YAHYA 12:3 - KITAB SUCI ZABUR INJIL

³ Beterus dateng Mariam, jauq kire-kire setenge liter minyak sengéh narwastu saq mahel gati. Ie noléngang minyak nike léq cokor Deside Isa, dait osokne kadu bulune. Selapuq balé nike jari sengéh siq ambu minyak nike.

YAHYA 12:3 ပူးပေါင်းရင်းမြစ်များ

ZABUR 132:2

Sampunang lupaq léq sumpahne, ya ALLAH , léq sesangine tipaq Deside Saq Mahekuat, Allah Yakub.

LUKAS 10:42

padahal saq penting cume sopoq. Mariam sampun piléq saq paling solah, saq ndéq gen tebait léman diriqne.”

LUKAS 7:46

Side ndéq minyakin ulun Tiang siq minyak, laguq dengan nine niki sampun minyakin naén Tiang siq minyak sengéh.

YAHYA 11:2

Mariam nike dengan nine saq noléngang minyak sengéh léq cokor Junjungan Saq Mulie, dait osokne siq bulune. Léq sopoq waktu Lazarus sakit.

YAHYA 11:28

Sesampun Marta bebase maraq nike, ie lumbar ngempoh Mariam, semetonne dait bepéséq léq ie, “Bapaq Guru araq léq deriki; Ie ketuanang side.”

YAHYA 11:32

Sewaktu Mariam dateng léq taoq Deside Isa dait serioq Ie, Mariam sujut léq arepan-Ne dait matur, “Junjungan Saq Mulie, lamun Pelungguh araq léq deriki waktu nike, pasti semeton tiang ndéq milinang.”

YAHYA 19:39

Nikodemus, saq piranan sampun parek tipaq Deside Isa léq kekelem, lumbar éndah bareng kance Yusup. Nikodemus jauq ramuan mur dait garu -- selapuqne kire-kire telung dase kilo luwéqne.