YAHYA 3:6 - KITAB SUCI ZABUR INJIL

⁶ Manusie secare jasmani tebijeang siq dengan toaqne, laguq secare rohani tebijeang léman Roh Allah.

YAHYA 3:6 ပူးပေါင်းရင်းမြစ်များ

ZABUR 51:10

Menengang kaji dengah kabar sukecite, adéq até saq Deside remukang niki besurak malik.

YAHYA 1:13

Ie pade tebijeang ndéqne léman daraq atao keméléq manusie, ndéq éndah léman keméléq dengan mame, laguq léman Allah.

YAHYA 3:7

Ndaq bengaq lantaran Tiang badaq side: Side selapuq harus tebijeang malik.

ROMA 7:18

Séngaq tiang nenaoq bahwe ndéq araq sopoq juaq saq solah léq dalem diriq tiang; nike keméléq awak tiang saq bedose. Séngaq araq angen tiang piaq hal saq solah, laguq tiang ndéq sanggup laksaneang.

ROMA 7:5

Séngaq, laéq ite idup menurut keméléq awak saq bedose. Léq waktu nike keméléq nike timbul séngaq araq Hukum Taurat saq pengaruhin diriqte. Nike jari penyebap ite ngelaksaneang hal-hal saq jauq akibat kematéan.

ROMA 8:13

Séngaq lamun side pade idup menurut tabiat manusie, make side pade gen maté; laguq lamun siq kuase Roh Allah side pade terus doang nyematéq perbuatan-perbuatande saq bedose, make side pade gen idup.

1 KORINTUS 6:17

Laguq dengan saq pesopoq diriqne kance Tuhan, Roh Tuhan kance roh dengan nike jari sopoq.

2 KORINTUS 5:17

Jari sai saq araq léq dalem Almasih, ie ciptean baru: Saq laéq sampun ndéq araq malik, setetune saq baru sampun dateng.

GALATIA 5:24

Dengan-dengan saq sampun jari dowén Deside Isa Almasih, dengan-dengan nike sampun nyematéq keméléq tabiat manusiene kance selapuq napsu dait keméléqne.

EPESUS 2:3

Laéq ite selapuq pade éndah kance ie pade; ite idup turut tabiat manusie dait ngelaksaneang napi saq nyenengang awak dait pikirante saq jahat. Léq waktu nike éndah ite jari dengan-dengan saq temurkeang siq Allah, pade maraq dengan-dengan lain.

KOLOSE 2:11

Séngaq léq dalem Almasih, side pade sampun tesunat, ndéqne siq sunat saq tepiaq siq manusie, laguq siq sunat saq tepiaq siq Almasih, saq bébasang side pade léman kuase tabiat saq bedose.

1 YAHYA 3:9

Dengan saq asalne léman Allah, ndéq terus-terusan piaq dose, séngaq sipat Allah mésaq araq léq ie. Dait lantaran Allah nike jari Bapane, make ie ndéq bau terus-terusan piaq dose.