YAHYA 12:2 - KITAB SUCI ZABUR INJIL

² Léq derike Deside Isa tejamu siq ie pade dait Marta éndah milu nulung ie pade. Lazarus dait temué-temué bareng melinggih medaran kance Deside Isa.

YAHYA 12:2 ပူးပေါင်းရင်းမြစ်များ

WAHYU 3:20

Silaq pade serioq! Tiang nganjeng léq julu lawang dait beketok. Lamun araq dengan saq dengah suare Tiang dait bukaqang lawang, Tiang gen tame jari bedait kance ie; Tiang gen bekelor bareng ie, dait ie bekelor bareng kance Tiang.

LUKAS 22:27

Sai saq beléqan: Dengan saq tokol bekelor léq méje, atao dengan saq ngelayanin ie? Pasti dengan saq tokol nike. Laguq Tiang araq léq antare side pade jari pelayan.

MARKUS 14:3

Sewaktu Deside Isa araq léq Betania, léq gedéng Simon saq piranan sakit kuste, araq sopoq dengan nine parek tipaq Deside Isa. Ie jauq sopoq botol pualam berisi minyak sengéh saq mahel, tepiaq léman ramuan akah saq sengéh. Sewaktu Deside Isa kenyeke melinggih medaran, dengan nine nike belaqang botol nike dait tumpahangne minyak sengéh nike léq sirah Deside Isa.

LUKAS 14:12

Beterus Deside Isa bemanik léq épén balé, “Lamun side ngaraqang gawé léq kenjelo atao kekelem, ndaq pesilaq batur atao semeton, atao kadang jari, atao tetangge side saq sugih. Séngaq laun ie pade gen pesilaq side éndah, dait siq care nike side nerimaq balesan perbuatande.

LUKAS 12:37

Bahagie gati pelayan-pelayan saq tedait kenyeke ngantih léq waktu majikanne dateng. Tiang badaq side: Setetune majikan nike gen besiep-siep dait suruq pelayan-pelayan nike tokol, terus ie ngelayanin ie pade.

LUKAS 5:29

Sesampun nike Lewi ngaraqang gawé léq gedéngne umaq Deside Isa. Luwéq penagih pajek dait dengan-dengan lain milu medaran bareng-bareng kance ie pade.

MATIUS 26:6

Sewaktu Deside Isa kenyeke léq Betania, léq gedéng Simon saq piranan sakit kuste,