WAHYU 4:4 - KITAB SUCI ZABUR INJIL

⁴ Léq sekelining tahte nike araq empat likur tahte saq lain. Léq derike melinggih empat likur pemimpin saq bekelambi putéq, dait kadu mahkote emas.

WAHYU 4:4 ပူးပေါင်းရင်းမြစ်များ

ZABUR 21:3

Deside sampun ngicanin napi saq jari keméléq angenne, dait ngicanin napi saq ie tunas.

MATIUS 19:28

Deside Isa bemanik léq ie pade, “Tiang badaq side: Setetune léq Dunie saq Baru, Bije Manusie gen melinggih léq atas tahte-Ne saq mulie. Léq waktu nike side pade pengiring-pengiring Tiang gen tokol léq atas due olas tahte jari hakimin kedue olas suku bangse Israel!

LUKAS 22:30

adéq éraq side bekelor dait nginem seméje kance Tiang léq dalem Kerajaan Tiang dait side gen tokol léq atas tahte jari hakimin kedue olas suku Israel.”

2 TIMOTIUS 4:8

Dait mangkin tiang sampun tesedieang mahkote kebenaran saq gen teicanin tipaq tiang siq Tuhan, Hakim saq adil nike, léq jelo-Ne, nike ndéqne cume léq tiang, laguq éndah tipaq selapuq dengan saq melét gati ngantos kerauhan Tuhan.

WAHYU 11:16

Make keempat likur pemimpin saq melinggih léq tahte ie pade léq arepan Allah, nyungkur dait nyembah Allah.

WAHYU 14:3

Léq arepan tahte dait keempat mahluk dait pare pemimpin léq sekelining tahte nike, satus petang dase empat iyu dengan nike nyanyiang sopoq nyanyian saq baru. Nyanyian nike ndéq bau teperajahin siq sai-sai kecuali satus petang dase empat iyu dengan saq sampun tetebus léman gumi.

WAHYU 19:14

Dait selapuq pasukan saq léq sorge ngiring Ie; ie pade nunggang jaran-jaran putéq, dait bekelambi lénen saq putéq bersi.

WAHYU 19:4

Make keempat likur pemimpin dait keempat mahluk saq léq sekelining tahte nike nyungkur dait nyembah Allah saq melinggih léq atas tahte. Ie pade matur, “Amin! Pade mulieang Allah!”

WAHYU 2:10

Ndaq takut léq penderitean saq ndéq pire ngonéq malik side gen alamin. Inget, Belis gen namaqang separo léman side pade ojok dalem bui jari cobe side pade. Side pade gen menderite sepulu jelo ngonéqne. Side pade harus setie léq Tiang jangke ninggal, make Tiang gen ngicanin side mahkote kehidupan.

WAHYU 20:4

Beterus tiang serioq tahte-tahte, dait dengan-dengan saq tokol léq tahte-tahte nike teicanin kuase jari mutusang hukuman. Tiang serioq éndah jiwe-jiwe dengan-dengan saq sampun tepeleng belongne lantaran ie pade ngebéng kesaksian mengenai Deside Isa, dait nyampéang Manik Allah. Dengan-dengan nike ndéq nyembah binatang, atao tetatone. Ie pade ndéq uwah nerimaq tande binatang nike léq telakar dait léq ime ie pade. Make ie pade idup malik dait mréntah jari raje bareng Almasih siyu taun ngonéqne.

WAHYU 3:18

Keranaq nike Tiang naséhatin side pade adéq beli emas léman Tiang, nike emas saq tulén, adéq side pade jari sugih. Beli éndah kelambi putéq léman Tiang adéq side pade bekelambi dait ngilipang keadaan side pade saq bekelombas dait merilaq. Dait beli éndah minyak jari teolés léq penentengde adéq side pade tao nyerioq.

WAHYU 4:10

keempat likur pemimpin nike nyungkur léq arepan Dengan saq melinggih léq tahte nike, terus nyembah Ie saq idup selaéq-laéqne. Beterus ie pade timpoh mahkote-mahkote ie pade léq arepan tahte nike, dait matur,

WAHYU 4:6

Dait léq arepan tahte nike éndah araq sopoq saq penggitan maraq segare kace, menéng maraq kristal. Léq tengaq-tengaq tahte, léq sebilang sedine, araq empat mahluk, saq bagian julu dait bagian mudine penoq siq mate.

WAHYU 5:11

Beterus tiang serioq malik dait Tiang dengah suare malaékat saq beiyu-iyu dait bejute-jute luwéqne. Ie pade nganjeng ngiterin tahte dait keempat mahluk serte pare pemimpin nike.

WAHYU 5:14

Make keempat mahluk nike bebase, “Amin!” Dait pemimpin-pemimpin nike éndah nyungkur dait nyembah.

WAHYU 5:6

Beterus tiang serioq, sopoq Anak Dombe nganjeng léq tengaq-tengaq tahte nike, tekeliningin siq keempat mahluk dait selapuq pemimpin nike. Anak Dombe nike ruene maraq sampun tesembeléh. Ie bedowé pituq tanggéq dait pituq mate: Nike pituq Roh Allah saq sampun teutus ojok seantéro dunie.

WAHYU 5:8

Léq waktu Anak Dombe nike ngelaksaneang hal nike, keempat mahluk dait keempat likur pemimpin nike nyungkur léq arepan-Ne. Ie pade sopoq-sopoq negel kecapi dait cawan emas saq berisi menyan, nike do'e-do'e dengan-dengan saq tehususang bagi Allah.

WAHYU 6:11

Ie pade sopoq-sopoq teicanin sopoq jubah saq putéq. Terus ie pade tesuruq mentelah semendaq, jangke sampun cukup jumlah batur-batur seperjuangan dait semeton-semeton ie pade saq gen tematéq maraq ie pade.

WAHYU 7:11

Selapuq malaékat nganjeng ngiterin tahte dait pare pemimpin dait keempat mahluk nike. Malaékat-malaékat nike nyungkur léq arepan tahte terus nyembah Allah.

WAHYU 7:9

Sesampun nike tiang serioq malik, terus penggitan kumpulan manusie saq luar biase luwéqne -- ndéq araq sopoq dengan juaq saq bau rékéng jumlahne. Ie pade dengan-dengan léman sebilang bangse, suku, kaum, dait base. Léq arepan tahte dait léq arepan Anak Dombe nike ie pade selapuq nganjeng kadu jubah putéq dait negel pémpang-pémpang lolo palem léq imene.

WAHYU 9:7

Rue balang nike maraq jaran saq siep lalo perang. Léq otak balang-balang nike araq penggitan maraq rue mahkote emas. Mue balang-balang nike pade maraq mue manusie.