YAHYA 3:2 - KITAB SUCI ZABUR INJIL

² Léq sopoq kelem ie parek ojok Deside Isa, dait matur, “Bapaq Guru, tiang pade nenaoq Pelungguh teutus siq Allah. Séngaq nénten araq sopoq dengan juaq saq bau miaq keajaipan maraq Pelungguh, lamun Allah nénten bareng ie.”

YAHYA 3:2 ပူးပေါင်းရင်းမြစ်များ

MATIUS 22:16

Make ie pade ngutus pengiring-pengiring ie pade parek ojok Deside Isa bareng kance dengan-dengan golongan Herodes. Dengan-dengan nike matur léq Deside Isa, “Bapaq Guru, tiang pade nenaoq Pelungguh jujur. Pelungguh ngajahang secare terus terang mengenai langan saq kenaq tipaq Allah, dait nénten takut léq sai juaq. Séngaq Pelungguh nénten piléq kasih.

MATIUS 23:7

Ie pade demen tehormatin siq dengan léq peken-peken dait teempoh ‘Guru’.

MATIUS 23:8

Laguq side pade, ndaq gati mélé tesebut ‘Guru’, séngaq side cume bedowé sopoq Guru dait side pade selapuq besemetonan.

MARKUS 12:14

Ie pade parek ojok Deside Isa dait matur, “Bapaq Guru, tiang pade nenaoq Pelungguh jujur dait nénten takut léq sai juaq. Pelungguh ngajahang secare terus terang mengenai langan saq kenaq tipaq Allah. Séngaq Pelungguh nénten piléq kasih. Silaq Pelungguh bemanik léq tiang pade, ‘Menurut aturan agamente, kanggo napi nénten bayah pajek léq kaisar? Napi pajek nike harus ite bayah atao nénten?’ ”

YAHYA 1:38

Deside Isa ngéngat andang mudi, dait cingakin ie pade kenyeke turut Ie. Deside Isa beketuan, “Napi saq side pade boyaq?” Jawab ie pade, “Rabi (artine: Guru), léq mbé Pelungguh meneng?”

YAHYA 10:38

Laguq lantaran Tiang ngelaksaneang hal nike, pade percaye léq napi saq Tiang laksaneang nike, timaq side pade ndéq mélé percaye léq Tiang. Adéq side pade nenaoq dait ngerti bahwe Bapa léq dalem Tiang, dait Tiang léq dalem Bapa.”

YAHYA 12:37

Timaq sampun luwéq keajaipan saq tepiaq siq Deside Isa léq julu ie pade, ie pade ndéq percaye léq Deside Isa.

YAHYA 14:10

Pilipus! Napi side ndéq percaye, bahwe Tiang léq dalem Bapa, dait Bapa léq dalem Tiang? Napi saq Tiang sampéang léq side, ndéq Tiang sampéang léman diriq Tiang mésaq. Bapa saq tetep léq dalem Tiang, Ie saq ngelaksaneang selapuqne nike.

YAHYA 15:24

Seandéne Tiang ndéq ngelaksaneang karye léq tengaq-tengaq ie pade maraq saq ndéq uwah telaksaneang siq dengan lain, pasti ie pade ndéq bedose. Laguq mangkin timaq ie pade sampun serioq selapuqne nike, tetep doang ie pade meriq léq Tiang dait Bapa Tiang.

YAHYA 2:11

Nike keajaipan penembéq saq tepiaq siq Deside Isa. Ie ngelaksaneang nike léq Kana léq Galilea. Siq tande nike Ie nyatayang kemuliean-Ne. Make pengiring-pengiring-Ne percaye léq Ie.

YAHYA 20:16

Deside Isa bemanik léq ie, “Mariam!” Mariam ngéngat andang Deside Isa, beterus matur kadu base Ibrani, “Rabuni!” (Saq artine, “Guru”.)

YAHYA 3:26

Ie pade lumbar ojok Yahya, dait bebase, “Paq Guru, napi pelungguh masih iling léq dengan saq bareng kance pelungguh léq itoqan Kokoq Yordan nike saq piranan sampun pelungguh ceriteang tiang pade? Ie éndah baptis dengan, dait selapuq dengan lumbar ojok Ie!”

YAHYA 4:31

Léq waktu nike pengiring-pengiring-Ne pesilaq Deside Isa medaran. Ie pade matur, “Bapaq Guru, silaq medaran.”

YAHYA 5:36

Laguq kesaksian Tiang pentingan léman kesaksian Yahya. Napi saq mangkin Tiang laksaneang, niki karye saq tetugasang siq Bapa tipaq Tiang, jari bukti bahwe Bapa sampun ngutus Tiang.

YAHYA 6:2

Sesampun rauh léq derike, luwéq dengan ngiring Deside Isa, séngaq ie pade sampun serioq muqjizat-muqjizat saq tepiaq siq Deside Isa sewaktu Ie nyelahang dengan sakit.

YAHYA 7:31

Luwéq léq antare dengan-dengan nike mulai percaye léq Deside Isa, dait bebase, “Lamun Almasih nike rauh, napi Ie bau ngelaksaneang luwéqan keajaipan ketimbang Dengan niki?”

YAHYA 9:16

Pire dengan léq antare dengan-dengan Parisi nike bebase, “Ndéqne mungkin dengan saq ngelaksaneang niki asalne léman Allah, séngaq Ie ndéq hormatin jelo Sabat.” Laguq dengan lain bebase, “Ndéqne mungkin dengan bedose miaq keajaipan-keajaipan maraq niki?” Beterus araq béde pendapet antare ie pade.

KISAH RASUL-RASUL 10:38

Side pade nenaoq bahwe Allah sampun nyuciang dait ngesahang Deside Isa dengan Nazaret nike siq Roh Suci dait kuase. Side pade nenaoq éndah bahwe Deside Isa nike lumbar ojok mbé-mbé jari ngelaksaneang saq solah; Ie nyelahang selapuq dengan saq tekuasein siq Belis, séngaq Allah araq bareng Ie.

KISAH RASUL-RASUL 2:22

Dengan-dengan Israel! Pade dengahang napi saq tiang sampéang niki: Deside Isa dengan Nazaret nike sampun tetentuang siq Allah umaq side. Nike nyate gati léq keajaipan-keajaipan dait hal-hal luar biase saq Allah laksaneang léq tengaq-tengaq side pade langan Deside Isa nike. Selapuqne nike side mésaq sampun nenaoq.

PILIPI 1:14

Dait keadaan tiang saq tebui niki sampun miaq luwéq semeton-semeton seiman léq kote niki jari sayan yakin léq dalem Tuhan, sehingge ie pade sayan bani, ndéqne takut-takut malik ngabarang Manik Allah.