YAHYA 3:4 - KITAB SUCI ZABUR INJIL

⁴ Jawab Nikodemus tipaq Deside Isa, “Segerah dengan saq sampun toaq tebijeang malik? Napi ie iniq tame malik léq dalem tian inaqne beterus tebijeang malik?”

YAHYA 3:4 ပူးပေါင်းရင်းမြစ်များ

YAHYA 3:3

Jawab Deside Isa, “Tiang badaq side: Setetune ndéq araq sopoq manusie saq bau serioq Kerajaan Allah lamun ie ndéq tebijeang malik.”

YAHYA 3:5

Jawab Deside Isa, “Tiang badaq side, setetune lamun dengan ndéq tebijeang léman aiq dait léman Roh Allah, dengan nike ndéq gen bau tame Kerajaan Allah.

YAHYA 6:53

Beterus Deside Isa bemanik léq ie pade, “Tiang badaq side: Setetune lamun side pade ndéq ngelorang rage Bije Manusie dait nginem daraq-Ne, side pade ndéq bedowé idup léq dalem diriqde.

YAHYA 6:60

Sesampun dengah manik Deside Isa nike, luwéq léq antare pengiring-pengiring-Ne matur, “Perajahan niki keras, sai saq sanggup dengahang perajahan niki?”

1 KORINTUS 1:18

Séngaq bagi dengan-dengan saq mule gen binase, berite mengenai ninggal-Ne Almasih léq kayuq salib nike teanggep jari sopoq hal saq bodo. Laguq, bagi ite saq teselametang siq Allah, berite nike kekuatan Allah.

1 KORINTUS 2:14

Dengan saq ndéq bedowé Roh Allah, ndéq bau nerimaq napi saq tenyatayang siq Roh nike. Séngaq bagi dengan nike, hal-hal nike teanggep hal saq bodo. Dengan nike ndéq iniq ngerti, séngaq hal-hal nike cume bau tenilai secare rohani.