YAHYA 4:41 - KITAB SUCI ZABUR INJIL

⁴¹ Beterus sayan luwéq malik dengan saq percaye léq Deside Isa lantaran ie pade dengah mésaq pengajahan-Ne.

YAHYA 4:41 ပူးပေါင်းရင်းမြစ်များ

KISAH RASUL-RASUL 1:8

Laguq side pade gen nerimaq kuase, sewaktu Roh Suci sampun rauh tipaq side. Dait side pade gen jari saksi-saksi Tiang léq Yerusalem, léq selapuq wilayah Yudea, léq Samaria, dait jangke dateng poton gumi.”

KISAH RASUL-RASUL 8:12

Laguq Pilipus beriteang tipaq ie pade Kabar Solah mengenai Kerajaan Allah dait mengenai peséngan Deside Isa Almasih. Make ie pade percaye léq berite saq tesampéang siq Pilipus, terus ie pade tebaptis dengan-dengan mame dait dengan nine.

KISAH RASUL-RASUL 8:25

Sesampun ie pade nyampéang kesaksian dait beriteang manik Tuhan, Petrus dait Yahya tulak ojok Yerusalem. Dait léq dalem kelampan uléq, ie pade beriteang Kabar Solah nike léq luwéq kampung léq Samaria.

YAHYA 6:63

Roh saq ngicanin idup, awak manusie tetu-tetu ndéqne araq manpaatne. Perajahan-perajahan saq Tiang sampéang léq side nike roh dait idup.

IBRANI 4:13

Ndéq araq sopoq mahluk juaq saq bau seboq diriqne léman arepan Allah. Selapuqne pedas penggitan dait kebukaq léq arepan-Ne. Dait ite harus betanggung jawab tipaq Allah.

KISAH RASUL-RASUL 15:3

Jemaah léq Antiokia ngatong ie pade éntah luah kote, beterus ie pade lumbar langan Pinisia dait Samaria. Léq derike ie pade nyeriteang berembé dengan bangse-bangse lain sampun nyerahang diriqne tipaq Allah. Berite nike piaq dengan-dengan saq percaye léq derike seneng gati.

YAHYA 7:46

Jawab pengawal-pengawal nike, “Ndéq uwah araq dengan saq bebaos maraq Ie!”

LUKAS 4:32

Ie pade takjub dengahang pengajahan Deside Isa, séngaq ucapan-ucapan-Ne penoq kuase.

YAHYA 4:40

Sewaktu dengan-dengan Samaria bedait kance Deside Isa, sanget siq ie pade tunas adéq Deside Isa meneng kance ie pade. Jari Deside Isa meneng léq derike due jelo ngonéqne.

YAHYA 4:42

Ie pade bebase léq dengan nine nike, “Tiang pade percaye mangkin, ndéqne lantaran napi saq side ucapang léq tiang pade, laguq lantaran tiang pade sampun dengah mésaq dait nenaoq bahwe Ie mule tetu Juruselamet dunie.”