YAHYA 17:3 - KITAB SUCI ZABUR INJIL

³ Niki idup sejati dait kekel; bahwe dengan kenal kance Deside, jari sopoq-sopoqne Allah saq kenaq, dait kenal kance Deside Isa Almasih saq sampun Deside utus.

YAHYA 17:3 ပူးပေါင်းရင်းမြစ်များ

ZABUR 9:10

ALLAH nike taoqne berlindung dengan saq tetindes, taoq perlindungan waktu kebucuq.

MARKUS 9:37

“Dengan saq nerimaq sopoq kanak maraq niki lantaran Tiang, artine nerimaq Tiang. Dait dengan saq nerimaq Tiang, ie ndéq nerimaq Tiang doang, laguq nerimaq éndah Ie saq ngutus Tiang.”

LUKAS 9:48

Terus Deside Isa bemanik léq pengiring-pengiring-Ne, “Dengan saq nerimaq kanak niki lantaran Tiang, artine nerimaq Tiang. Dait dengan saq nerimaq Tiang, nerimaq Ie saq ngutus Tiang. Séngaq dengan saq paling kodéq léq antare side pade, ie saq paling beléq!”

YAHYA 10:36

napi masih side pade bebase tipaq Ie saq tesuciang dait teutus ojok dunie siq Bapa: Side menghine Allah! Séngaq Tiang sampun bemanik, Tiang Bije saq asalne léman Allah?

YAHYA 11:42

Tiang nenaoq bahwe Deside tetep mirengang Tiang, laguq Tiang matur maraq niki, lantaran dengan-dengan saq araq léq deriki; adéq ie pade percaye bahwe Deside saq ngutus Tiang.”

YAHYA 14:26

Laguq Roh Suci, Penulung saq gen teutus Bapa kadu aran Tiang, Ie saq gen ngajah side pade selapuqne dait ngingetang side pade léq napi saq sampun Tiang sampéang tipaq side pade.

YAHYA 17:18

Maraq Deside sampun ngutus Tiang ojok dunie, maraq nike éndah Tiang ngutus ie pade ojok dunie;

YAHYA 17:21

adéq ie pade selapuq jari sopoq, pade maraq Deside léq dalem Tiang, dait Tiang léq dalem Deside, adéq ie pade éndah léq dalem Ite, adéq dunie percaye, bahwe Deside saq sampun ngutus Tiang.

YAHYA 17:23

Tiang léq dalem ie pade, dait Deside léq dalem Tiang; adéq ie pade sempurne jari sopoq, adéq dunie nenaoq bahwe Deside saq sampun ngutus Tiang, dait Deside ngasihin ie pade, pade maraq Deside ngasihin Tiang.

YAHYA 17:25

Bapa saq adil! Mule dunie nénten kenal kance Deside, laguq Tiang kenal kance Deside; dait ie pade niki nenaoq, bahwe Deside saq sampun ngutus Tiang,

YAHYA 17:8

Sampun Tiang sampéang tipaq ie pade manik saq Deside icanin tipaq Tiang; dait ie pade sampun nerimaq manik nike. Ie pade nenaoq bahwe Tiang tetu-tetu dateng léman Deside dait ie pade percaye bahwe Deside saq ngutus Tiang.

YAHYA 3:17

Séngaq Allah ngutus Bije-Ne nénten jari hakimin dunie niki, laguq adéq langan Ie, dunie niki teselametang.

YAHYA 3:34

Séngaq dengan saq teutus siq Allah nyampéang Manik Allah, séngaq nénten araq tutuqne Allah ngicanin Roh-Ne.

YAHYA 5:44

Berembé side pade bau percaye, lamun side pade boyaq pujian léman sepade manusie, dait ndéq berusahe boyaq pujian léman Allah saq Esa?

YAHYA 6:57

Pade maraq Bapa saq idup ngutus Tiang, dait Tiang éndah idup léman Bapa, maraq nike éndah halne sai-sai saq kelorang ragen Tiang gen idup léman Tiang.

YAHYA 7:29

Tiang kenal kance Ie séngaq Tiang asalne léman Ie, dait Ie saq ngutus Tiang.”

YAHYA 8:19

“Bapa Pelungguh nike léq mbé?” basen ie pade. Jawab Deside Isa, “Side pade ndéq kenal kance Tiang dait Bapa Tiang. Seandéne side pade kenal kance Tiang, pasti side pade kenal kance Bapa Tiang éndah.”

1 KORINTUS 15:34

Pade sadar mangkin, dait ndaq gawéq dose malik. Sepatutne side pade harus ilaq, bahwe léq antare side araq saq ndéq kenal Allah.

