YAHYA 15:8 - KITAB SUCI ZABUR INJIL

⁸ Lamun side pade bebuaq luwéq, Bapa Tiang temulieang; dait siq care nike side tetu-tetu pengiring Tiang.

YAHYA 15:8 ပူးပေါင်းရင်းမြစ်များ

MATIUS 5:16

Maraq nike éndah cahayende harus besinar léq julu dengan, adéq ie pade serioq perbuatan-perbuatande saq solah, terus ie pade mulieang Bapa side léq sorge.”

MATIUS 5:44

Laguq mangkin Tiang badaq side: Kasihin musuh-musuhde dait do'eang dengan saq nganiaye side pade,

MATIUS 9:8

Sewaktu dengan-dengan nyaksiang peristiwe nike ie pade takut dait mulieang Allah. Séngaq Allah sampun ngicanin kuase saq beléq gati tipaq manusie.

LUKAS 6:35

Seharusne ndéq maraq nike! Sebalikne side pade harus ngasihin musuhde dait solah léq ie pade. Side pade harus béng nyinggaq, dait ndaq harepang tetulakang malik. Lamun maraq nike, upaqde gen beléq dait side pade gen jari bije-bije dowén Allah Saq Maheagung. Séngaq Allah nike murah até léq dengan saq ndéq tao betampi asih, dait tipaq saq jahat éndah.

YAHYA 13:35

Lamun side pade saling kasihin, selapuq dengan gen nenaoq bahwe side pade pengiring-pengiring Tiang.”

YAHYA 15:5

Tiang niki lolo anggur, dait side pade pémpang-pémpangne. Dengan saq tetep ndot léq dalem Tiang, dait Tiang léq dalem ie, ie bebuaq luwéq; séngaq lamun ndéq léq dalem Tiang, side ndéq tao piaq napi-napi.

YAHYA 8:31

Beterus Deside Isa bemanik léq dengan-dengan Yahudi saq sampun percaye léq Ie, “Lamun side pade tetep idup menurut manik Tiang, side pade tetu-tetu jari pengiring Tiang,

1 KORINTUS 10:31

Napi juaq saq side laksaneang -- side bekelor atao side nginem -- laksaneang selapuqne nike jari mulieang Allah.

1 KORINTUS 6:20

Side pade sampun tebeli dait tebayah lunas siq Allah. Keranaq nike, mulieang Allah kadu awakde.

PILIPI 1:11

penoq siq kebajikan, saq cume bau tehasilang siq Deside Isa Almasih, jari kemuliean dait pujian bagi Allah.

TITUS 2:10

atao memaling. Ie pade harus nyatayang bahwe ie pade tetep tulus ihlas dait setie, adéq dengan gen muji pengajahan mengenai Allah, Juruselamet ite.

TITUS 2:5

jari bijaksane, idup suci dait jari senine saq solah saq taat léq semamene. Siq care nike ndéq araq dengan saq bau ngewade Manik Allah.

1 PETRUS 2:12

Side pade harus bedowé kelakuan saq solah léq tengaq-tengaq dengan saq ndéq kenal Allah, sehingge lamun ie pade pitnah side pade teparan jari dengan jahat, ie pade bau serioq léman perbuatan side saq solah, sehingge ie pade gen mulieang Allah léq jelo kerauhan Tuhan.

1 PETRUS 4:11

Lamun araq dengan saq ngeraos, ie harus ngeraos sebagé dengan saq nyampéang Manik Allah. Lamun araq sopoq hambe, ie harus ngelayanin siq kekuatan saq teicanin siq Allah léq ie, adéq léq dalem selapuq hal Allah temulieang langan Deside Isa Almasih. Ie saq bekuase dait patut temulieang selaéq-laéqne. Amin.