WAHYU 2:3 - KITAB SUCI ZABUR INJIL

³ Side pade sabar dait side pade menderite lantaran aran Tiang, dait side pade ndéq putus ase.

WAHYU 2:3 ပူးပေါင်းရင်းမြစ်များ

ZABUR 37:7

Pade antos ALLAH siq até saq tenang, dait sabar ngantos Ie. Ndaq sili lantaran dengan saq berhasil idupne, atao saq gawéq tipu muslihat.

ZABUR 69:7

Sampunang menengang kaji miaq ilaq tipaq dengan-dengan saq beharep léq Deside, ya Junjungan kaji Saq Mulie, ALLAH Saq Mahekuase. Sampunang menengang kaji miaq hine tipaq dengan-dengan saq nyembah Deside, ya Allah Israel!

MARKUS 15:21

Léq tengaq langan, ie pade paksaq sopoq dengan ngelémbah kayuq salib Deside Isa. Dengan nike baruq léman dése mélé tame ojok kote. (Aran dengan nike Simon, -- asalne léman Kirene -- amaqne Aleksander dait Rupus.)

LUKAS 14:27

Dengan saq ndéq ngelémbah salibne, dait ngiring Tiang, ndéq bau jari pengiring Tiang.

LUKAS 18:1

Sesampun nike Deside Isa nyeriteang sopoq perumpamean jari ngajah pengiring-pengiring-Ne adéq ie pade tetep bedo'e dait ndaq nyerah.

LUKAS 21:19

Lamun side pade tetep tahen dait sabar, side pade gen selamet.”

LUKAS 5:5

Simon matur, “Guru, sekeleman tiang pade lelah begawéan, laguq ndéq mauq napi-napi! Laguq lantaran Pelungguh saq manikang, tiang gen pencar jaring tiang malik.”

LUKAS 8:15

Binéq saq geriq léq tanaq saq subur ibarat dengan saq dengah manik nike, terus simpenne léq dalem até saq solah dait jujur. Ie pade bau tahen jangke ngasilang buaq.”

YAHYA 15:21

Laguq selapuqne nike gen ie pade laksaneang léq side pade lantaran aran Tiang, séngaq ie pade ndéq kenal Allah saq sampun ngutus Tiang.

ROMA 12:12

Pade besukecite dalem pengharepan, pade sabar léq segale macem kesusahan dait tetep bedo'e.

ROMA 16:12

Sampéang salam tiang tipaq Tripena dait Triposa saq maté-matéan begawéan umaq Junjungan Saq Mulie. Salam tipaq Persis saq tiang kasihin, saq maté-matéan begawéan umaq Junjungan Saq Mulie.

ROMA 2:7

Allah ngicanin idup sejati dait kekel tipaq ie pade saq pacu-pacu ngelaksaneang napi saq solah, adéq ie mauq saq mulie dait saq terhomat, dait saq kekel.

ROMA 8:25

Laguq lamun ite beharep léq hal saq ndéqman ite serioq, make ite gen sabar ngantih.

1 KORINTUS 13:7

Ie tahen menderite dalem selapuq hal, percaye léq selapuq hal, beharep léq selapuq hal, dait tekun léq dalem selapuq hal.

1 KORINTUS 16:16

Keranaq nike, pade taat léq dengan-dengan saq maraq nike, dait dengan-dengan lain saq begawéan dait ngelayanin bareng ie pade.

2 KORINTUS 10:15

Tiang pade ndéq puji diriq léq pegawéan dengan lain saq araq léq luah bates saq tetentuang siq Allah tipaq tiang pade. Sebalikne tiang pade tetep léq dalem bates-bates saq tetentuang siq Allah léq tiang pade dait beharep bahwe side pade sayan percaye léq Almasih, adéq tiang pade bau ngelaksaneang pegawéan saq beléqan léq antare side pade.

2 KORINTUS 11:23

Napi ie pade pelayan-pelayan Almasih? Kedengahanne maraq tiang niki sampun telang akal, laguq tiang mule pelayan saq solahan léman ie pade selapuqne! Tiang luwéqan begawéan, tiang kerengan tetamaq ojok dalem bui, tiang luwéqan tesiksaq dait kereng gati gen maté.

2 KORINTUS 4:1

Tiang pade laksaneang pegawéan niki lantaran kemurahan Allah. Keranaq nike tiang pade ndéq telang semanget.

2 KORINTUS 4:16

Keranaq nike tiang pade ndéq telang harepan, timaq tiang pade secare lahiriah jari sayan lemah laguq secare rohani tiang pade tejariang baru sebilang jelo.

2 KORINTUS 5:9

Keranaq nike tiang pade berusahe pacu-pacu jari nyenengang Ie, timaq sewaktu tiang pade masih araq léq awak tiang pade léq dunie, atao léq luahne.

2 KORINTUS 6:5

Tiang pade tesiksaq, tebui, tekembul; tiang pade begawéan Jangke lelah, kereng ndéq tindoq dait kereng éndah ndéq bedowé keloran.

GALATIA 6:2

Side pade harus saling tulung léq kesusahan dengan, adéq siq care nike side pade taat léq préntah Almasih.

