YAHYA 6:2 - KITAB SUCI ZABUR INJIL

² Sesampun rauh léq derike, luwéq dengan ngiring Deside Isa, séngaq ie pade sampun serioq muqjizat-muqjizat saq tepiaq siq Deside Isa sewaktu Ie nyelahang dengan sakit.

YAHYA 6:2 ပူးပေါင်းရင်းမြစ်များ

MATIUS 12:15

Deside Isa wikan bahwe dengan-dengan Parisi nike bedowé niat jahat léq Ie. Jari Ie lumbar léman taoq nike, dait luwéq dengan ngiring Ie. Beterus Deside Isa nyelahang selapuq dengan saq sakit.

MATIUS 13:2

Luwéq gati dengan saq bekumpul léq sekelining Deside Isa, keranaq nike Ie margi dait taék ojok sopoq perau, dait dengan luwéq nike nganjeng léq pesisi.

MATIUS 14:14

Sewaktu Deside Isa turun léman perau dait cingakin dengan luwéq nike, Ie periak léq ie pade. Beterus Ie nyelahang dengan-dengan saq sakit léq antare ie pade.

MATIUS 8:1

Deside Isa turun léman bukit, dait luwéq dengan ngiring Ie.

MARKUS 1:45

Laguq dengan nike lumbar, dait tetep doang nyeriteang peristiwe nike léq mbé-mbé jangke Deside Isa nénten bau tame kote secare terang-terangan. Ie cume meneng léq luah kote léq taoq-taoq saq sepi. Laguq léman mbé-mbé dengan terus doang parek tipaq Ie.

MARKUS 6:33

Laguq sewaktu ie pade bilin taoq nike, luwéq dengan serioq ie pade dait nenaoq ojok mbé ie pade lumbar. Beterus léman selapuq kote léq wilayah nike, dengan-dengan pelai langan darat senjuluq Deside Isa dait pengiring-pengiring-Ne.

YAHYA 11:47

Keranaq nike dengan-dengan Parisi dait imam-imam kepale ngaraqang sangkep bareng Mahkamah Agame. Ie pade bebase, “Napi saq harus ite piaq? Dengan niki luwéq piaq keajaipan!

YAHYA 12:18

Keranaq nike dengan luwéq nike lumbar ojok Deside Isa séngaq ie pade dengah bahwe Deside Isa saq miaq keajaipan nike.

YAHYA 12:37

Timaq sampun luwéq keajaipan saq tepiaq siq Deside Isa léq julu ie pade, ie pade ndéq percaye léq Deside Isa.

YAHYA 2:11

Nike keajaipan penembéq saq tepiaq siq Deside Isa. Ie ngelaksaneang nike léq Kana léq Galilea. Siq tande nike Ie nyatayang kemuliean-Ne. Make pengiring-pengiring-Ne percaye léq Ie.

YAHYA 2:23

Deside Isa araq léq Yerusalem sengonéq Perayaan Paskah, luwéq dengan percaye léq Ie lantaran keajaipan-keajaipan saq Ie piaq.

YAHYA 20:30

Masih luwéq malik keajaipan-keajaipan lain saq tepiaq siq Deside Isa léq julu pengiring-pengiring-Ne, laguq ndéq tetulis léq dalem kitab niki.

YAHYA 3:2

Léq sopoq kelem ie parek ojok Deside Isa, dait matur, “Bapaq Guru, tiang pade nenaoq Pelungguh teutus siq Allah. Séngaq nénten araq sopoq dengan juaq saq bau miaq keajaipan maraq Pelungguh, lamun Allah nénten bareng ie.”

YAHYA 6:14

Sewaktu dengan luwéq serioq keajaipan saq tepiaq siq Deside Isa, ie pade bebase, “Mule tetu, niki Nabi saq gen rauh ojok dunie!”

YAHYA 6:22

Léq jelo jemaqne dengan luwéq saq masih ndot léq itoqan danao, sadar bahwe sendéqmanne cume araq sopoq perau léq derike. Ie pade nenaoq bahwe pengiring-pengiring Deside Isa sampun berangkat kadu perau nike, laguq Deside Isa nénten milu.

YAHYA 6:26

Jawab Deside Isa, “Tiang badaq side, setetune side pade boyaq Tiang ndéqne lantaran side pade sampun ngerti napi maksut keajaipan-keajaipan saq Tiang piaq, laguq lantaran side pade sampun bekelor jangke besuh.

YAHYA 6:30

Beterus ie pade matur, “Lamun maraq nike, bukti napi saq gen Pelungguh icanin adéq tiang pade serioq dait percaye léq Pelungguh? Napi saq Pelungguh gen laksaneang?