YAHYA 15:4 - KITAB SUCI ZABUR INJIL

⁴ Tetep ndot léq dalem Tiang dait Tiang éndah tetep ndot léq dalem side pade. Pade maraq pémpang ndéqne iniq bebuaq léman diriqne mésaq, kecuali lamun ie tetep léq lolone. Maraq nike éndah halne side pade ndéq gen bebuaq, lamun side pade ndéq ndot léq dalem Tiang.

YAHYA 15:4 ပူးပေါင်းရင်းမြစ်များ

MATIUS 12:33

“Adéq temauq buaq saq solah, lolone harus solah. Lamun lolone ndéq solah buaqne éndah ndéq gen solah. Jari, solah atao ndéq lolone nike bau tetaoq léman buaqne.

LUKAS 8:15

Binéq saq geriq léq tanaq saq subur ibarat dengan saq dengah manik nike, terus simpenne léq dalem até saq solah dait jujur. Ie pade bau tahen jangke ngasilang buaq.”

YAHYA 14:20

Lamun sampun dateng jelo nike, side pade gen nenaoq bahwe Tiang léq dalem Bapa, side pade léq dalem Tiang, dait Tiang éndah léq dalem side pade.

YAHYA 17:23

Tiang léq dalem ie pade, dait Deside léq dalem Tiang; adéq ie pade sempurne jari sopoq, adéq dunie nenaoq bahwe Deside saq sampun ngutus Tiang, dait Deside ngasihin ie pade, pade maraq Deside ngasihin Tiang.

YAHYA 6:56

Dengan saq ngelorang ragen Tiang dait nginem daraq Tiang, ie araq léq dalem Tiang, dait Tiang araq léq dalem ie.

YAHYA 8:31

Beterus Deside Isa bemanik léq dengan-dengan Yahudi saq sampun percaye léq Ie, “Lamun side pade tetep idup menurut manik Tiang, side pade tetu-tetu jari pengiring Tiang,

KISAH RASUL-RASUL 11:23

Dait sewaktu Barnabas dateng léq derike, dait serioq rahmat Allah tipaq dengan-dengan nike, ie gembire gati. Beterus ie tunas adéq ie pade pacu-pacu setie léq Junjungan Saq Mulie siq sepenoq angenne.

KISAH RASUL-RASUL 14:22

Léq kote-kote nike ie pade neguqang angen pengiring-pengiring nike dait naséhat ie pade adéqne tetep léq dalem iman, dait bebase bahwe jari tame ojok dalem Kerajaan Allah ite harus ngalamin luwéq sengsare.

2 KORINTUS 13:5

Cobaq side pade uji diriqde mésaq napi side pade tetu-tetu idup léq dalem iman tipaq Almasih! Pasti side pade sadar bahwe Deside Isa Almasih araq léq dalem side pade! -- lain halne lamun mule side pade ndéq tetu-tetu percaye.

GALATIA 2:20

Mangkin ndéqne malik tiang saq idup, laguq Almasih saq idup léq dalem diriq tiang. Dait idup saq tiang alamin mangkin niki, idup siq iman tipaq Bije saq asalne léman Allah saq ngasihin tiang dait saq sampun ngurbanang diriq-Ne umaq tiang.

EPESUS 3:17

Sehingge siq iman side pade, Almasih meneng léq dalem aténde, dait side berakah kuat maraq lolo kayuq serte tedasarang léq dalem kasih.

PILIPI 1:11

penoq siq kebajikan, saq cume bau tehasilang siq Deside Isa Almasih, jari kemuliean dait pujian bagi Allah.

KOLOSE 1:23

Laguq side pade harus tetep setie percaye dait teguq léq keyakinande nike. Ndaq jangke side pade ngelepas harepan saq sampun teicanin tipaq side pade sewaktu side pade nerimaq Kabar Solah léman Allah. Kabar nike sampun teberiteang tipaq sebilang dengan léq seantéro dunie. Dait lantaran hal nike juaq tiang, Paulus sampun jari pelayan.

KOLOSE 1:27

Tipaq umat-Ne nike Allah kayun nyatayang berembé bagusne dait agungne rahasie nike umaq selapuq bangse. Rahasie nike: Almasih araq léq dalem diriqde. Nike artine bahwe side pade bedowé pengharepan jari mauq kemuliean.

KOLOSE 2:6

Semeton senamian sampun nerimaq Deside Isa Almasih sebagé Tuhan. Keranaq nike side pade harus tetep idup léq dalem Ie,

1 TESALONIKA 3:5

Keranaq nike tiang ngutus Timotius, séngaq tiang melét gati nenaoq berembé imande. Tiang kuatir Belis berhasil gode side pade sehingge selapuq usahe tiang pade jari sie-sie.

IBRANI 10:39

Ite niki ndéqne umat saq ngundurang diriq dait binase. Sebalikne, ite niki umat saq percaye léq Allah dait saq mauq idup.

1 YAHYA 2:6

Sai-sai saq bebase bahwe ie idup léq dalem Allah, ie harus idup pade maraq care Almasih idup.

2 YAHYA 1:9

Dengan saq ndéq percaye léq pengajahan Almasih, laguq nyimpang léman napi saq teajahang siq Ie, dengan nike ndéq bedowé Allah. Dengan saq tetep léq dalem pengajahan Almasih, artine ie bedowé Allah Bapa dait Bije saq asalne léman Allah.