YAHYA 13:3 - KITAB SUCI ZABUR INJIL

³ Deside Isa wikan bahwe Bapa sampun nyerahang selapuq kekuasean tipaq Ie. Ie wikan éndah bahwe Ie rauh léman Allah dait gen tulak tipaq Allah.

YAHYA 13:3 ပူးပေါင်းရင်းမြစ်များ

MATIUS 11:27

Beterus Deside Isa bemanik, “Selapuqne sampun teserahang léq Tiang siq Bapa. Ndéq araq sopoq dengan juaq saq kenal Bije, selain Bapa. Ndéq araq éndah saq kenal Bapa selain Bije, dait dengan-dengan tipaq sai Bije nike ngenalang Bapa.

MATIUS 28:18

Deside Isa ngerapetin ie pade, dait bemanik, “Selapuq kuase saq araq léq sorge dait léq gumi sampun teserahang léq Tiang.

LUKAS 10:22

Selapuq hal sampun teserahang siq Bapa tipaq Tiang. Ndéq araq sopoq dengan juaq saq kenal kance Bije, selain Bapa. Ndéq araq éndah saq kenal Bapa selain Bije; dait tipaq dengan-dengan saq Bije nike kayun nyatayang Bapa.”

YAHYA 1:18

Ndéq araq saq sampun serioq Allah, laguq Bije Nunggal saq asalne léman Bapa, saq araq léq iwean Bapa. Ie saq nyatayang Bapa tipaq ite.

YAHYA 13:1

Sejelo sendéqman Hari Raye Paskah, Deside Isa wikan bahwe sampun waktune Ie bilin dunie niki jari tulak tipaq Bapa-Ne. Ie ngasihin dengan-dengan saq jari dowé-Ne léq dunie, dait Ie tetep ngasihin ie pade jangke penutuq.

YAHYA 17:2

Deside sampun ngicanin tipaq Bije Deside kuase tipaq selapuq umat manusie, adéq Ie ngicanin idup sejati dait kekel tipaq selapuq dengan saq Deside icanin tipaq Ie.

YAHYA 3:13

Ndéq araq sopoq dengan juaq saq sampun taék ojok sorge, kecuali Ie saq turun ojok dunie, nike Bije Manusie.

YAHYA 3:35

Bapa ngasihin Bije, dait sampun nyerahang selapuq kuase léq Ie.

YAHYA 7:29

Tiang kenal kance Ie séngaq Tiang asalne léman Ie, dait Ie saq ngutus Tiang.”

YAHYA 7:33

Deside Isa bemanik, “Cume karing seberaq doang Tiang masih bareng kance side pade. Sesampun nike Tiang gen tulak ojok Ie saq ngutus Tiang.

YAHYA 8:14

Jawab Deside Isa, “Timaq Tiang nyampéang kesaksian mengenai diriq Tiang, kesaksian Tiang nike kenaq; séngaq Tiang nenaoq léman mbé Tiang dateng, dait ojok mbé lain Tiang. Side pade ndéq nenaoq léman mbé Tiang dateng, dait ojok mbé lain Tiang.

YAHYA 8:42

Beterus manik Deside Isa léq ie pade, “Seandéne Allah nike jari Bapa side pade make side pade pasti gen ngasihin Tiang, séngaq Tiang dateng léman Allah. Tiang ndéq dateng siq keméléq Tiang mésaq, laguq Ie saq ngutus Tiang.

KISAH RASUL-RASUL 2:36

Keranaq nike selapuq dengan Israel harus nenaoq pacu-pacu bahwe Deside Isa saq side pade pakuq léq kayuq salib nike, Ie éndah saq sampun tejanjiqang siq Allah jari Junjungan Saq Mulie dait Almasih!”

1 KORINTUS 15:27

Léq dalem Kitab Suci tetulis maraq niki, “Allah sampun jariang selapuq-lapuqne takluk léq Almasih.” Jelas bahwe saq temaksut “selapuq-lapuqne” nike ndéq termasuk Allah, saq miaq selapuq-lapuqne nike takluk léq Almasih.

IBRANI 1:2

Laguq léq jaman ahir niki, Allah bemanik léq ite langan perantarean Bije-Ne, saq sampun tetentuang jari ahli waris selapuq saq araq. Langan Ie Allah sampun cipteang alam semeste.