WAHYU 5:9 - KITAB SUCI ZABUR INJIL

⁹ Ie pade nyanyiang sopoq lagu saq baru: “Deside patut bait kitab nike, dait bukaq ségel-ségelne. Séngaq Deside sampun tesembeléh, dait siq ninggal Deside, manusie léman selapuq suku, base, umat dait bangse sampun Deside tumbas bagi Allah.

WAHYU 5:9 ပူးပေါင်းရင်းမြစ်များ

ZABUR 144:9

Kaji gen nyanyiang Deside lagu baru, ya Allah, dait puniq kecapi sambil benyanyi.

ZABUR 149:1

Pade puji ALLAH ! Pade nyanyiang lagu baru bagi ALLAH , pade puji Ie léq dalem kumpulan umat-Ne!

ZABUR 33:3

Nyanyiang lagu baru bagi ALLAH, puniqang kecapi bagus-bagus dait besurak-surakan siq gembire!

ZABUR 40:3

Ie antuq tiang léman loang saq bahaye, léman reraok rawe-rawe. Ie noloq tiang léq atas bukit batu, sehingge langkah tiang pasti.

ZABUR 96:1

Pade nyanyiang lagu baru bagi ALLAH! Pade benyanyi bagi ALLAH, hai selapuq gumi!

ZABUR 98:1

Zabur. Pade nyanyiang lagu baru bagi ALLAH, lantaran perbuatan-perbuatan-Ne saq ajaip! Siq kuase dait kekuatan-Ne mésaq Ie sampun menang.

MATIUS 20:28

Pade maraq Bije Manusie nike éndah; Ie rauh nénten jari telayanin, laguq jari ngelayanin, dait nyerahang nyawe-Ne jari tebusan tipaq dengan luwéq.”

MATIUS 26:28

Séngaq niki daraq Tiang saq ngesahang perjanjian Allah – daraq saq tetumpahang tipaq dengan luwéq adéq dose-dose ie pade teampunin siq Allah.

KISAH RASUL-RASUL 20:28

Side pade harus jagaq diriqde dait jagaq éndah selapuq jemaah saq sampun tepercayeang léq side pade siq Roh Suci jari tejagaq; séngaq side pade sampun teangkat jari pengawas jemaah nike. Side pade harus jagaq jemaah Allah nike maraq pengarat jagaq dombe-dombene, séngaq Allah sampun jariang jemaah nike jari dowé-Ne siq daraq Bije-Ne mésaq.

1 KORINTUS 6:20

Side pade sampun tebeli dait tebayah lunas siq Allah. Keranaq nike, mulieang Allah kadu awakde.

1 KORINTUS 7:23

Side sampun tebeli siq Allah dait sampun lunas tebayah. Keranaq nike, ndaq side nyerahang diriqde jari hambe manusie.

EPESUS 1:7

Séngaq léq dalem Almasih dait siq daraq-Ne ite bau tetebus, nike pengampunan dose sesuai rahmat-Ne saq melimpah.

EPESUS 5:19

Léq waktu side pade ngeraos, kadu ucapan-ucapan saq araq léq dalem Zabur, nyanyiang pujian bagi Allah dait lagu rohani. Side pade harus memuji Tuhan siq sepenoq angen.

KOLOSE 1:14

Siq Bije-Ne nike ite tetebus; artine dose-dosente sampun teampunin.

KOLOSE 1:23

Laguq side pade harus tetep setie percaye dait teguq léq keyakinande nike. Ndaq jangke side pade ngelepas harepan saq sampun teicanin tipaq side pade sewaktu side pade nerimaq Kabar Solah léman Allah. Kabar nike sampun teberiteang tipaq sebilang dengan léq seantéro dunie. Dait lantaran hal nike juaq tiang, Paulus sampun jari pelayan.

TITUS 2:14

Ie sampun ngurbanang diriq-Ne umaq ite jari bébasang ite léman selapuq kejahatan, dait nyuciang dengan-dengan saq jari dowé-Ne mésaq, dait saq rajin ngelaksaneang saq solah.

