WAHYU 22:2 - KITAB SUCI ZABUR INJIL

² léq tengaq-tengaq langan kote nike. Léq sedi kokoq nike, léq sebilang sedine araq lolo-lolo kehidupan, saq bebuaq due olas kali setaun, sekali sebulan. Daunne tekadu jari nyelahang bangse-bangse.

WAHYU 22:2 ပူးပေါင်းရင်းမြစ်များ

ZABUR 147:3

Ie nyelahang dengan saq polak angen, dait bebet bakat-bakat ie pade.

LUKAS 4:18

“Roh Tuhan araq léq Tiang, séngaq Allah sampun nyuciang dait ngesahang Tiang jari beriteang Kabar Solah tipaq dengan miskin. Allah ngutus Tiang jari ngumumang tipaq dengan tawanan bahwe ie pade gen tebébasang dait tipaq dengan bute bahwe ie pade gen tao nyerioq malik; jari bébasang dengan saq tejajah,

1 PETRUS 2:24

Almasih mésaq saq nanggung dose-dosente léq dalem rage-Ne léq atas kayuq salib, adéq ite saq sampun bébas léman kuase dose, idup bagi kebenaran. Leket-leket saq araq léq Almasih nike saq nyelahang side pade.

WAHYU 2:7

Sai bedowé kentok, harus ie dengahang napi saq temanikang siq Roh Allah tipaq jemaah-jemaah! Sai-sai saq menang, gen Tiang béng kelorang buaq léman lolo kehidupan saq tiwoq léq Taman Pirdaus Allah.”

WAHYU 21:21

Kedue olas jebak beléqne tepiaq léman due olas mutiare, sopoq-sopoq lawang tepiaq léman sopoq mutiare. Langan léq kote nike tepiaq léman emas tulén, menéng maraq kace.

WAHYU 21:24

Bangse-bangse léq dunie gen lampaq léq dalem cahayene, dait raje-raje éndah gen jauq kesugihan ie pade ojok dalem kote nike.

WAHYU 22:1

Tiang éndah tepetitoqang siq malaékat nike kokoq aiq kehidupan. Kokoq nike menéng maraq kristal dait ngélék léman tahte Allah dait tahte Anak Dombe nike,

WAHYU 22:14

Bahagie dengan saq popoq jubahne jangke bersi sehingge ie pade bedowé hak ngelorang buaq léman lolo kehidupan dait tame ojok dalem kote nike langan jebak beléqne.

WAHYU 22:19

Dait lamun sopoq dengan ngurangin sopoq hal léman pesen-pesen nubuat niki, make Allah éndah gen ngurangin bagianne maraq saq tetulis léq dalem kitab niki -- nike bagian léman lolo kehidupan dait léman kote suci nike.”