1 KORINTUS 8:4

Mengenai masalah ngelor keloran saq sampun teaturang tipaq berhale, ite nenaoq bahwe ndéq araq berhale léq dunie. Dait ite nenaoq éndah bahwe Allah cume sopoq; ndéq araq saq lain.

2 KORINTUS 4:6

Allah saq bemanik, “Léman peteng tiwoq cahaye.” Allah nike éndah saq niwoqang cahaye nike léq dalem aténte, adéq terang pikirante jari pahamin kemuliean Allah saq besinar léq penjarupan Almasih.

PILIPI 3:10

Sopoq-sopoqne saq tiang melétang nike adéq tiang kenal kance Almasih dait ngalamin kuase saq ngidupang Ie léman ninggal. Tiang melét milu menderite bareng kance Ie dait jari pade maraq Ie dalem hal ninggal-Ne.

PILIPI 3:8

Ndéqne hal-hal nike doang; laguq malahan selapuq hal tiang anggep hal-hal saq ngerugiang doang. Saq tiang épéang mangkin niki lebih mulie: Kenal kance Deside Isa Almasih, Junjungan tiang Saq Mulie. Lantaran Almasih, make tiang sampun lepas selapuqne. Tiang anggep selapuqne nike maraq dedoro doang, adéq tiang mauq Almasih,

1 TESALONIKA 1:9

Selapuq dengan nike ngeraos mengenai berembé side pade nerimaq tiang pade sewaktu laéq tiang pade dateng ojok side. Ie pade ngeraos mengenai berembé side pade bilin berhale-berhale dait dateng tipaq Allah saq idup dait kenaq jari ngabdi léq Ie.

2 TESALONIKA 1:8

jari nentuang pembalesan tipaq ie pade saq ndéq mélé kenal kance Allah dait ndéq mélé taat léq Kabar Solah mengenai Deside Isa, Junjungante Saq Mulie.

IBRANI 3:1

Keranaq nike, semeton-semeton saq suci, saq nerimaq bagian léman Allah saq sampun ngemanikang léman sorge, side pade harus merhatiang Rasul dait Imam Agung saq sampun ite percaye, nike Deside Isa.

2 PETRUS 1:2

Rahmat dait damé sejahtere Allah melimpah tipaq side, séngaq side pade kenal kance Allah dait Deside Isa, Junjungante Saq Mulie.

2 PETRUS 1:3

Selapuq hal saq bemanpaat jari idup saq soléh sampun teicanin tipaq ite siq kuase Ilahi-Ne, langan napi saq ite taoq mengenai Deside Isa Almasih saq sampun ngemanikang ite siq kuase-Ne saq mulie dait ajaip.

2 PETRUS 1:8

Lamun sipat-sipat nike araq léq side pade secare belimpah-limpah, side pade gen jari sayan rajin dait berhasil, dalem hal kenal kance Deside Isa Almasih Junjungante Saq Mulie.

1 YAHYA 1:2

Idup nike sampun tenyatayang, dait tiang pade sampun serioq ie. Keranaq nike tiang pade ngebéng kesaksian mengenai hal nike. Tiang pade beriteang léq side pade mengenai idup sejati dait kekel, saq araq bareng Bapa, dait saq sampun tenyatayang tipaq tiang pade.

1 YAHYA 1:3

Napi saq sampun tiang pade serioq dait dengah, nike éndah saq tiang pade beriteang tipaq side pade, adéq side pade bareng kance tiang pade éndah, idup akrab kance Bapa dait kance Bije-Ne, nike Deside Isa Almasih.

1 YAHYA 2:23

Dengan saq ndéq ngakuq Bije saq asalne léman Allah, artine ndéq nerimaq Bapa éndah. Dait dengan saq ngakuq Bije saq asalne léman Allah, artine nerimaq Bapa éndah.

1 YAHYA 4:6

Laguq ite niki asalne léman Allah; dait dengan saq kenal kance Allah, dengah ucapante. Dengan saq asalne ndéq léman Allah, ndéqne dengah ucapante. Siq care nike ite nenaoq bédene antare Roh kebenaran dait roh saq nyesatang.

1 YAHYA 5:20

Ite nenaoq bahwe Bije saq asalne léman Allah sampun rauh dait sampun ngicanin ite pengertian, adéq ite kenal kance Allah saq kenaq. Ite idup léq dalem Allah saq kenaq dait léq dalem Bije-Ne, Deside Isa Almasih. Ie Allah saq kenaq, dait idup sejati dait kekel.