WAHYU 7:4 - KITAB SUCI ZABUR INJIL

⁴ Beterus tiang dengah bahwe araq satus petang dase empat iyu dengan saq tebéng tande ségel léman Allah léq telakar ie pade. Dengan-dengan nike tebait léman kedue olas suku bangse Israel.

WAHYU 7:4 ပူးပေါင်းရင်းမြစ်များ

MATIUS 19:28

Deside Isa bemanik léq ie pade, “Tiang badaq side: Setetune léq Dunie saq Baru, Bije Manusie gen melinggih léq atas tahte-Ne saq mulie. Léq waktu nike side pade pengiring-pengiring Tiang gen tokol léq atas due olas tahte jari hakimin kedue olas suku bangse Israel!

LUKAS 14:22

Beterus pelayan nike bebase, ‘Paq, préntah pelungguh sampun tiang laksaneang, laguq masih luwéq taoq saq kosong.’

LUKAS 22:30

adéq éraq side bekelor dait nginem seméje kance Tiang léq dalem Kerajaan Tiang dait side gen tokol léq atas tahte jari hakimin kedue olas suku Israel.”

KISAH RASUL-RASUL 26:7

Perjanjian nike éndah saq teharep-harepang siq kedue olas suku bangse Israel, sehingge ie pade ibadah tipaq Allah kenjelo dait kekelem. Dait lantaran tiang percaye léq perjanjian nike, Raje Agripa saq mulie, tiang tesalaqang siq dengan-dengan Yahudi.

ROMA 9:27

Nabi Yesaya éndah bebase secare tegas mengenai bangse Israel, “Timaq jumlah bangse Israel nike maraq gerés léq segare, cume sekediq doang saq gen selamet;

YAKUB 1:1

Semeton senamian, dengan-dengan saq tehususang bagi Allah saq nyebar léq seantéro dunie! Salam léman tiang, Yakub, hambe Allah dait hambe Junjungan Saq Mulie Deside Isa Almasih.

WAHYU 14:1

Beterus tiang serioq Anak Dombe nike penggitan nganjeng léq atas Bukit Sion. Bareng kance Ie araq satus petang dase empat iyu dengan saq léq telakar ie pade tetulis peséngan-Ne dait peséngan Bapa-Ne.

WAHYU 14:3

Léq arepan tahte dait keempat mahluk dait pare pemimpin léq sekelining tahte nike, satus petang dase empat iyu dengan nike nyanyiang sopoq nyanyian saq baru. Nyanyian nike ndéq bau teperajahin siq sai-sai kecuali satus petang dase empat iyu dengan saq sampun tetebus léman gumi.

WAHYU 7:5

Léman suku Yehuda dueolas iyu, léman suku Ruben dueolas iyu, léman suku Gat dueolas iyu,

WAHYU 9:16

Tiang dengah bahwe jumlah pasukan-pasukan saq kadu jaran nike araq satak jute luwéqne.