YAHYA 17:2 - KITAB SUCI ZABUR INJIL

² Deside sampun ngicanin tipaq Bije Deside kuase tipaq selapuq umat manusie, adéq Ie ngicanin idup sejati dait kekel tipaq selapuq dengan saq Deside icanin tipaq Ie.

YAHYA 17:2 ပူးပေါင်းရင်းမြစ်များ

ZABUR 110:1

Zabur Daud. ALLAH sampun bemanik léq junjungan tiang: “Melinggih léq sedi kanan Tiang jangke Tiang piaq musuh-musuhde takluk léq side.”

MATIUS 11:27

Beterus Deside Isa bemanik, “Selapuqne sampun teserahang léq Tiang siq Bapa. Ndéq araq sopoq dengan juaq saq kenal Bije, selain Bapa. Ndéq araq éndah saq kenal Bapa selain Bije, dait dengan-dengan tipaq sai Bije nike ngenalang Bapa.

MATIUS 25:46

Make dengan-dengan nike gen tehukum siq hukuman saq kekel. Laguq dengan-dengan saq ngelaksaneang préntah Allah gen tame ojok dalem idup sejati dait kekel.”

MATIUS 28:18

Deside Isa ngerapetin ie pade, dait bemanik, “Selapuq kuase saq araq léq sorge dait léq gumi sampun teserahang léq Tiang.

YAHYA 17:24

Bapa, Tiang melét adéq léq mbé juaq Tiang araq, ie pade éndah araq bareng kance Tiang, ie pade saq sampun Deside icanin tipaq Tiang, adéq ie pade serioq kemuliean Tiang saq sampun Deside icanin tipaq Tiang, séngaq Deside sampun ngasihin Tiang sendéqman dunie tecipteang.

YAHYA 17:6

Tiang sampun nyatayang peséngan Deside tipaq dengan-dengan léq dunie saq sampun Deside icanin tipaq Tiang. Ie pade nike jari dowén Deside, dait Deside sampun ngicanin ie pade tipaq Tiang dait ie pade sampun turut manik Deside.

YAHYA 17:9

Tiang do'eang ie pade. Tiang nénten do'eang dunie laguq jari dengan-dengan saq sampun Deside icanin tipaq Tiang, séngaq ie pade dowén Deside.

YAHYA 3:35

Bapa ngasihin Bije, dait sampun nyerahang selapuq kuase léq Ie.

YAHYA 4:14

laguq dengan saq nginem aiq saq gen Tiang béng, ndéqne gen bedak malik selaéq-laéqne. Séngaq aiq saq gen Tiang béng nike gen jari pengembulan aiq léq dalem diriqne saq gen terus ngélék jangke dateng idup sejati dait kekel.”

YAHYA 6:27

Ndaq begawéan jari mauq keloran saq iniq bis dait séde. Laguq side pade harus begawéan jari mauq keloran saq bau tahen jangke dateng idup sejati dait kekel, saq gen teicanin siq Bije Manusie, séngaq Ie sampun tesahang siq Allah Bapa.”

YAHYA 6:37

Selapuq saq Bapa icanin tipaq Tiang gen dateng tipaq Tiang dait sai-sai saq dateng tipaq Tiang ndéq uwah Tiang tolaq.

YAHYA 6:39

Dait niki pekayunan Ie saq ngutus Tiang: Adéq selapuq saq sampun Ie icanin tipaq Tiang, ndéq araq saq telang; laguq adéq Tiang idupang malik léq ahir jaman.

ROMA 6:23

Séngaq upaq dose nike kematéan; laguq paice Allah nike idup sejati dait kekel dalem Junjungante Saq Mulie Deside Isa Almasih.

1 KORINTUS 15:25

Almasih harus tetep mréntah jangke Allah jariang selapuq musuh Almasih takluk léq Almasih.

EPESUS 1:20

saq Ie laksaneang sewaktu Ie ngidupang Almasih léman ninggal dait ngicanin Ie kedudukan saq paling atas ngiring Allah léq sorge.

PILIPI 2:10

Adéq léq dalem peséngan Deside Isa Almasih, selapuq mahluk saq léq sorge, dait saq léq gumi, dait saq léq bawaq gumi, gen sujut léq arepan-Ne.

1 TIMOTIUS 1:16

Laguq lantaran hal nike malahan Allah periak léq tiang, adéq Deside Isa Almasih bau nyatayang selapuq kesabaran-Ne tipaq tiang, dengan saq paling bedose niki. Dait niki jari sopoq conto tipaq selapuq dengan saq éraq gen percaye léq Ie dait mauq idup saq kekel.

IBRANI 1:2

Laguq léq jaman ahir niki, Allah bemanik léq ite langan perantarean Bije-Ne, saq sampun tetentuang jari ahli waris selapuq saq araq. Langan Ie Allah sampun cipteang alam semeste.

1 PETRUS 3:22

dait sampun taék ojok sorge serte melinggih léq sedi kanan Allah. Selapuq malaékat, selapuq penguase dait selapuq kekuatan takluk léq Ie.

1 YAHYA 1:2

Idup nike sampun tenyatayang, dait tiang pade sampun serioq ie. Keranaq nike tiang pade ngebéng kesaksian mengenai hal nike. Tiang pade beriteang léq side pade mengenai idup sejati dait kekel, saq araq bareng Bapa, dait saq sampun tenyatayang tipaq tiang pade.

1 YAHYA 2:25

Dait hal niki saq tejanjiqang siq Almasih tipaq ite; idup sejati dait kekel.

1 YAHYA 5:20

Ite nenaoq bahwe Bije saq asalne léman Allah sampun rauh dait sampun ngicanin ite pengertian, adéq ite kenal kance Allah saq kenaq. Ite idup léq dalem Allah saq kenaq dait léq dalem Bije-Ne, Deside Isa Almasih. Ie Allah saq kenaq, dait idup sejati dait kekel.

YUDAS 1:21

dait tetep idup léq bawaq pengasihan Allah sengonéq side pade ngantos rahmat Deside Isa Almasih Junjungante Saq Mulie, saq gen ngicanin side idup sejati dait kekel.