bemargi léq selapuq daérah Galilea. Ie nénten kayun ojok daérah Yudea, séngaq dengan-dengan Yahudi léq derike beniat nyematéq Ie.

YAHYA 7:1 ပူးပေါင်းရင်းမြစ်များ

MATIUS 10:23

Lamun side pade teaniaye léq sopoq kote, pelai ojok kote saq lain. Tiang badaq side pade: Sendéqman side pade tutuq datengin selapuq kote-kote Israel, Bije Manusie sampun rauh.

MATIUS 21:38

Laguq sewaktu penyakap-penyakap nike serioq bije majikanne nike, ie pade bebase sopoq kance saq lain, ‘Niki ie ahli warisne, silaq ite matéq ie, adéq ite saq mauq warisanne!’

MARKUS 11:18

Imam-imam kepale dait ahli-ahli Taurat pireng ucapan nike. Beterus ie pade mulai boyaq care jari nyematéq Deside Isa. Ie pade takut léq Deside Isa, séngaq selapuq dengan takjub dengah pengajahan-Ne.

YAHYA 1:19

Niki kesaksian Yahya sewaktu pare penguase Yahudi léq Yerusalem suruq imam-imam dait dengan-dengan Lewi lumbar beketuan ojok Yahya, “Sai pelungguh niki?”

YAHYA 4:3

Ie lumbar léman Yudea tulak malik ojok Galilea.

YAHYA 4:54

Nike keajaipan saq kedue saq tepiaq siq Deside Isa léq Galilea sesampun Ie rauh léman Yudea.

YAHYA 6:1

Sesampun nike Deside Isa lumbar ojok itoqan Danao Galilea, saq tesebut éndah Danao Tiberias.

YAHYA 7:11

Sengonéq perayaan nike, penguase-penguase Yahudi boyaq Deside Isa dait beketuan-tuan, “Léq mbé Ie?”

YAHYA 7:13

Laguq ndéq araq sopoq dengan juaq saq bani bebase terang-terangan ngeraosang Ie, séngaq ie pade takut léq dengan-dengan Yahudi.

YAHYA 7:19

Tekan Musa sampun nyampéang Hukum Taurat tipaq side. Laguq léq antare side pade ndéq araq saq mélé taat léq Hukum Taurat nike. Kembéq side pade mélé matéq Tiang?”

YAHYA 7:25

Beterus pire dengan penduduk kote Yerusalem bebase, “Tekan Ie niki saq teboyaq-boyaq gen tematéq?

YAHYA 7:35

Beterus dengan-dengan Yahudi nike bebase sopoq kance saq lainne, “Dengan niki gen lumbar ojok mbé, sehingge ite ndéq gen bau ndait Ie? Napi Ie gen lumbar ojok dengan-dengan Yahudi saq ndot léq perantoan léq antare dengan Yunani, dait ngajahang dengan Yunani?

YAHYA 8:37

Mule Tiang nenaoq bahwe side pade keturunan Ibrahim. Laguq side pade mélé nyematéq Tiang, séngaq side pade ndéq mélé nerimaq manik Tiang.

YAHYA 8:40

Tiang nyampéang léq side pade kebenaran saq Tiang dengah léman Allah, laguq side pade mélé nyematéq Tiang. Pegawéan saq maraq nike ndéqne tegawéq siq Ibrahim!

KISAH RASUL-RASUL 10:38

Side pade nenaoq bahwe Allah sampun nyuciang dait ngesahang Deside Isa dengan Nazaret nike siq Roh Suci dait kuase. Side pade nenaoq éndah bahwe Deside Isa nike lumbar ojok mbé-mbé jari ngelaksaneang saq solah; Ie nyelahang selapuq dengan saq tekuasein siq Belis, séngaq Allah araq bareng Ie.