YAHYA 2:2 - KITAB SUCI ZABUR INJIL

² Deside Isa kance pengiring-pengiring-Ne tepesilaq éndah léq gawé ngawinang nike.

YAHYA 2:2 ပူးပေါင်းရင်းမြစ်များ

MATIUS 12:19

Ie ndéq gen betungkasan atao nyurak, atao pidato léq rurung-rurung beléq.

MATIUS 25:40

Raje nike gen bejawab, ‘Tiang badaq side: Setetune waktu side pade ngelaksaneang hal nike léq salaq sopoq sanak-sanak Tiang saq paling hine, artine side ngelaksaneang hal nike tipaq Tiang!’

MATIUS 25:45

Raje nike gen bejawab, ‘Tiang badaq side: Léq waktu side pade ndéq mélé tulung salaq sopoq dengan saq paling hine niki, artine side pade ndéq mélé tulung Tiang.’

YAHYA 2:12

Sesampun nike Deside Isa lumbar ojok Kapernaum bareng-bareng kance mamiq bini-Ne, sanak-sanak-Ne dait pengiring-pengiring-Ne. Ie pade mererepan léq derike pire jelo ngonéqne.

YAHYA 2:17

Beterus pengiring-pengiring-Ne inget bahwe araq tetulis, “Rase kasih Tiang léq Gedéng Deside, nguasein atén Tiang.”

YAHYA 2:22

Beterus sesampun Deside Isa idup léman ninggal, pengiring-pengiring-Ne inget bahwe hal nike sampun Ie manikang. Make ie pade percaye napi saq tetulis léq Kitab Suci dait napi saq temanikang siq Deside Isa.

YAHYA 2:3

Sewaktu ie pade kurangan aiq anggur, mamiq bini-Ne bebase léq Deside Isa, “Aiq anggur ie pade sampun bis.”

YAHYA 3:22

Sesampun nike Deside Isa dait pengiring-pengiring-Ne lumbar ojok Yudea. Léq derike Ie mererepan pire jelo ngonéqne teiring siq ie pade sambil baptis dengan saq betobat.

YAHYA 4:2

timaq Deside Isa mésaq nénten baptis dengan, laguq pengiring-pengiring-Ne doang,)

YAHYA 4:33

Beterus pengiring-pengiring-Ne mulai saling ketuan, “Napi araq dengan atongang Ie keloran?”

YAHYA 6:12

Sesampun selapuqne bekelor jangke besuh, Deside Isa bemanik tipaq pengiring-pengiring-Ne, “Kumpulang salo keloran nike; ndaq jangke araq saq tetetéh.”

YAHYA 6:16

Sesampun serep jelo, pengiring-pengiring Deside Isa turun ojok danao.

YAHYA 6:60

Sesampun dengah manik Deside Isa nike, luwéq léq antare pengiring-pengiring-Ne matur, “Perajahan niki keras, sai saq sanggup dengahang perajahan niki?”

YAHYA 6:66

Mulai waktu nike luwéq pengiring-Ne ngundurang diriq, dait ndéq ngiring Ie malik.

YAHYA 6:67

Beterus Deside Isa beketuan léq kedue olas pengiring-Ne, “Napi side pade éndah mélé bilin Tiang?”

YAHYA 6:70

Jawab Deside Isa, “Tekan Tiang mésaq saq piléq side pade, saq due olas dengan niki? Laguq salaq sopoq léq antare side nike Belis!”

YAHYA 6:71

Saq temaksut siq Deside Isa nike, Yudas bije Simon Iskariot. Séngaq timaq Yudas jari salaq sopoq léman kedue olas pengiring-Ne, ie gen behianat léq Deside Isa.

YAHYA 6:8

Salaq sopoq pengiring Deside Isa saq lain aranne Andreas, semeton Simon Petrus matur,

YAHYA 7:3

Sanak-sanak Deside Isa matur léq Deside Isa, “Silaq bilin taoq niki, terus lumbar ojok Yudea, adéq pengiring-pengiring Pelungguh bau serioq karye Pelungguh.

KISAH RASUL-RASUL 11:26

Sesampun bedait kance Saulus, ie jauq Saulus ojok Antiokia dait setaun penoq ie pade bekumpul kance jemaah léq derike sambil ngajahang luwéq dengan. Léq Antiokia nike dengan-dengan saq percaye léq Deside Isa penembéqne tesebut dengan-dengan Nasrani.

KISAH RASUL-RASUL 11:29

Make selapuq pengiring Deside Isa nike sepakat jari ngirim sumbangan tipaq semeton-semeton saq ndot léq Yudea; sopoq-sopoq ngirim menurut kemampuanne.

1 KORINTUS 10:31

Napi juaq saq side laksaneang -- side bekelor atao side nginem -- laksaneang selapuqne nike jari mulieang Allah.

1 KORINTUS 7:39

Sopoq dengan nine saq sampun merariq teriket tipaq semamene cume sengonéq semamene idup. Lamun semamene sampun milinang, dengan nine nike bébas merariq malik kance dengan saq ie demenang; asal dengan nike dengan saq percaye léq Almasih.

KOLOSE 3:17

Napi juaq saq side pade laksaneang atao ucapang, hal nike harus telaksaneang dait teucapang siq peséngan Junjungan Saq Mulie Deside Isa Almasih, sambil ngucap syukur tipaq Allah Bapa léq napi saq telaksaneang siq Deside Isa umaq side.

IBRANI 13:4

Selapuq dengan harus nyatayang rase hormat léq janji nikahne, nike lantaranne senine-semame harus setie sopoq kance saq lainne. Dengan saq gawéq perbuatan saq cabul dait dengan saq bezinah gen teadilin siq Allah.

WAHYU 3:20

Silaq pade serioq! Tiang nganjeng léq julu lawang dait beketok. Lamun araq dengan saq dengah suare Tiang dait bukaqang lawang, Tiang gen tame jari bedait kance ie; Tiang gen bekelor bareng ie, dait ie bekelor bareng kance Tiang.