YAHYA 4:6 - KITAB SUCI ZABUR INJIL

⁶ Léq derike araq lingkoq Yakub. Deside Isa lelah gati lantaran pemargian nike, keranaq nike Ie melinggih léq sedin lingkoq. Waktu nike kire-kire jam due olas tengari.

YAHYA 4:6 ပူးပေါင်းရင်းမြစ်များ

MATIUS 27:45

Mulai jam due olas tengari, sengonéq telu jam, selapuq wilayah negeri nike jari peteng.

MATIUS 4:2

Petang dase jelo petang dase kelem Deside Isa puase beterus Ie beridap seduk.

MATIUS 8:24

Selung-selung dateng angin pusut saq beléq gati ojok danao nike, sehingge perau nike teampes siq umbak. Waktu nike Deside Isa kenyeke merem.

LUKAS 2:7

Ie bijeang sopoq kanak mame, bijene saq sengake. Kanak nike bungkusne kadu kain lampin, terus toloqne léq dalem palung berisi jami; séngaq ie pade ndéq mauq taoq mererepan.

LUKAS 9:58

Jawab Deside Isa, “Serigale bedowé loang, dait kedit bedowé kesebu, laguq Bije Manusie ndéq bedowé taoq begélaq.”

YAHYA 11:9

Manik Deside Isa, “Tekan kenjelo ngonéqne due olas jam? Dengan saq lampaq léq waktu kenjelo, ndéq gen kedantuk séngaq ie serioq cahaye dunie niki.

YAHYA 4:12

Yakub, bapaq leluhur tiang pade, ngicanin tiang pade lingkoq niki. Dait ie mésaq bait aiq inemne léman deriki; maraq nike éndah bije-bijene lantong selapuq binatang saq ie anyam. Napi Pelungguh paran Pelungguh beléqan kance Yakub?”

YAHYA 4:5

Beterus Deside Isa rauh léq sopoq kote léq Samaria aranne Sikar, ndéqne jaoq léman tanaq saq laéq Yakub icanin tipaq Yusup, bijene.

YAHYA 4:7

Waktu nike pengiring-pengiring Deside Isa sampun lumbar ojok kote beli keloran. Beterus araq dengan nine Samaria dateng nimbaq aiq. Deside Isa bemanik léq ie, “Inaq, bau Tiang tunas aiq inem.”

2 KORINTUS 8:9

Séngaq side pade sampun nenaoq rahmat Junjungante Saq Mulie Deside Isa Almasih. Ie sugih, laguq Ie piaq diriq-Ne miskin jari kepentingande, adéq siq kemiskinan-Ne nike, side pade jari sugih.

IBRANI 2:17

Nike artine bahwe Ie harus jari pade kance sanak-sanak-Ne léq dalem selapuq-lapuqne. Dait siq care nike Ie bau jari Imam Agung saq bedowé belas kasihan dait setie tipaq Allah. Siq pelayanan-Ne nike dose manusie bau teampunin.

IBRANI 4:15

Imam Agungte nike ndéqne imam saq ndéq bau ngeraseang kelemahan-kelemahante. Sebalikne, Ie sampun tecobe léq dalem selapuq hal, pade maraq ite mésaq; cume Ie nénten piaq dose!