YAHYA 3:3 - KITAB SUCI ZABUR INJIL

³ Jawab Deside Isa, “Tiang badaq side: Setetune ndéq araq sopoq manusie saq bau serioq Kerajaan Allah lamun ie ndéq tebijeang malik.”

YAHYA 3:3 ပူးပေါင်းရင်းမြစ်များ

MATIUS 16:17

Manik Deside Isa léq Petrus, “Bahagie side, Simon bije Yunus! Séngaq ndéqne manusie saq badaq side hal nike, laguq Allah, Bapa Tiang saq léq sorge.

MATIUS 19:24

Dait niki éndah saq Tiang gen sampéang léq side: Molahan onte tame ojok dalem loang jarum, ketimbang dengan sugih tame ojok dalem Kerajaan Allah.”

MATIUS 21:31

Nah, léq antare kedue bije nike, saq mbé ngelaksaneang keméléq bapaqne?” “Saq sengake,” jawab ie pade. Terus Deside Isa bemanik malik léq ie pade, “Tiang badaq side, setetune penagih-penagih pajek dait dengan-dengan nine pelacur gen juluan tame Kerajaan Allah ketimbang side pade.

MATIUS 5:18

Setetune Tiang badaq side! Sengonéq langit dait gumi masih araq, timaq sopoq hurup atao titik saq paling kodéq léq dalem hukum nike ndéq gen teapus lamun selapuqne ndéqman telaksane!

MARKUS 10:14

Cingakin hal nike, Deside Isa menggah terus bemanik tipaq pengiring-pengiring-Ne, “Alurang kanak-kanak nike dateng ojok Tiang! Ndaq balaq ie pade, séngaq dengan-dengan saq maraq niki saq dowéang Kerajaan Allah.

MARKUS 9:47

Lamun penentengde miaq side bedose, luit penentengde! Solahan side tame Kerajaan Allah bedowé sopoq penenteng, ketimbang side dait kedue penentengde tetetéh ojok dalem api nerake.

YAHYA 1:13

Ie pade tebijeang ndéqne léman daraq atao keméléq manusie, ndéq éndah léman keméléq dengan mame, laguq léman Allah.

YAHYA 1:5

Terang nike besinar léq tengaq peteng, dait peteng nike ndéq bau nguasein terang nike.

YAHYA 1:51

Deside Isa bemanik éndah, “Tiang badaq side, side gen serioq langit kebukaq, dait malaékat-malaékat Allah turun-taék ojok Bije Manusie.”

YAHYA 12:40

“Ie sampun buteang penenteng dait miaq até ie pade jari pagah; adéq ie pade ndaq serioq siq penenteng, dait pikiran ie pade ngerti, terus betobat, sehingge Tiang nyelahang ie pade.”

YAHYA 3:4

Jawab Nikodemus tipaq Deside Isa, “Segerah dengan saq sampun toaq tebijeang malik? Napi ie iniq tame malik léq dalem tian inaqne beterus tebijeang malik?”

2 KORINTUS 4:4

nike dengan-dengan saq ndéq percaye, saq pikiranne sampun tebuteang siq penguase jahat jaman mangkin niki, sehingge ie pade ndéq serioq cahaye Kabar Solah mengenai kemuliean Almasih, saq jari gambaran Allah.

2 KORINTUS 5:17

Jari sai saq araq léq dalem Almasih, ie ciptean baru: Saq laéq sampun ndéq araq malik, setetune saq baru sampun dateng.

GALATIA 6:15

Tesunat atao ndéq tesunat, nike ndéqne penting. Saq penting nike jari ciptean baru.

EPESUS 2:1

Laéq side pade maté secare rohani lantaran pelanggaran-pelanggaran dait dose-dose side pade.

TITUS 3:5

Léq waktu nike Ie sampun nyelametang ite, ndéqne lantaran perbuatan solah saq sampun ite laksaneang, laguq lantaran rahmat-Ne. Allah nyelametang ite langan Roh-Ne saq ngicanin ite kelahiran baru dait idup baru, siq care persiq ite.

YAKUB 3:17

Laguq kebijaksanean saq asalne léman atas, pertame-tame murni, beterus demen bedamé, gerasaq, penurut, penoq belas kasihan dait ngasilang perbuatan-perbuatan saq solah, ndéq bepihak dait ndéq munapik.

1 PETRUS 1:3

Silaq ite besyukur léq Allah, Bapa Junjungante Saq Mulie Deside Isa Almasih! Lantaran rahmat-Ne saq beléq gati, Ie ngicanin idup saq baru tipaq ite, siq care ngidupang malik Deside Isa Almasih léman tengaq-tengaq dengan ninggal. Hal nike ngebéng ite harepan saq pasti.

1 YAHYA 2:29

Side pade sampun nenaoq bahwe Almasih nike kenaq. Keranaq nike side pade harus nenaoq éndah bahwe sebilang dengan saq idup menurut kebenaran, ie asalne léman Allah.

1 YAHYA 3:9

Dengan saq asalne léman Allah, ndéq terus-terusan piaq dose, séngaq sipat Allah mésaq araq léq ie. Dait lantaran Allah nike jari Bapane, make ie ndéq bau terus-terusan piaq dose.

1 YAHYA 5:1

Sebilang dengan saq percaye bahwe Deside Isa nike Almasih, dengan nike asalne léman Allah. Sai-sai saq ngasihin Allah, make ie éndah ngasihin dengan saq asalne léman Allah.

1 YAHYA 5:18

Ite nenaoq bahwe selapuq dengan saq asalne léman Allah, ndéq terus-terusan piaq dose, séngaq Bije saq asalne léman Allah ngelindungin ie, dait Si Jahat ndéq bau piaq napi-napi léq ie.

1 YAHYA 5:4

séngaq sai saq asalne léman Allah, ie ngalahang dunie. Niki kemenangan saq ngalahang dunie, nike imante.

WAHYU 3:14

“Tipaq malaékat jemaah léq Laodikia, tulis maraq niki: Niki manik léman Amin, Saksi saq setie dait kenaq, sumber selapuq hal saq tecipteang siq Allah.