YAHYA 11:2 - KITAB SUCI ZABUR INJIL

² Mariam nike dengan nine saq noléngang minyak sengéh léq cokor Junjungan Saq Mulie, dait osokne siq bulune. Léq sopoq waktu Lazarus sakit.

YAHYA 11:2 ပူးပေါင်းရင်းမြစ်များ

MARKUS 14:3

Sewaktu Deside Isa araq léq Betania, léq gedéng Simon saq piranan sakit kuste, araq sopoq dengan nine parek tipaq Deside Isa. Ie jauq sopoq botol pualam berisi minyak sengéh saq mahel, tepiaq léman ramuan akah saq sengéh. Sewaktu Deside Isa kenyeke melinggih medaran, dengan nine nike belaqang botol nike dait tumpahangne minyak sengéh nike léq sirah Deside Isa.

LUKAS 7:13

Sewaktu Deside Isa, Junjungan Saq Mulie cingakin bebalu nike, Ie periak léq bebalu nike terus bemanik, “Inaq, ndaq nangis!”

LUKAS 7:19

terus ngutus ie pade lumbar ojok Junjungan Saq Mulie Deside Isa jari metakén, “Napi Pelungguh dengan saq gen rauh menurut janji Allah, atao tiang pade harus ngantih dengan saq lainan?”

YAHYA 11:21

Marta matur léq Deside Isa, “Junjungan Saq Mulie, lamun waktu nike Pelungguh araq léq deriki, pasti semeton tiang ndéq milinang.

YAHYA 11:3

Deduaq semetonne suruq dengan nyampéang kabar niki tipaq Deside Isa, “Junjungan Saq Mulie, dengan saq Pelungguh kasihin nike kenyeke sakit.”

YAHYA 11:32

Sewaktu Mariam dateng léq taoq Deside Isa dait serioq Ie, Mariam sujut léq arepan-Ne dait matur, “Junjungan Saq Mulie, lamun Pelungguh araq léq deriki waktu nike, pasti semeton tiang ndéq milinang.”

YAHYA 12:3

Beterus dateng Mariam, jauq kire-kire setenge liter minyak sengéh narwastu saq mahel gati. Ie noléngang minyak nike léq cokor Deside Isa, dait osokne kadu bulune. Selapuq balé nike jari sengéh siq ambu minyak nike.

YAHYA 13:13

Side pade ngempoh Tiang Guru dait Junjungan Saq Mulie. Dait mule maraq nike setetune.

YAHYA 13:14

Lamun Tiang jari Junjungan Saq Mulie dait Gurunde sampun bisoq naén side, side pade wajib éndah saling bisoqang naé.