WAHYU 8:3 - KITAB SUCI ZABUR INJIL

³ Sopoq malaékat saq lain, saq jauq sopoq tangkaq dupe emas, rauh dait nganjeng léq julu méje taoq kurban. Ie teicanin menyan luwéq gati jari teaturang bareng-bareng kance do'e selapuq dengan saq tehususang bagi Allah léq atas méje taoq kurban saq tepiaq léman emas léq arepan tahte nike.

WAHYU 8:3 ပူးပေါင်းရင်းမြစ်များ

ZABUR 141:2

Terimaq do'e kaji jari persembahan dupe, dait imen kaji saq kaji angkat ojok atas jari kurban kekelem.

LUKAS 1:10

Léq waktu upacare tunuq menyan telaksaneang, dengan luwéq bedo'e léq luah.

ROMA 8:34

Napi araq dengan saq mélé ngukum ite? Malahan Deside Isa Almasih do'eang ite! Ie saq sampun ninggal dait saq sampun teidupang malik léman ninggal dait melinggih léq sedi kanan Allah.

IBRANI 7:25

Keranaq nike jari selaéq-laéqne Deside Isa bau nyelametang dengan-dengan saq parek ojok Allah langan Ie, séngaq Ie idup selaéq-laéqne jari Perantare ie pade.

IBRANI 9:4

Léq dalem ruangan nike araq méje taoq kurban saq tepiaq léman emas jari tunuq dupe, dait araq éndah Peti Perjanjian saq selapuqne telapis siq emas. Léq dalem peti nike araq guci emas saq berisi manna, tunjangne Harun saq sampun besuli, dait due lémpéngan batu tulis saq léq atasne tetulis sepulu préntah léman Allah.

WAHYU 10:1

Terus tiang serioq sopoq malaékat perkase saq lain turun léman sorge. Ie tekerubung siq awan, dait sopoq sabuk bidedari ngelingkerin ulune. Muene becahaye maraq jelo dait naéne maraq teken api.

WAHYU 14:18

Sesampun nike, sopoq malaékat lain, saq nguasein api, dateng léman méje taoq kurban. Siq suare saq beléq ie matur tipaq malaékat saq negel awis saq merang nike, “Ompéhang awisde nike dait keret buaq-buaq lolo anggur léq gumi, séngaq buaq-buaqne sampun masak!”

WAHYU 5:8

Léq waktu Anak Dombe nike ngelaksaneang hal nike, keempat mahluk dait keempat likur pemimpin nike nyungkur léq arepan-Ne. Ie pade sopoq-sopoq negel kecapi dait cawan emas saq berisi menyan, nike do'e-do'e dengan-dengan saq tehususang bagi Allah.

WAHYU 6:9

Sesampun nike Anak Dombe nike bukaq ségel saq kelime. Make tiang serioq léq bawaq méje taoq kurban, araq jiwe-jiwe dengan-dengan saq ninggal tematéq lantaran Manik Allah dait lantaran kesaksian ie pade.

WAHYU 7:2

Terus tiang serioq sopoq malaékat saq lain sugul léman timuq. Ie jauq ségel léman Allah saq idup. Siq suare saq beléq malaékat nike bekuih tipaq keempat malaékat saq sampun mauq kuase léman Allah jari nyédaq gumi dait segare.

WAHYU 8:4

Bareng kance do'e dengan-dengan saq tehususang bagi Allah, pendet dupe saq kenyeke nyale nike nyempuq taék léman ime malaékat saq nganjeng léq arepan Allah nike.

WAHYU 8:5

Beterus malaékat nike bait tangkaq dupe nike, dait isiqne siq api léman méje taoq kurban, terus timpohne ojok gumi. Make kedengahan suare guntur kance kisap dait araq lindur.

WAHYU 9:13

Beterus malaékat saq keenem niup terompétne. Make tiang dengah suare dateng léman keempat bucu méje taoq kurban saq tepiaq léman emas saq araq léq arepan Allah.