YAHYA 13:1 - KITAB SUCI ZABUR INJIL

¹ Sejelo sendéqman Hari Raye Paskah, Deside Isa wikan bahwe sampun waktune Ie bilin dunie niki jari tulak tipaq Bapa-Ne. Ie ngasihin dengan-dengan saq jari dowé-Ne léq dunie, dait Ie tetep ngasihin ie pade jangke penutuq.

YAHYA 13:1 ပူးပေါင်းရင်းမြစ်များ

MATIUS 26:45

Sesampun nike Deside Isa tulak malik tipaq pengiring-pengiring-Ne, dait bemanik, “Napi side pade masih tindoq dait mentelah? Silaq pade serioq, sampun wayene Bije Manusie teserahang ojok ime dengan-dengan bedose.

MATIUS 28:20

Ajah ie pade taat léq selapuq saq Tiang préntahang tipaq side pade. Dait pade inget bahwe Tiang gen tetep bareng kance side pade jangke ahir jaman.”

LUKAS 22:53

Sebilang jelo Tiang araq bareng side pade léq Gedéng Allah, side pade ndéq bau Tiang. Laguq niki waktune side pade ngelaksaneang, léq waktu penguase saq nguasein peteng negel kekuasean.”

LUKAS 9:51

Sewaktu sampun rapet wayene Deside Isa teangkat ojok sorge, Deside Isa mutusang gen lumbar ojok Yerusalem.

YAHYA 11:55

Waktu nike sampun rapet Hari Raye Paskah Yahudi. Luwéq dengan léman dése-dése sampun lumbar ojok Yerusalem jari ngelaksaneang upacare mersiq diriq sendéqman perayaan nike.

YAHYA 12:23

Deside Isa bemanik léq ie pade, “Sampun waktune Bije Manusie temulieang.

YAHYA 13:29

Araq saq paran bahwe Deside Isa manikang Yudas beli napi-napi saq teperluang léq perayaan nike, atao ngicanin képéng tipaq dengan miskin -- séngaq Yudas nike jari bendahare léq antare ie pade.

YAHYA 13:3

Deside Isa wikan bahwe Bapa sampun nyerahang selapuq kekuasean tipaq Ie. Ie wikan éndah bahwe Ie rauh léman Allah dait gen tulak tipaq Allah.

YAHYA 13:34

Tiang ngebéng préntah baru léq side: Pade kasihin sopoq kance saq lain. Pade maraq Tiang ngasihin side pade, maraq nike éndah side pade harus saling kasihin.

YAHYA 14:28

Side pade sampun dengahang Tiang bemanik, ‘Tiang gen lalo, laguq Tiang gen dateng malik ojok side.’ Lamun side pade ngasihin Tiang, side pade gen besukecite lantaran Tiang lalo tipaq Bapa, séngaq Bapa beléqan léman Tiang.

YAHYA 14:31

Timaqne maraq nike, adéq dunie niki nenaoq bahwe Tiang ngasihin Bapa, make Tiang ngelaksaneang selapuq saq tepréntahang siq Bapa tipaq Tiang. Pade ures, silaq ite lumbar léman deriki.”

YAHYA 16:28

Mule Tiang asalne léman Bapa, dait sampun dateng ojok dalem dunie. Laguq mangkin Tiang bilin dunie jari tulak ojok Bapa.”

YAHYA 17:1

Sesampun bemanik maraq nike, Deside Isa bedo'e andang langit, “Bapa, mangkin sampun dateng waktune. Mulieang Bije Deside adéq Bije Deside éndah mulieang Deside.

YAHYA 17:16

Pade maraq Tiang ndéqne léman dunie, ie pade éndah ndéqne léman dunie.

YAHYA 17:26

dait Tiang sampun nyatayang peséngan Deside tipaq ie pade; dait Tiang gen laksaneang hal nike, adéq kasih Deside léq Tiang tetep léq dalem até ie pade dait Tiang léq dalem ie pade.”

YAHYA 17:5

Keranaq nike, Bapa, mangkin mulieang Tiang bareng-bareng kance Deside siq kemuliean saq sampun jari dowén Tiang dait dowén Deside sendéqman dunie niki tecipteang.

YAHYA 18:4

Deside Isa wikan selapuq saq gen telaksane tipaq diriq-Ne. Jari Ie ngerapetin dengan-dengan nike, dait beketuan, “Sai saq side pade boyaq?”

YAHYA 19:28

Deside Isa wikan bahwe mangkin selapuqne sampun selesé, dait napi saq tetulis dalem Kitab Suci adéq telaksane. Ie bemanik, “Tiang bedak.”

YAHYA 2:13

Sewaktu sampun rapet Hari Raye Paskah Yahudi, Deside Isa lumbar ojok Yerusalem.

YAHYA 6:4

Léq waktu nike Hari Raye Paskah dengan Yahudi sampun rapet.

YAHYA 7:30

Léq waktu nike ie pade berusahe bau Deside Isa, laguq ndéq araq saq bani negel Ie, séngaq ndéqman waktune.

YAHYA 7:6

Beterus Deside Isa bemanik léq ie pade, “Mangkin ndéqman waktu Tiang, laguq bagi side pade tetep araq waktu.

YAHYA 8:20

Selapuq nike temanikang siq Deside Isa sewaktu Ie ngajahang léq Gedéng Allah léq dékét kotaq-kotaq képéng persembahan. Laguq ndéq araq sopoq dengan juaq saq bau Deside Isa, séngaq mule ndéqman waktune.

ROMA 8:37

Setetune ndéq! Malahan léq keadaan saq maraq nike ite lebihan léman dengan-dengan menang, langan Ie saq ngasihin ite!

1 KORINTUS 1:8

Almasih mésaq gen jamin side pade jangke dateng penutuqne; adéq léq waktu jelo Tuhan, side pade tedait ndéq araq cacat cele.

IBRANI 3:14

Ite selapuq sampun mauq bagian léq dalem Almasih lamun ite tetep percaye léq pengharepante saq penembéq jangke penutuqne.

IBRANI 3:6

Laguq Almasih setie sebagé Bije saq asalne léman Allah saq betanggung jawab léq gedéng Allah. Dait ite niki gedéng Allah, lamun ite tetep besemanget dait tetep yakin jari mauq napi saq ite harepang.

IBRANI 6:11

Tiang pade melét gati adéq side pade sopoq-sopoq tetep besemanget jangke dateng penutuqne, adéq side pade pasti mauq napi saq side pade harepang nike.

1 PETRUS 1:13

Keranaq nike, pade siepang pikirande dait waspade dait beharep sepenoqne léq rahmat saq gen teicanin tipaq side léq waktu Deside Isa Almasih rauh éraq.

1 YAHYA 4:19

Ite ngasihin, séngaq Allah sampun juluan ngasihin ite.

WAHYU 1:5

dait léman Deside Isa Almasih, saksi saq setie. Ie saq penembéq teidupang malik léman ninggal dait Ie penguase raje-raje dunie. Bagi Deside Isa saq ngasihin ite, dait siq ninggal-Ne Ie bébasang ite léman dose-dosente