YAHYA 5:3 - KITAB SUCI ZABUR INJIL

³ Léq sesangkok-sesangkok nike luwéq dengan sakit tetindoqang, araq saq bute, araq saq démpang, dait araq éndah saq képaq. [Ie pade selapuq ngantih aiq telage nike beumbak-umbak.

YAHYA 5:3 ပူးပေါင်းရင်းမြစ်များ

MATIUS 15:30

Luwéq dengan parek ojok Deside Isa jauq dengan-dengan saq démpang, saq bute, saq képaq, saq pakoq dait luwéq malik dengan sakit saq lain. Ie pade toloq dengan-dengan nike léq arepan Deside Isa, dait ie pade teselahang.

MATIUS 4:24

Kabar mengenai Deside Isa nike nyebar léq selapuq daérah Siria, sehingge luwéq dengan dateng ojok Ie jauq dengan-dengan saq ngidap segale macem penyakit dait saq susah. Dengan-dengan saq tekuasein siq roh jahat, saq sakit mopok, dait saq képaq, selapuqne teselahang siq Deside Isa.

LUKAS 7:22

Jari jawab Deside Isa, “Tulak tipaq Yahya dait badaq napi saq side pade dengah dait serioq: dengan bute tao nyerioq, dengan képaq tao lampaq, dengan sakit kuste selah, dengan kedok tao dedengah, dengan ninggal teidupang malik, dait Kabar Solah léman Allah tesampéang tipaq dengan-dengan miskin.

YAHYA 5:2

Léq Yerusalem dékét Jebak Dombe araq sopoq telage, dalem base Ibrani tearanin Betesda. Léq derike araq lime sesangkok.

YAHYA 5:4

Séngaq sewaktu-waktu malaékat Tuhan turun ojok telage nike terus miaq aiqne jari beumbak-umbak. Dengan sakit saq penembéq tame léq dalem telage nike sewaktu aiqne beumbak-umbak, gen selah, napi juaq penyakitne.]

ROMA 8:25

Laguq lamun ite beharep léq hal saq ndéqman ite serioq, make ite gen sabar ngantih.

YAKUB 5:7

Keranaq nike, pade sabar semeton-semeton tiang, jangke Tuhan rauh. Pade serioq berembé sabarne sopoq petani ngantih jangke tanaqne ngasilang hasil saq mahel ajine. Ie sabar ngantih ujan saq penembéq dait ujan saq penutuq.