YAHYA 3:5 - KITAB SUCI ZABUR INJIL

⁵ Jawab Deside Isa, “Tiang badaq side, setetune lamun dengan ndéq tebijeang léman aiq dait léman Roh Allah, dengan nike ndéq gen bau tame Kerajaan Allah.

YAHYA 3:5 ပူးပေါင်းရင်းမြစ်များ

MATIUS 18:3

Terus Deside Isa bemanik, “Tiang badaq side pade! Setetune lamun side pade ndéq betobat dait jari maraq kanak kodéq niki, side pade ndéq gen tame dalem Kerajaan Sorge.

MATIUS 19:24

Dait niki éndah saq Tiang gen sampéang léq side: Molahan onte tame ojok dalem loang jarum, ketimbang dengan sugih tame ojok dalem Kerajaan Allah.”

MATIUS 21:31

Nah, léq antare kedue bije nike, saq mbé ngelaksaneang keméléq bapaqne?” “Saq sengake,” jawab ie pade. Terus Deside Isa bemanik malik léq ie pade, “Tiang badaq side, setetune penagih-penagih pajek dait dengan-dengan nine pelacur gen juluan tame Kerajaan Allah ketimbang side pade.

MATIUS 28:19

Keranaq nike, silaq side pade lumbar ojok selapuq bangse léq dunie, dait jariang ie pade pengiring-pengiring Tiang, dait baptis ie pade léq dalem peséngan Bapa dait Bije dait Roh Suci.

MATIUS 3:11

Tiang baptis side kadu aiq jari tande bahwe side sampun betobat léman dose-dosende. Laguq Ie saq gen rauh pungkuran léman tiang, gen baptis side kadu Roh Suci dait api. Kuase-Ne beléqan léman tiang. Jari jauq sepatu-Ne doang tiang ndéq patut.

MATIUS 5:20

Make Tiang badaq side: Lamun idupde dalem beragame ndéqne solahan léman ahli-ahli Taurat atao dengan Parisi, setetune side ndéq bau tame léq dalem Kerajaan Sorge!”

MARKUS 10:14

Cingakin hal nike, Deside Isa menggah terus bemanik tipaq pengiring-pengiring-Ne, “Alurang kanak-kanak nike dateng ojok Tiang! Ndaq balaq ie pade, séngaq dengan-dengan saq maraq niki saq dowéang Kerajaan Allah.

MARKUS 16:16

Dengan saq percaye dait tebaptis gen selamet, laguq dengan saq ndéq percaye gen tehukum.

MARKUS 9:47

Lamun penentengde miaq side bedose, luit penentengde! Solahan side tame Kerajaan Allah bedowé sopoq penenteng, ketimbang side dait kedue penentengde tetetéh ojok dalem api nerake.

LUKAS 13:24

“Pade berusahe tame langan lawang saq supit. Tiang badaq side, luwéq dengan berusahe tame laguq ndéq bau.

LUKAS 13:3

Tiang badaq side: Pasti Ndéq! Laguq lamun side ndéq betobat léman dose-dosende, side pade selapuq gen binase éndah, maraq ie pade.

LUKAS 13:5

Tiang badaq side: Pasti ndéq! Laguq lamun side pade ndéq betobat léman dose-dosende, side pade selapuq gen binase éndah maraq ie pade.”

YAHYA 1:13

Ie pade tebijeang ndéqne léman daraq atao keméléq manusie, ndéq éndah léman keméléq dengan mame, laguq léman Allah.

YAHYA 3:3

Jawab Deside Isa, “Tiang badaq side: Setetune ndéq araq sopoq manusie saq bau serioq Kerajaan Allah lamun ie ndéq tebijeang malik.”

YAHYA 3:4

Jawab Nikodemus tipaq Deside Isa, “Segerah dengan saq sampun toaq tebijeang malik? Napi ie iniq tame malik léq dalem tian inaqne beterus tebijeang malik?”

KISAH RASUL-RASUL 2:38

Jawab Petrus, “Pade tobat léman dose-dosende. Dait side pade sopoq-sopoq harus tebaptis dalem peséngan Deside Isa Almasih, adéq dose-dosende teampunin. Make side pade gen nerimaq paice Roh Suci léman Allah.

KISAH RASUL-RASUL 3:19

Keranaq nike, semeton-semeton senamian, pade tobat léman dose-dosende dait tulak tipaq Allah, adéq Allah ngapus dose-dose side pade,

ROMA 14:17

Séngaq Kerajaan Allah ndéqne soal napi saq bau tekelorang dait teinem, laguq mengenai keadaan tejariang kenaq léq arepan Allah, damé sejahtere dait sukecite léq dalem Roh Suci.

ROMA 8:2

Séngaq hukum Roh Allah saq miaq ite idup léq dalem Deside Isa Almasih sampun bébasang tiang léman hukum saq jauq dose dait kematéan.

1 KORINTUS 15:50

Maksut tiang, semeton senamian: Awak saq tejariang léman daraq dait daging ndéq mauq taoq léq dalem Kerajaan Allah; dait awak saq iniq binase ndéqne iniq jari kekel.

1 KORINTUS 2:12

Dait ite, ndéq nerimaq roh dunie niki, laguq Roh saq léman Allah, adéq ite nenaoq selapuq saq sampun teicanin siq Allah tipaq ite.

1 KORINTUS 6:11

Pire dengan léq antare side laéq bedowé kelakuan maraq nike. Laguq mangkin side pade tenyatayang bersi léman dose. Side pade sampun jari dowén Allah saq husus. Side pade sampun tejariang kenaq léq arepan Allah sehingge hubungan side pade kance Allah jari solah malik, nike lantaran peséngan Junjungan Saq Mulie Deside Isa Almasih dait lantaran Roh Allahte.

GALATIA 6:15

Tesunat atao ndéq tesunat, nike ndéqne penting. Saq penting nike jari ciptean baru.

EPESUS 5:26

Almasih ngelaksaneang nike jari nyuciang jemaah, sesampun Ie persiq siq baptisan dait manik-Ne.

1 PETRUS 3:21

Peristiwe nike jari perumpamean léman baptisan saq mangkin niki nyelametang side pade. Baptisan niki ndéqne sopoq upacare jari persiq awak léman selapuq saq kotor-kotor, laguq jari petunasan tipaq Allah adéq Ie ngicanin até nurani saq murni. Baptisan nike nyelametang side pade séngaq Deside Isa Almasih sampun idup malik léman ninggal,

1 YAHYA 2:29

Side pade sampun nenaoq bahwe Almasih nike kenaq. Keranaq nike side pade harus nenaoq éndah bahwe sebilang dengan saq idup menurut kebenaran, ie asalne léman Allah.

1 YAHYA 5:1

Sebilang dengan saq percaye bahwe Deside Isa nike Almasih, dengan nike asalne léman Allah. Sai-sai saq ngasihin Allah, make ie éndah ngasihin dengan saq asalne léman Allah.