WAHYU 3:3 - KITAB SUCI ZABUR INJIL

³ Keranaq nike, pade inget malik léq napi saq sampun teajahang tipaq side pade laéq dait napi saq sampun side pade dengah. Laksaneang nike dait pade tobat léman dose-dosende. Lamun side pade ndéq bejage-jage, Tiang gen dateng tipaq side maraq maling; dait side pade ndéq gen nenaoq piran waktune Tiang dateng.

WAHYU 3:3 ပူးပေါင်းရင်းမြစ်များ

MATIUS 25:13

Make Deside Isa tutuqang perumpamean nike dait bemanik, “Keranaq nike pade siep sedie, séngaq side ndéq nenaoq piran jelo dait jamne.”

MARKUS 13:33

Jari, side pade harus bejage-jage dait waspade, séngaq side pade ndéq nenaoq piran waktune.

MARKUS 13:36

Lamun ie selung-selung dateng, ndaq jangke ie ndait side pade kenyeke tindoq.

1 TESALONIKA 5:2

Séngaq side mésaq nenaoq secare jelas bahwe jelo kerauhan Tuhan nike gen dateng maraq maling léq kekelem.

1 TIMOTIUS 6:20

Jagaq solah-solah napi saq sampun tepercayeang léq side, Timotius! Jaoqang diriqde léman raosan-raosan saq ndéq araq manpaatne dait saq ndéq suci dait raosan-raosan mengenai hal-hal saq tesebut penenaoq padahal ndéq.

2 TIMOTIUS 1:13

Turut pacu-pacu pengajahan saq kenaq saq sampun tiang sampéang tipaq side. Dait side harus tetep percaye léq iman dait kasih léq dalem Deside Isa Almasih.

IBRANI 2:1

Keranaq nike ite harus sayan pacu-pacu merhatiang pengajahan-pengajahan saq sampun ite dengah, adéq ite ndaq jangke bilin pengajahan-pengajahan nike.

2 PETRUS 1:13

Sengonéq tiang masih idup, tiang merase wajib ngingetang side pade mengenai hal-hal nike.

2 PETRUS 3:1

Semeton senamian saq tiang kasihin! Niki surat tiang saq kedue tipaq side. Léq dalem kedue surat niki, tiang berusahe ngidupang pikiran-pikirande saq murni.

2 PETRUS 3:10

Laguq jelo kerauhan Tuhan gen rauh maraq maling. Léq jelo nike, langit gen musnah siq suare saq dahsyat, dait selapuq saq araq léq langit gen bis julat, dait gumi kance selapuq saq araq léq dalemne gen musnah.

WAHYU 16:15

“Pade dengahang! Tiang dateng maraq maling! Bahagie dengan saq tetep bejage-jage dait jagaq kelambine, sehingge ie ndéq lampaq bekelombas dait jari ilaq léq julun dengan luwéq!”

WAHYU 2:25

Laguq jangke waktu Tiang dateng éraq, side pade harus tetep tegel napi saq sampun side pade épéang.

WAHYU 2:5

Keranaq nike pade inget berembé dalemne side pade sampun geriq! Pade tobat léman dose-dosende, dait laksaneang napi saq semule side pade laksaneang. Lamun ndéq, make Tiang gen dateng tipaq side dait bait naé dilahde nike léman taoqne.

WAHYU 22:7

“Setetune Tiang gen becat dateng! Bahagie dengan saq taat léq pesen-pesen nubuat dalem kitab niki!”

WAHYU 3:11

Tiang gen becat dateng! Jagaq solah-solah napi saq side pade épéang, adéq ndéq araq sopoq dengan juaq saq ngerebut mahkote side pade.

WAHYU 3:19

Dengan-dengan saq Tiang kasihin, ie pade saq Tiang peringet dait Tiang empuk, keranaq nike side pade harus rédeang angende dait tobat léman dose-dosende.

WAHYU 3:2

Keranaq nike, pade ures, dait teguqang napi saq masih araq léq side pade sendéqman selapuqne bis maté. Séngaq Tiang ndait bahwe napi saq side pade laksaneang, ndéq sopoq juaq saq sempurne léq arepan Allah.