WAHYU 20:3 - KITAB SUCI ZABUR INJIL

³ Beterus malaékat nike tetéh nage nike ojok dalem jurang maut, dait lentingne jurang nike dait teségel, adéq nage nike ndéq bau malik nyesatang bangse-bangse sendéqman tutuq waktu saq siyu taun nike. Sesampun nike ie harus telepas, laguq waktune singket.

WAHYU 20:3 ပူးပေါင်းရင်းမြစ်များ

ZABUR 90:4

Bagi Deside siyu taun maraq sejelo, pade maraq jelo saq rubin, lamun sampun liwat; maraq sopoq giliran jage léq kekelem.

MATIUS 24:24

Séngaq almasih-almasih palsu dait nabi-nabi palsu gen dateng. Ie pade gen miaq tande-tande saq luar biase dait macem-macem muqjizat jari nipu, lamun bau dengan-dengan saq sampun tepiléq siq Allah éndah.

MATIUS 27:66

Beterus ie pade lumbar ojok makam, dait ségelne batu pengimpet makam nike, terus suruqne pengawal bejage léq julune.

MARKUS 4:15

Binéq saq geriq léq langan ibarat dengan-dengan saq dengah Manik Allah. Sesampun dengah, dateng Belis dait bait napi saq sampun tesawur léq dalem até ie pade.

LUKAS 8:31

Sétan-sétan nike tunas léq Deside Isa adéq ie pade ndéq tesediq ojok dalem jurang maut.

2 KORINTUS 11:3

Laguq tiang kuatir pikirande gen tegode jari ndéq setie malik léq Almasih, pade maraq Hawa laéq éndah tegode siq kelicikan ulah.

2 PETRUS 3:8

Laguq semeton-semeton tiang saq tiang kasihin, ndaq side lupaq léq sopoq hal niki, bahwe bagi Tuhan, sejelo ndéq araq bédene kance siyu taun -- dait siyu taun pade maraq sejelo.

WAHYU 12:9

Nage saq beléq nike tetetéh ojok luah, nike ulah toaq saq tesebut Belis atao Sétan, saq nyesatang seantéro dunie. Ie tetetéh ojok gumi kance selapuq malaékatne.

WAHYU 13:14

Dait selapuq dengan saq idup léq gumi tesesatang siq tande-tande saq ie piaq léq julun binatang saq penembéq nike. Dait ie pade selapuq ie suruq miaq sopoq tetato léman binatang saq sampun bakat siq kléwang laguq tetep idup.

WAHYU 17:2

Raje-raje dunie gawéq perbuatan saq cabul kance ie, dait penghuni gumi jari bowos lantaran nginem anggur perbuatanne saq cabul.”

WAHYU 17:8

Binatang nike laéq sampun side serioq, laguq mangkin sampun ndéq araq malik. Karing semendaq malik ie gen sugul léman jurang maut dait tame ojok dalem kebinasean. Dengan-dengan saq idup léq gumi, saq aranne ndéq tetulis léq kitab kehidupan léman sendéqman dunie tecipteang gen bengaq lamun serioq binatang nike. Séngaq laéq binatang nike sampun araq, mangkin ie ndéq araq malik, laguq ie gen dateng malik.

WAHYU 20:1

Sesampun nike tiang serioq sopoq malaékat turun léman sorge. Léq imene ie negel kunci jurang maut dait sopoq ranté saq beléq.