YAHYA 15:2 - KITAB SUCI ZABUR INJIL

² Sebilang pémpang saq araq léq Tiang saq ndéq bebuaq, peleng-Ne dait sebilang pémpang saq bebuaq tekurangin daunne dait persiq-Ne adéq luwéqan malik buaqne.

YAHYA 15:2 ပူးပေါင်းရင်းမြစ်များ

ZABUR 92:14

Ie pade maraq lolo saq tetalet léq Gedéng ALLAH, dait besuli léq leléah Gedéng Tuhante,

MATIUS 13:12

Séngaq dengan saq sampun bedowé gen teican luwéqan malik, dait ie gen bekelimpahan. Laguq dengan saq ndéq bedowé napi-napi, make napi juaq saq araq léq ie gen tebait.

MATIUS 13:33

Araq sopoq perumpamean lain saq tesampéang siq Deside Isa, léq dengan luwéq. “Hal Kerajaan Sorge keadaanne pade maraq ragi ruti saq tebait siq sopoq dengan nine, terus teadon kance petang dase liter tepung terigu, jangke mbal selapuqne!”

MATIUS 15:13

Jawab Deside Isa, “Sebilang taletan saq ndéq tetalet siq Bapa Tiang léq sorge gen tembot.

MATIUS 21:19

Ie cingakin sopoq lolo are léq sedin rurung, terus laiq-Ne lolo are nike, laguq ndéq araq buaqne, kecuali daun-daunne doang. Terus Deside Isa bemanik léq lolo are nike, “Ndaq bebuaq malik jangke selaéq-laéqne!” Langsung lolo are nike gero.

MATIUS 25:29

Séngaq sebilang dengan saq sampun bedowé gen teican luwéqan malik, dait ie gen bekelimpahan. Laguq dengan saq ndéq bedowé napi-napi, napi juaq saq araq léq ie gen tebait.

MATIUS 3:10

Kandik sampun tesadangang jari ngerebaq lolo jangke akah-akahne. Sebilang lolo saq ndéq ngasilang buaq saq solah, gen terebaq dait tetetéh ojok dalem api.

MATIUS 3:12

Léq gading-Ne araq kléong jari nampiq selapuq gandum-Ne jangke bersi; selapuq gandumne gen Ie kumpulang léq dalem lumbung, laguq selapuq gambasne gen Ie tunuq léq dalem api saq ndéq iniq pedaq.”

MATIUS 7:19

Sebilang lolo saq ndéq ngasilang buaq saq solah, terebaq dait tesedut.

MARKUS 4:20

Dait binéq saq geriq léq tanaq saq subur ibarat dengan-dengan saq dengah Manik Allah nike, dait nerimaq, ie pade bebuaq luwéq, araq saq telung dase, araq saq enem dase dait araq saq satus kali lipet hasilne.”

LUKAS 8:13

Binéq saq geriq léq taoq saq bebatu-batu ibarat dengan saq sewaktu dengah manik nike, nerimaq siq seneng angenne. Laguq manik nike ndéq berakah léq até ie pade. Ie pade percaye seberaq doang, dait léq waktu dateng cobe, ie pade murtat.

YAHYA 15:1

Deside Isa bemanik malik, “Tiang lolo anggur saq sejati, dait Bapa Tiang nike penggarapne.

YAHYA 15:16

Ndéq side pade saq miléq Tiang. Laguq Tiang saq miléq side pade dait Tiang sampun netepang side pade lumbar dait ngasilang buaq dait buaqde nike ndéq iniq binase, adéq napi saq side tunas tipaq Bapa kadu aran Tiang, icanin-Ne tipaq side.

YAHYA 15:3

Side pade sampun bersi lantaran manik saq Tiang sampéang léq side pade.

YAHYA 15:6

Dengan saq ndéq tetep ndot léq dalem Tiang, gen tetetéh maraq pémpang, beterus jari gero. Pémpang-pémpang saq maraq nike gen tekumpulang dait tetetéh ojok dalem api, beterus tesedut.

YAHYA 15:8

Lamun side pade bebuaq luwéq, Bapa Tiang temulieang; dait siq care nike side tetu-tetu pengiring Tiang.

YAHYA 17:12

Léq waktu Tiang masih bareng kance ie pade, Tiang sampun jagaq ie pade siq kuase peséngan Deside -- peséngan saq Deside icanin tipaq Tiang. Tiang sampun jagaq ie pade, dait nénten araq sopoq juaq léman ie pade saq binase; kecuali ie saq mule sampun tetentuang binase. Adéq siq care nike telaksane napi saq tetulis léq Kitab Suci.

ROMA 11:17

Separo léman pémpang-pémpang lolo zaitun sampun tepeleng. Dait léq onos pelengan nike tedekung pémpang lolo zaitun saq tiwoq léq taoq saq ndéq keruan. Dait mangkin side pade tedekung ojok derike adéq side pade mauq keloran saq pade léman akah dait kesuburan lolo zaitun nike.

ROMA 11:22

Keranaq nike, ite nyaksiang berembé solahne dait berembé éndah tegesne Allah. Allah berlaku teges tipaq dengan-dengan saq gawéq dose, laguq Ie ngasihin side pade -- asal side pade tetep idup léq dalem kasih-Ne. Lamun ndéq maraq nike, make side pade éndah gen tepeleng.

ROMA 8:28

Ite nenaoq mangkin bahwe Allah milu bekarye ngatur selapuq hal, sehingge ngasilang saq solah umaq dengan-dengan saq ngasihin Ie dait saq tepiléq menurut rencane-Ne.

1 KORINTUS 13:1

Timaqne tiang tao ngeraos kadu macem-macem base malaékat, laguq lamun tiang ndéq bedowé kasih, make napi saq tiang raosang nike cume jari maraq suaren gong beléq ongkatne doang.

TITUS 2:14

Ie sampun ngurbanang diriq-Ne umaq ite jari bébasang ite léman selapuq kejahatan, dait nyuciang dengan-dengan saq jari dowé-Ne mésaq, dait saq rajin ngelaksaneang saq solah.

IBRANI 12:15

Jagaq adéq ndaq araq sopoq dengan juaq saq jaoqang diriqne léman rahmat Allah, adéq ndaq jangke araq saq jari maraq taletan beracun léq tengaq-tengaq side pade sehingge nimbulang kesulitan dait nyédaq luwéq dengan siq racunne.

1 YAHYA 2:19

Mule ie pade dengan-dengan saq asalne léman ite, laguq ie pade ndéqne bagian léman ite, séngaq lamun ie pade léman ite, pasti ie pade tetep bareng-bareng kance ite. Laguq ie pade bilin ite, adéqne nyate bahwe ie pade selapuq mule ndéqne bagian léman ite.

WAHYU 3:19

Dengan-dengan saq Tiang kasihin, ie pade saq Tiang peringet dait Tiang empuk, keranaq nike side pade harus rédeang angende dait tobat léman dose-dosende.