WAHYU 7:2 - KITAB SUCI ZABUR INJIL

² Terus tiang serioq sopoq malaékat saq lain sugul léman timuq. Ie jauq ségel léman Allah saq idup. Siq suare saq beléq malaékat nike bekuih tipaq keempat malaékat saq sampun mauq kuase léman Allah jari nyédaq gumi dait segare.

WAHYU 7:2 ပူးပေါင်းရင်းမြစ်များ

MATIUS 16:16

Jawab Simon Petrus, “Pelungguh Almasih, Bije saq asalne léman Allah saq idup.”

MATIUS 26:63

Laguq Deside Isa tetep meneng. Imam Agung nike bebase malik léq Deside Isa, “Demi Allah saq idup, sampéang léq tiang pade napi tetu Pelungguh niki Almasih, Bije saq asalne léman Allah?”

YAHYA 6:27

Ndaq begawéan jari mauq keloran saq iniq bis dait séde. Laguq side pade harus begawéan jari mauq keloran saq bau tahen jangke dateng idup sejati dait kekel, saq gen teicanin siq Bije Manusie, séngaq Ie sampun tesahang siq Allah Bapa.”

2 KORINTUS 1:22

Keranaq nike Allah sampun ngesahang ite jari dowé-Ne, dait ngicanin Roh Suci léq dalem aténte sebagé jaminan bahwe Ie gen ngicanin ite selapuq saq Ie janjiqang.

EPESUS 1:13

Side pade éndah sampun jari dengan-dengan saq tehususang bagi Allah sewaktu side pade dengahang manik kebenaran, nike Kabar Solah saq nyelametang side. Léq dalem Almasih éndah, side pade tesahang siq Roh Suci, saq tejanjiqang nike.

EPESUS 4:30

Ndaq miaq Roh Allah jari aséq. Side pade sampun tesahang siq Roh Allah bahwe side pade jari dowén Allah. Roh nike éndah jari jaminan bahwe jelo penyelametan gen dateng tipaq side.

1 TESALONIKA 1:9

Selapuq dengan nike ngeraos mengenai berembé side pade nerimaq tiang pade sewaktu laéq tiang pade dateng ojok side. Ie pade ngeraos mengenai berembé side pade bilin berhale-berhale dait dateng tipaq Allah saq idup dait kenaq jari ngabdi léq Ie.

2 TIMOTIUS 2:19

Laguq dasar kuat saq tepiaq siq Allah ndéqne bau tegerik. Léq atasne tetulis maraq niki, “Tuhan kenal kance dengan-dengan saq jari dowé-Ne”, dait, “Dengan-dengan saq nyebut peséngan Tuhan, ie harus jaoqang diriqne léman kejahatan.”

IBRANI 12:22

Sebalikne, side pade sampun dateng ojok bukit Sion dait kote Allah saq idup, nike Yerusalem saq léq sorge kance beiyu-iyu malaékatne.

WAHYU 1:3

Bahagie dengan saq baceang dait dengan saq dengahang berite nubuat kitab niki dait taat léq napi saq tetulis léq dalemne. Séngaq ndéqne ngonéq malik selapuqne niki gen telaksane.

WAHYU 10:1

Terus tiang serioq sopoq malaékat perkase saq lain turun léman sorge. Ie tekerubung siq awan, dait sopoq sabuk bidedari ngelingkerin ulune. Muene becahaye maraq jelo dait naéne maraq teken api.

WAHYU 10:4

Sesampun kepituq guntur nike besuare, tiang mélé nulis hal nike, laguq tiang dengah suare léman sorge, “Rahasieang napi saq tesampéang siq pituq guntur nike; ndaq tulis hal nike!”

WAHYU 16:12

Sesampun nike malaékat keenem numpahang isi cawanne ojok kokoq Eprat saq beléq nike. Make kokoq nike gero sehingge raje-raje léman timuq bau liwat.

WAHYU 5:2

Terus tiang serioq sopoq malaékat saq perkase bekuih-kuih siq suare saq beléq, “Sai saq patut bukaq ségel-ségel niki dait bukaq kitab niki?”

WAHYU 8:3

Sopoq malaékat saq lain, saq jauq sopoq tangkaq dupe emas, rauh dait nganjeng léq julu méje taoq kurban. Ie teicanin menyan luwéq gati jari teaturang bareng-bareng kance do'e selapuq dengan saq tehususang bagi Allah léq atas méje taoq kurban saq tepiaq léman emas léq arepan tahte nike.

WAHYU 9:14

Suare nike bemanik tipaq malaékat saq keenem nike, “Lepas keempat malaékat saq tetaliq léq dékét Kokoq Eprat, kokoq saq beléq nike!”

WAHYU 9:4

Ie pade tebalaq nyédaq pupaq, atao leloloan, atao tetaletan-tetaletan lainne. Ie pade cume kanggo nyerang dengan-dengan saq léq telakarne ndéq araq tande ségel léman Allah.