YAHYA 11:4 - KITAB SUCI ZABUR INJIL

⁴ Sewaktu Deside Isa pireng kabar nike, Ie bemanik, “Penyakit niki ndéq gen miaq ie ninggal. Niki telaksane adéq Allah temulieang dait siq care nike Bije saq asalne léman Allah éndah temulieang.”

YAHYA 11:4 ပူးပေါင်းရင်းမြစ်များ

YAHYA 10:38

Laguq lantaran Tiang ngelaksaneang hal nike, pade percaye léq napi saq Tiang laksaneang nike, timaq side pade ndéq mélé percaye léq Tiang. Adéq side pade nenaoq dait ngerti bahwe Bapa léq dalem Tiang, dait Tiang léq dalem Bapa.”

YAHYA 11:40

Deside Isa bemanik léq Marta, “Tekan sampun Tiang badaq side: Lamun side percaye, side gen serioq kemuliean Allah!”

YAHYA 12:28

Bapa, mulieang peséngan Deside!” Make kedengahan suare léman langit, “Tiang sampun mulieang Ie, dait Tiang gen mulieang Ie malik.”

YAHYA 17:1

Sesampun bemanik maraq nike, Deside Isa bedo'e andang langit, “Bapa, mangkin sampun dateng waktune. Mulieang Bije Deside adéq Bije Deside éndah mulieang Deside.

YAHYA 17:10

Selapuq saq jari dowén Tiang, jari dowén Deside éndah. Dait selapuq dowén Deside jari dowén Tiang éndah. Tiang temulieang léq antare ie pade.

YAHYA 17:5

Keranaq nike, Bapa, mangkin mulieang Tiang bareng-bareng kance Deside siq kemuliean saq sampun jari dowén Tiang dait dowén Deside sendéqman dunie niki tecipteang.

YAHYA 2:11

Nike keajaipan penembéq saq tepiaq siq Deside Isa. Ie ngelaksaneang nike léq Kana léq Galilea. Siq tande nike Ie nyatayang kemuliean-Ne. Make pengiring-pengiring-Ne percaye léq Ie.

YAHYA 5:23

Bapa ngelaksaneang hal nike adéq selapuq dengan hormatin Bije maraq ie pade hormatin Bapa. Dengan saq ndéq hormatin Bije artine ie éndah ndéq hormatin Bapa saq ngutus Ie.

YAHYA 8:54

Jawab Deside Isa, “Lamun Tiang boyaq kehormatan jari diriq Tiang mésaq, kehormatan nike ndéq araq artine. Bapa Tiang saq mulieang Tiang. Side pade bebase bahwe Ie nike Allah side,

YAHYA 9:24

Beterus ie pade ngempoh malik dengan saq sendéqmanne bute nike, dait bebase léq ie, “Sampéang saq kenaq léq arepan Allah! Tiang pade nenaoq dengan nike dengan bedose.”

YAHYA 9:3

Jawab Deside Isa, “Ie bute ndéq lantaran dosene mésaq atao dengan toaqne, laguq adéq dengan bau serioq kuase Allah bekarye dalem diriqne.

ROMA 11:11

Tiang beketuan malik: Sewaktu ie pade kedampes, napi ie pade harus geriq? Pasti ndéq! Laguq lantaran ie pade bedose, make bangse-bangse lain malahan teselametang, sehingge ie pade jari talon até tipaq bangse-bangse lain nike.

PILIPI 1:11

penoq siq kebajikan, saq cume bau tehasilang siq Deside Isa Almasih, jari kemuliean dait pujian bagi Allah.

PILIPI 1:20

Séngaq saq tiang melétang gati dait saq tiang harepang nike, adéq léq dalem selapuq hal tiang ndéq teperilaq. Sebalikne tiang beharep adéq sebilang waktu, terutame gati mangkin, tiang bani sehingge siq selapuq awak dait roh tiang -- timaq tiang idup atao maté -- Almasih temulieang.

1 PETRUS 1:21

Langan Almasih nike side pade percaye léq Allah saq sampun ngidupang Ie léman ninggal dait saq mulieang Ie, sehingge imande dait pengharepande tetujuang tipaq Allah.

1 PETRUS 4:11

Lamun araq dengan saq ngeraos, ie harus ngeraos sebagé dengan saq nyampéang Manik Allah. Lamun araq sopoq hambe, ie harus ngelayanin siq kekuatan saq teicanin siq Allah léq ie, adéq léq dalem selapuq hal Allah temulieang langan Deside Isa Almasih. Ie saq bekuase dait patut temulieang selaéq-laéqne. Amin.

1 PETRUS 4:14

Side pade bahagie lamun side pade tehine lantaran peséngan Almasih, séngaq Roh kemuliean, nike Roh Allah araq léq side.