GALATIA 6:9

Keranaq nike, ndaq ite jari pendaq ngelaksaneang hal-hal saq solah; séngaq lamun ite ndéq mentelah ngelaksaneang hal-hal nike, make léq sopoq jelo éraq ite gen mauq hasilne.

PILIPI 2:16

Léq waktu nike éndah, side pade harus nyatayang tipaq ie pade Manik Allah saq ngicanin idup. Adéq siq care nike, tiang bau jari bangge sewaktu éraq Deside Isa Almasih rauh malik, séngaq ternyate tiang ndéq sie-sie lelah berusahe.

PILIPI 4:3

Tipaq batur tiang saq setie, tiang tunas adéq side tulung semeton-semeton nike. Deduaqne sampun lelah begawéan bareng kance tiang jari beriteang Kabar Solah léman Allah; pade maraq Klémen dait selapuq dengan lainne saq begawéan bareng kance tiang. Aran-aran ie pade araq tetulis léq dalem Kitab Kehidupan.

KOLOSE 1:11

Semoge siq kuase léman Allah saq mulie, side pade teteguqang sehingge side pade sanggup menderite léq selapuq hal secare tekun dait sabar

1 TESALONIKA 2:9

Pasti side pade masih inget berembé kerasne tiang pade berusahe dait bejuang. Kenjelo kekelem tiang pade begawéan adéq tiang pade ndéq nyusahang sai juaq léman side pade sewaktu tiang pade nyebarang Kabar Solah saq léman Allah nike tipaq side.

1 TESALONIKA 5:12

Semeton senamian, sanget siq tiang pade tunas adéq side pade hargein dengan-dengan saq lelah begawéan léq tengaq-tengaqde; ie pade saq sampun tepiléq siq Tuhan jari mimpin dait peringet side pade.

2 TESALONIKA 3:13

Laguq side pade, semeton senamian, ndaq pendaq ngelaksaneang napi saq solah.

2 TESALONIKA 3:5

Semoge Tuhan tetep bimbing aténde tipaq kasih Allah, dait tipaq ketabahan Almasih.

2 TESALONIKA 3:8

Tiang pade ndéq ngelor keloran dengan secare cume-cume. Sebalikne kenjelo kekelem tiang pade lelah begawéan adéq tiang pade ndéq nyusahang sai juaq léq antare side.

1 TIMOTIUS 4:10

Keranaq nike ite bejuang dait pacu-pacu begawéan, séngaq ite beharep sepenoqne léq Allah saq idup; Ie Juruselamet selapuq dengan, terutame gati dengan-dengan saq percaye.

1 TIMOTIUS 5:17

Pemimpin jemaah saq ngelaksaneang tugasne secare solah, patut tebéng penghargean due kali lipet, terutame gati ie pade saq rajin hotbah dait ngajahang.

IBRANI 10:36

Side pade perlu ketekunan, adéq side pade bau ngelaksaneang pekayunan Allah dait siq care nike bau nerimaq napi saq tejanjiqang siq Allah.

IBRANI 12:1

Nah, mengenai diriqte mésaq, léq sekiterte araq luwéq gati saksi! Keranaq nike, silaq ite tetéh selapuq saq nyusahang ite dait dose saq halangin ite. Dait tekun pelai léq dalem perlombaan saq tewajibang umaq ite.

IBRANI 13:13

Keranaq nike, silaq ite parek tipaq Ie léq luah perkémahan dait milu tehine bareng kance Ie.

IBRANI 6:10

Séngaq Allah nénten Allah saq nénten adil. Allah nénten gen lupaq napi saq sampun side pade laksaneang bagi Allah, dait kasih saq sampun side pade nyatayang tipaq peséngan-Ne sewaktu nulung dengan-dengan saq tehususang bagi Allah saq jangke mangkin masih side pade laksaneang.

IBRANI 6:12

Tiang pade ndéq mélé side pade jari mayus. Laguq tiang pade melét adéq side pade idup maraq dengan-dengan saq bedowé napi saq tejanjiqang siq Allah, saq ie pade terimaq lantaran iman dait kesabaran ie pade.

IBRANI 6:15

Ibrahim sabar ngantos, make ie nerimaq napi saq tejanjiqang siq Allah léq ie.

2 PETRUS 1:6

dait selain penenaoq, side pade harus éndah tao nguasein diriq. Dait selain tao nguasein diriq, side pade harus éndah berusahe miaq diriq jari tabah ngadepin selapuq hal. Selain tabah ngadepin selapuq hal, side pade harus éndah idup menurut pekayunan Allah.

WAHYU 1:9

Tiang Yahya, semetonde saq senasip kance side pade léq dalem kesusahan, dalem kerajaan dait léq dalem ketekunan jari ngantos kerauhan Deside Isa. Tiang tetetéh ojok Pulao Patmos lantaran tiang beriteang Manik Allah dait kesaksian Deside Isa.

WAHYU 3:10

Séngaq side pade sampun turut manik Tiang adéq tetep tekun, Tiang éndah gen ngelindungin side pade léman jaman kesusahan saq gen nimpe seantéro dunie. Hal nike gen telaksane jari cobe selapuq dengan léq gumi.