YAHYA 4:9 - KITAB SUCI ZABUR INJIL

⁹ Jawab dengan nine Samaria nike, “Bapaq dengan Yahudi, tiang dengan Samaria; kembéq Pelungguh tunas nginem léq tiang?” (Séngaq dengan-dengan Yahudi ndéq araq hubungan kance dengan Samaria.)

YAHYA 4:9 ပူးပေါင်းရင်းမြစ်များ

MATIUS 10:5

Kedue olas rasul nike teutus siq Deside Isa, dait ie pade tepesen: “Ndaq lumbar ojok daérah dengan bangse-bangse lain atao ojok kote-kote dengan Samaria.

LUKAS 10:33

Laguq sesampun nike sopoq dengan Samaria saq kenyeke bekelampan, liwat éndah léq derike. Sewaktu ie serioq dengan saq terampok nike, ie periak léq dengan nike.

YAHYA 4:27

Léq waktu nike pengiring-pengiring Deside Isa tulak. Ie pade bengaq serioq Deside Isa bebaos kance dengan nine nike. Laguq ndéq araq sopoq dengan juaq léman ie pade saq beketuan léq dengan nine nike, “Napi keméléqde?” atao saq metakén léq Deside Isa, “Kembéq Pelungguh bebaos kance dengan nine nike?”

YAHYA 8:48

Jawab dengan-dengan Yahudi nike léq Deside Isa, “Tekan kenaq atur tiang pade bahwe Pelungguh dengan Samaria saq tekuasein siq sétan?”

KISAH RASUL-RASUL 1:8

Laguq side pade gen nerimaq kuase, sewaktu Roh Suci sampun rauh tipaq side. Dait side pade gen jari saksi-saksi Tiang léq Yerusalem, léq selapuq wilayah Yudea, léq Samaria, dait jangke dateng poton gumi.”

KISAH RASUL-RASUL 10:28

Terus ie bebase léq ie pade, “Side pade nenaoq bahwe dengan Yahudi tebalaq siq Hukum Taurat dateng bejangoq atao berubungan kance dengan bangse-bangse lain. Laguq Allah sampun nyatayang léq tiang bahwe tiang ndéq kanggo nganggep sai juaq najis atao haram.

KISAH RASUL-RASUL 10:32

Jari mangkin utus dengan lumbar ojok Yope ngempoh dengan aranne Simon Petrus, ie kenyeke madéq léq balé sopoq tukang kulit aranne Simon; baléne léq sedin pesisi.’