YAHYA 18:4 - KITAB SUCI ZABUR INJIL

⁴ Deside Isa wikan selapuq saq gen telaksane tipaq diriq-Ne. Jari Ie ngerapetin dengan-dengan nike, dait beketuan, “Sai saq side pade boyaq?”

YAHYA 18:4 ပူးပေါင်းရင်းမြစ်များ

ZABUR 27:3

Timaq tiang tekepung siq pasukan saq luweq, tiang ndéq gen takut. Timaq araq perang ngelawan tiang, tiang tetep beharep.

ZABUR 3:6

Tiang begélaq dait tindoq siq rase tentrem, dait ures malik, séngaq ALLAH saq jagaq tiang.

MATIUS 16:21

Mulai léman waktu nike, Deside Isa nyatayang secare terus terang léq pengiring-pengiring-Ne, bahwe Ie harus lumbar ojok Yerusalem dait ngalamin luwéq penderitean léman pemimpin-pemimpin, imam-imam kepale dait ahli-ahli Taurat. Ie gen tematéq, laguq léq jelo saq ketelu Ie gen teidupang malik.

MATIUS 26:2

“Side pade nenaoq, bahwe karing due jelo Hari Raye Paskah, dait Bije Manusie gen teserahang jari tepakuq léq kayuq salib.”

MATIUS 26:21

Sewaktu ie pade kenyeke medaran, Deside Isa bemanik, “Tiang badaq side: Setetune salaq sopoq léq antare side pade gen behianat léq Tiang.”

MATIUS 26:31

Beterus Deside Isa bemanik léq pengiring-pengiring-Ne, “Kelem niki éndah side pade gen pelai bilin Tiang. Séngaq léq Kitab Suci tetulis: Allah bemanik, ‘Tiang gen nyematéq pengarat nike, dait selapuq dombe-dombene gen bekelin sopoq kance saq lain.’

LUKAS 24:44

Sesampun nike, Deside Isa bemanik malik léq ie pade, “Hal niki saq sampun Tiang sampéang léq side pade sewaktu Tiang masih bareng kance side pade: Bahwe selapuq hal saq tetulis mengenai Tiang léq dalem Kitab Taurat Musa, Kitab Nabi-nabi dait léq Kitab Zabur, harus telaksane.”

YAHYA 13:1

Sejelo sendéqman Hari Raye Paskah, Deside Isa wikan bahwe sampun waktune Ie bilin dunie niki jari tulak tipaq Bapa-Ne. Ie ngasihin dengan-dengan saq jari dowé-Ne léq dunie, dait Ie tetep ngasihin ie pade jangke penutuq.

YAHYA 13:11

Deside Isa sampun wikan sai saq gen behianat léq Ie. Keranaq nike Ie bemanik, “Side pade sampun bersi, laguq ndéq selapuqne.”)

YAHYA 18:5

“Deside Isa, dengan Nazaret,” jawab ie pade. “Tiang niki Ie,” jawab Deside Isa. Yudas penghianat nganjeng kance ie pade léq derike.

YAHYA 18:7

Deside Isa beketuan malik léq ie pade, “Sai saq side pade boyaq?” “Deside Isa dengan Nazaret,” jawab ie pade.

YAHYA 19:28

Deside Isa wikan bahwe mangkin selapuqne sampun selesé, dait napi saq tetulis dalem Kitab Suci adéq telaksane. Ie bemanik, “Tiang bedak.”

YAHYA 6:64

Laguq léq antare side pade araq saq ndéq percaye.” (Deside Isa sampun wikan léman penembéqne sai-sai saq ndéq mélé percaye, dait sai saq gen behianat léq Ie.)

KISAH RASUL-RASUL 2:28

Deside sampun nyatayang tipaq tiang langan saq nuju idup saq sejati. Sukecite tiang beléq gati, séngaq Deside araq bareng tiang.’

1 PETRUS 4:1

Séngaq Almasih sampun menderite secare jasmani, side pade éndah harus kuatang diriq siq pikiran maraq nike. Séngaq dengan saq menderite secare jasmani, ie sampun engkah piaq dose.