IBRANI 11:14

Séngaq dengan-dengan saq bebase maraq nike setetune nyatayang bahwe ie pade kenyeke boyaq negerine mésaq.

2 PETRUS 2:1

Léq waktu saq laéq léq antare dengan-dengan saq tehususang bagi Allah sampun araq nabi-nabi palsu. Maraq nike éndah léq antare side gen dateng guru-guru palsu. Ie pade gen ngajahang pengajahan-pengajahan sesat, saq binaseang dengan. Dait ie pade gen tilas Penguase saq sampun nebus ie pade. Siq care nike ie pade datengang kebinasean tipaq diriqne mésaq, saq selung-selung nimpe ie pade.

1 YAHYA 1:7

Laguq lamun ite idup léq dalem cahaye, maraq Allah araq léq dalem cahaye, make ite idup akrab, rukun sopoq kance saq lainne, dait daraq Deside Isa Almasih, Bije-Ne nike, nyuciang ite léman selapuq dose.

1 YAHYA 2:2

Dait langan Ie, ite bau tedaméang léman selapuq dose-dosente, dait ndéqne umaq dose-dosente doang, laguq éndah umaq dose-dose seantéro dunie.

WAHYU 10:11

Beterus ie bebase léq tiang, “Sampéang karing sekali nubuat tipaq luwéq bangse, kaum, base, dait raje.”

WAHYU 11:9

Dengan-dengan léman selapuq bangse, suku, base, dait kaum gen serioq mayit ie pade telu setenge jelo ngonéqne, dait ndéq ngijinang mayit-mayit nike tekubur.

WAHYU 13:7

Ie teijinang éndah ngelawan dengan-dengan saq tehususang bagi Allah dait ngalahang ie pade. Dait kekuasean léq selapuq suku, kaum, base, dait bangse teserahang léq ie.

WAHYU 13:8

Binatang nike gen tesembah siq selapuq dengan saq idup léq gumi, kecuali dengan-dengan saq aranne sampun tetulis sendéqman dunie tecipteang, léq dalem kitab kehidupan dowén Anak Dombe saq sampun tesembeléh.

WAHYU 14:6

Terus tiang serioq sopoq malaékat lain saq kesur atas gati léq langit. Malaékat nike jauq Kabar Solah saq kekel jari tesampéang tipaq manusie léq gumi, nike tipaq selapuq bangse, suku, base, dait kaum.

WAHYU 15:3

Dait ie pade nyanyiang nyanyian Musa, hambe Allah, dait nyanyian Anak Dombe. Suarene: “Ya Allah, Tuhan Saq Mahekuase, agung dait ajaip gati karye-karye Deside! Raje selapuq bangse, adil dait kenaq tindakan-tindakan Deside!

WAHYU 17:15

Malaékat nike éndah bebase, “Aiq saq side serioq nike, taoq pelacur nike tokol, nike bangse-bangse, rakyat-rakyat, kaum dait base.

WAHYU 4:11

“Ya Allah, Ya Tuhan tiang pade! Deside doang saq patut nerimaq pujian, hormat dait kuase. Séngaq Deside saq cipteang selapuq-lapuqne, dait siq pekayunan Deside éndah selapuqne nike sampun araq dait tecipteang.”

WAHYU 5:12

Dait ie pade benyanyi siq suare saq beléq, “Anak Dombe saq sampun tesembeléh nike, patut nerimaq kuase, kesugihan, kebijaksanean dait kekuatan; Ie patut tehormatin, temulieang dait tepuji-puji!”

WAHYU 5:6

Beterus tiang serioq, sopoq Anak Dombe nganjeng léq tengaq-tengaq tahte nike, tekeliningin siq keempat mahluk dait selapuq pemimpin nike. Anak Dombe nike ruene maraq sampun tesembeléh. Ie bedowé pituq tanggéq dait pituq mate: Nike pituq Roh Allah saq sampun teutus ojok seantéro dunie.