YAHYA 16:3 - KITAB SUCI ZABUR INJIL

³ Ie pade laksaneang hal nike léq side, séngaq ie pade ndéqman kenal Bapa dait Tiang.

YAHYA 16:3 ပူးပေါင်းရင်းမြစ်များ

LUKAS 10:22

Selapuq hal sampun teserahang siq Bapa tipaq Tiang. Ndéq araq sopoq dengan juaq saq kenal kance Bije, selain Bapa. Ndéq araq éndah saq kenal Bapa selain Bije; dait tipaq dengan-dengan saq Bije nike kayun nyatayang Bapa.”

YAHYA 15:21

Laguq selapuqne nike gen ie pade laksaneang léq side pade lantaran aran Tiang, séngaq ie pade ndéq kenal Allah saq sampun ngutus Tiang.

YAHYA 15:23

Dengan saq meriq léq Tiang, ie éndah meriq léq Bapa Tiang.

YAHYA 17:25

Bapa saq adil! Mule dunie nénten kenal kance Deside, laguq Tiang kenal kance Deside; dait ie pade niki nenaoq, bahwe Deside saq sampun ngutus Tiang,

YAHYA 17:3

Niki idup sejati dait kekel; bahwe dengan kenal kance Deside, jari sopoq-sopoqne Allah saq kenaq, dait kenal kance Deside Isa Almasih saq sampun Deside utus.

YAHYA 8:19

“Bapa Pelungguh nike léq mbé?” basen ie pade. Jawab Deside Isa, “Side pade ndéq kenal kance Tiang dait Bapa Tiang. Seandéne side pade kenal kance Tiang, pasti side pade kenal kance Bapa Tiang éndah.”

YAHYA 8:55

padahal side pade ndéq kenal kance Ie, laguq Tiang kenal kance Ie. Dait lamun Tiang badaq bahwe Tiang ndéq kenal kance Ie, make Tiang penduste, pade maraq side pade. Laguq Tiang kenal kance Ie dait Tiang taat léq manik-Ne.

KISAH RASUL-RASUL 3:17

Semeton-semeton senamian! Mangkin tiang nenaoq bahwe napi saq side pade dait pemimpin-pemimpinde laksaneang tipaq Deside Isa, nike side pade laksaneang séngaq side pade ndéq nenaoq napi saq side pade kenyeke laksaneang.

1 KORINTUS 2:8

Ndéq araq sopoq dengan juaq léman penguase-penguase jaman niki saq nenaoq mengenai kebijaksanean nike. Séngaq, seandéne ie pade sampun nenaoq, pasti ie pade ndéq gen pakuq léq kayuq salib Junjungan Saq Mulie nike.

2 TESALONIKA 1:8

jari nentuang pembalesan tipaq ie pade saq ndéq mélé kenal kance Allah dait ndéq mélé taat léq Kabar Solah mengenai Deside Isa, Junjungante Saq Mulie.

1 TIMOTIUS 1:13

timaq laéq tiang pitnah dait nganiaye dait menghine Ie. Laguq Allah periak léq tiang, séngaq léq waktu nike tiang ndéqman percaye, jari tiang ndéq taoq napi saq tiang laksaneang.

1 YAHYA 2:23

Dengan saq ndéq ngakuq Bije saq asalne léman Allah, artine ndéq nerimaq Bapa éndah. Dait dengan saq ngakuq Bije saq asalne léman Allah, artine nerimaq Bapa éndah.

1 YAHYA 3:1

Serioq berembé beléq kasih Allah léq ite, sehingge ite teakuq jari bije-bije dowé-Ne. Dait mule ite niki bije-bije dowén Allah. Keranaq nike dunie saq jahat niki ndéq kenal kance ite, séngaq dunie ndéq kenal kance Allah.

1 YAHYA 4:8

Dengan saq ndéq bedowé rase kasih, ie ndéq kenal kance Allah; séngaq Allah nike kasih.

1 YAHYA 5:20

Ite nenaoq bahwe Bije saq asalne léman Allah sampun rauh dait sampun ngicanin ite pengertian, adéq ite kenal kance Allah saq kenaq. Ite idup léq dalem Allah saq kenaq dait léq dalem Bije-Ne, Deside Isa Almasih. Ie Allah saq kenaq, dait idup sejati dait kekel.