YAHYA 15:7 - KITAB SUCI ZABUR INJIL

⁷ Lamun side pade ndot léq dalem Tiang dait manik Tiang ndot léq dalem side, pade tunas napi juaq saq side mélé, dait side gen nerimaq ie.

YAHYA 15:7 ပူးပေါင်းရင်းမြစ်များ

ZABUR 119:11

Janji Deside kaji simpen léq dalem atén kaji, adéq kaji ndaq jangke bedose léq Deside.

ZABUR 37:4

Boyaq kebahagieande léq ALLAH, Ie gen ngicanin side napi saq jari keméléq aténde.

MATIUS 7:7

“Pade tunas, make side pade gen nerimaq. Pade boyaq, make side pade gen mauq. Pade ketok lawang, make side pade gen tebukaqang lawang.

YAHYA 14:13

Dait napi-napi saq side pade tunas kadu aran Tiang, gen Tiang laksaneang, adéq Bapa temulieang langan Bije.

YAHYA 15:16

Ndéq side pade saq miléq Tiang. Laguq Tiang saq miléq side pade dait Tiang sampun netepang side pade lumbar dait ngasilang buaq dait buaqde nike ndéq iniq binase, adéq napi saq side tunas tipaq Bapa kadu aran Tiang, icanin-Ne tipaq side.

YAHYA 16:23

Léq jelo nike, side pade ndéq gen beketuan napi-napi malik léq Tiang. Tiang badaq side: Setetune napi doang saq side pade tunas léq Bapa kadu aran Tiang, nike gen tekabulang siq Bapa.

YAHYA 8:31

Beterus Deside Isa bemanik léq dengan-dengan Yahudi saq sampun percaye léq Ie, “Lamun side pade tetep idup menurut manik Tiang, side pade tetu-tetu jari pengiring Tiang,

YAHYA 8:37

Mule Tiang nenaoq bahwe side pade keturunan Ibrahim. Laguq side pade mélé nyematéq Tiang, séngaq side pade ndéq mélé nerimaq manik Tiang.

GALATIA 5:16

Maksut tiang maraq niki: Menengang Roh Allah mimpin side pade, dait ndaq idup menurut keméléq tabiat manusie.

KOLOSE 3:16

Manik Almasih harus araq secare belimpah-limpah léq antare side, sehingge side siq selapuq hikmat ngajah dait ngebéng peringetan tipaq sopoq dengan dait saq lain sambil nyanyiang zabur, dait puji-pujian serte nyanyian rohani, side ngucap syukur tipaq Allah léq dalem aténde.

1 YAHYA 2:14

Tiang nulis tipaq side, hai kanak-kanak, séngaq side pade kenal kance Bapa. Tiang nulis tipaq side, hai bapaq-bapaq, séngaq side pade sampun kenal kance Ie, saq sampun araq léman penembéqne. Tiang nulis tipaq side, hai dengan-dengan bajang, séngaq side pade kuat dait Manik Allah araq léq dalem aténde, dait side pade sampun ngalahang Si Jahat.

1 YAHYA 2:27

Laguq mengenai side pade, Almasih sampun curahang Roh-Ne tipaq side pade. Dait sengonéq Roh-Ne araq léq side pade, ndéq perlu araq dengan lain ngajah side pade. Séngaq Roh-Ne ngajah side pade mengenai selapuq hal; dait napi saq Ie ajahang nike kenaq, ndéqne duste. Keranaq nike, side pade harus taat léq napi saq teajahang siq Roh nike, dait side pade harus tetep idup léq dalem Almasih.

1 YAHYA 3:22

Dait napi saq ite tunas léman Ie, ite gen nerimaq, séngaq ite taat léq préntah-préntah-Ne dait ite ngelaksaneang napi saq nyenengang Ie.

1 YAHYA 5:14

Dait ite parek tipaq Allah siq keyakinan saq pasti, séngaq ite yakin Ie ngabulang do'ente, lamun ite tunas sopoq hal saq sesuai kance pekayunan-Ne.