WAHYU 22:3 - KITAB SUCI ZABUR INJIL

³ Léq dalem kote nike ndéq araq napi juaq saq kene siq kutuk Allah. Tahte Allah dait tahte Anak Dombe nike gen araq léq dalem kote nike. Hambe-hambe-Ne gen ibadah tipaq Ie,

WAHYU 22:3 ပူးပေါင်းရင်းမြစ်များ

ZABUR 16:11

Deside petitoqang léq kaji langan kehidupan; léq Deside kaji mauq sukecite saq belimpah dait kebahagiean selaéq-laéqne.

ZABUR 17:15

Laguq kaji, léq dalem kebenaran gen serioq Deside. Léq waktu kaji ures, kehadiran Deside miaq atén kaji puas.

MATIUS 25:21

‘Bagus,’ basen majikan nike, ‘side pelayan saq bagus dait setie. Séngaq side bau tepercaye léq hal saq sekediq, tiang gen percayeang hal saq luwéqan malik léq side. Silaq tame, milu beseneng-seneng kance tiang!’

MATIUS 25:41

Beterus Raje nike gen bebase léq dengan-dengan saq araq léq sedi kiri-Ne, ‘Lalo léman té, side pade dengan-dengan saq tekutuk! Pade tame ojok dalem api saq ndéq iniq pedaq saq sampun tesiepang umaq Belis dait malaékat-malaékatne!

YAHYA 12:26

Dengan saq mélé ngelayanin Tiang harus turut Tiang, dait léq mbé Tiang araq léq derike éndah pelayan Tiang araq. Dengan saq ngelayanin Tiang gen tehormatin siq Bapa Tiang.”

YAHYA 13:32

Lamun Allah temulieang langan Ie, Ie éndah gen temulieang siq Allah langan diriq-Ne. Malahan Allah gelis gen ngemulieang Ie.

YAHYA 14:3

Sesampun Tiang lalo nyedieang taoq umaq side pade, Tiang gen tulak dait tutut side pade, adéq léq mbé Tiang araq, léq derike éndah side pade araq.

YAHYA 17:24

Bapa, Tiang melét adéq léq mbé juaq Tiang araq, ie pade éndah araq bareng kance Tiang, ie pade saq sampun Deside icanin tipaq Tiang, adéq ie pade serioq kemuliean Tiang saq sampun Deside icanin tipaq Tiang, séngaq Deside sampun ngasihin Tiang sendéqman dunie tecipteang.

WAHYU 7:10

Terus siq suare saq beléq ie pade bekuih, “Keselametante datengne léman Allahte, saq melinggih léq atas tahte, dait léman Anak Dombe nike!”

WAHYU 7:9

Sesampun nike tiang serioq malik, terus penggitan kumpulan manusie saq luar biase luwéqne -- ndéq araq sopoq dengan juaq saq bau rékéng jumlahne. Ie pade dengan-dengan léman sebilang bangse, suku, kaum, dait base. Léq arepan tahte dait léq arepan Anak Dombe nike ie pade selapuq nganjeng kadu jubah putéq dait negel pémpang-pémpang lolo palem léq imene.