YAHYA 10:5 - KITAB SUCI ZABUR INJIL

⁵ Dombe-dombe nike ndéqne mélé turut dengan lain, malahan gen pelai léman dengan nike, séngaq ndéqne tandaq suarene.”

YAHYA 10:5 ပူးပေါင်းရင်းမြစ်များ

MARKUS 4:24

Beterus Deside Isa bemanik malik, “Perhatiang napi saq side pade dengah niki! Ukuran saq side pade kadu léq dengan lain, nike éndah gen tekadu siq Allah léq side pade -- malahan luwéqan malik.

LUKAS 8:18

Keranaq nike, perhatiang solah-solah berembé entane side pade dedengah. Séngaq dengan saq sampun bedowé, gen teican luwéqan malik; laguq dengan saq ndéq bedowé, sekediq saq masih araq léq ie gen tebait éndah.”

YAHYA 10:16

Masih araq dombe-dombe lain saq jari dowén Tiang éndah, laguq ndéq tame itungan dombe-dombe saq luwéq niki. Ie pade éndah harus Tiang jauq dait ie pade gen dengahang suare Tiang. Ie pade selapuq gen jari sopoq kumpulan siq sopoq pengarat.

YAHYA 10:4

Sesampun dombe-dombe nike tejauq ojok luah, pengarat nike lampaq léq julu, dait dombe-dombe nike turut ie séngaq ie pade tandaq suarene.

2 TIMOTIUS 4:3

Séngaq gen dateng waktune dengan ndéqne mélé malik nerimaq pengajahan saq kenaq. Sebalikne, ie pade gen turut keméléqne mésaq, dait ngumpulang luwéq guru adéqne ngajahang hal-hal saq solah tedengah léq kentok ie pade.

1 YAHYA 2:19

Mule ie pade dengan-dengan saq asalne léman ite, laguq ie pade ndéqne bagian léman ite, séngaq lamun ie pade léman ite, pasti ie pade tetep bareng-bareng kance ite. Laguq ie pade bilin ite, adéqne nyate bahwe ie pade selapuq mule ndéqne bagian léman ite.

1 YAHYA 2:21

Jari, tiang nulis niki tipaq side pade ndéqne lantaran side pade ndéq kenal kebenaran, laguq malahan lantaran side pade sampun kenal hal nike, dait side pade éndah nenaoq bahwe ndéq araq duste saq asalne léman kebenaran.

WAHYU 2:2

Tiang nenaoq selapuq pegawéande, selapuq usahende, dait kesabarande. Tiang nenaoq bahwe side pade ndéq tao sabar tipaq dengan jahat, dait bahwe side pade sampun nguji dengan-dengan saq ngaku diriqne rasul padahal setetune ndéq, dait side pade mauq bukti bahwe ie pade penduste.