WAHYU 8:9 - KITAB SUCI ZABUR INJIL

⁹ dait sepertelu léman selapuq mahluk léq segare maté; maraq nike éndah sepertelu léman kapal-kapal musnah.

WAHYU 8:9 ပူးပေါင်းရင်းမြစ်များ

ZABUR 48:7

Léq derike ie pade ngijik ketakutan dait kesakitan, maraq dengan nine saq gen nganak,

WAHYU 12:4

Siq élongne ie ngoros sepertelu bintang-bintang léq langit dait timpohne ojok gumi. Nage nike nganjeng léq julun dengan nine saq mélé nganak nike siq maksut gen belet anakne, sesampun ie teanakang.

WAHYU 16:3

Sesampun nike malaékat kedue numpahang isi cawanne ojok segare. Make aiq segare jari daraq, maraq daraq dengan ninggal, dait maté éndah selapuq mahluk saq idup léq dalem segare.

WAHYU 8:10

Beterus malaékat saq ketelu niup terompétne, make sopoq bintang saq beléq, saq nyale maraq obor, geriq léman langit, terus nimpe sepertelu léman kokoq-kokoq dait pengembulan-pengembulan aiq.

WAHYU 8:12

Terus malaékat keempat niup terompétne. Make suare terompét nike ngempuk sepertelu léman cahaye jelo, sepertelu léman bulan, dait sepertelu léman bintang-bintang sehingge sepertelu léman selapuqne nike jari peteng. Sepertelu léman kenjelo ndéq terang malik dait maraq nike éndah sepertelu léman kelem.

WAHYU 8:7

Malaékat penembéq niup terompétne, make ujan és dait api becampur daraq, selapuqne geriq ojok gumi. Sepertelu gumi bis julat; maraq nike éndah sepertelu léman leloloan, dait selapuq pupaq saq ijo.

WAHYU 9:15

Keempat malaékat nike telepas. Ie pade sampun tesiepang husus umaq jam, jelo, bulan, dait taun nike jari nyematéq sepertelu léman selapuq umat manusie.

WAHYU 9:18

Sepertelu léman umat manusie ninggal siq telu bencane nike; api, pendet, dait urirang saq sugul léman biwih jaran-jaran nike.