WAHYU 4:9 - KITAB SUCI ZABUR INJIL

⁹ Keempat mahluk nike nyanyiang lagu-lagu pujian, hormat dait syukur tipaq Ie saq melinggih léq tahte nike, Ie saq idup selaéq-laéqne. Dait sewaktu mahluk-mahluk nike benyanyi,

WAHYU 4:9 ပူးပေါင်းရင်းမြစ်များ

ZABUR 47:8

Allah nike Raje léq seantéro gumi, pade puji Ie siq lagu pengajahan!

ZABUR 48:14

Perhatiang tembokne, periksaq bénténgne, adéq side bau nyeriteang ojok keturunande:

IBRANI 7:25

Keranaq nike jari selaéq-laéqne Deside Isa bau nyelametang dengan-dengan saq parek ojok Allah langan Ie, séngaq Ie idup selaéq-laéqne jari Perantare ie pade.

IBRANI 7:8

Imam-imam saq nerimaq bagian sepersepulu, nike manusie saq iniq ninggal. Laguq mengenai Melkisedek saq nerimaq bagian sepersepulu nike, menurut Kitab Suci tetep idup.

WAHYU 1:18

Tiang niki saq idup! Tiang sampun ninggal, laguq silaq serioq; Tiang idup jangke selaéq-laéqne. Tiang bekuase léq kematéan, dait léq dunie dengan maté.

WAHYU 10:6

Ie besumpah siq peséngan Allah saq idup selaéq-laéqne, saq cipteang langit, gumi dait segare dait selapuq saq araq léq dalemne. Basen malaékat nike, “Ndéq gen tetunde malik waktune!

WAHYU 15:7

Beterus salaq sopoq léman empat mahluk nike ngicanin tipaq kepituq malaékat nike pituq cawan emas saq penoq siq murke Allah, -- nike Allah saq idup selaéq-laéqne.

WAHYU 21:5

Terus Ie saq melinggih léq atas tahte nike bemanik, “Mangkin Tiang jariang selapuqne baru!” Ie bemanik éndah léq tiang, “Tulis niki, séngaq selapuq manik niki kenaq dait bau tepercaye.”

WAHYU 4:2

Langsung tiang tekuasein siq Roh Allah. Terus tiang serioq araq sopoq tahte léq sorge, dait araq sopoq dengan melinggih léq tahte nike.

WAHYU 4:8

Keempat mahluk nike, sopoq-sopoq bedowé enem keléték, sekeliningne dait léq bagian dalemne penoq siq mate. Peteng menah mahluk-mahluk nike ndéq engkah-engkah bekuih, “Suci, suci, suci, Allah, Tuhan Saq Mahekuase; saq araq, saq sampun araq, dait saq araq selaéqne.”

WAHYU 5:1

Beterus tiang serioq sopoq gulungan kitab léq gading-Ne saq melinggih léq tahte nike. Kitab nike penoq siq tulisan léq bagian dalem dait bagian luahne, dait teségel kadu pituq ségel.

WAHYU 6:16

Tipaq gunung-gunung dait batu-batu nike ie pade bekuih, “Silaq endet tiang pade! Seboq tiang pade léman arepan Ie saq melinggih léq atas tahte, dait léman murke Anak Dombe nike!

WAHYU 7:15

Keranaq nike ie pade nganjeng léq arepan tahte Allah, dait beribadah tipaq Ie peteng menah léq dalem Gedéng Suci Allah. Dait Ie saq melinggih léq atas tahte nike gen ngelindungin ie pade siq kémah-Ne.