WAHYU 2:2 - KITAB SUCI ZABUR INJIL

² Tiang nenaoq selapuq pegawéande, selapuq usahende, dait kesabarande. Tiang nenaoq bahwe side pade ndéq tao sabar tipaq dengan jahat, dait bahwe side pade sampun nguji dengan-dengan saq ngaku diriqne rasul padahal setetune ndéq, dait side pade mauq bukti bahwe ie pade penduste.

WAHYU 2:2 ပူးပေါင်းရင်းမြစ်များ

1 YAHYA 4:1

Semeton-semeton saq tiang kasihin! Ndaq percaye léq sebilang roh, laguq uji juluq roh-roh nike, napi roh nike asalne léman Allah atao ndéq. Séngaq luwéq nabi palsu sampun begerame ojok mbé-mbé.

1 TESALONIKA 5:21

Uji selapuq hal dait tegel napi saq solah.

WAHYU 3:8

Tiang nenaoq napi saq side pade laksaneang: Pade serioq, Tiang sampun bukaqang side pade lawang, saq ndéq bau teimpet siq sai juaq. Tiang nenaoq bahwe kekuatande cume sekediq, laguq side pade turut manik Tiang dait side pade ndéq nilas aran Tiang.

2 TIMOTIUS 2:19

Laguq dasar kuat saq tepiaq siq Allah ndéqne bau tegerik. Léq atasne tetulis maraq niki, “Tuhan kenal kance dengan-dengan saq jari dowé-Ne”, dait, “Dengan-dengan saq nyebut peséngan Tuhan, ie harus jaoqang diriqne léman kejahatan.”

GALATIA 1:7

Setetune ndéq araq “kabar solah saq lain”, laguq araq dengan-dengan saq gen miaq side pade jari ore dait ngerobah Kabar Solah mengenai Almasih.

ZABUR 1:6

Séngaq dengan taat tebimbing dait telindungin siq ALLAH, laguq dengan jahat nuju kebinasean.

WAHYU 3:1

“Tipaq malaékat jemaah léq Sardis, tulis maraq niki: Niki manik léman Ie saq bedowé kepituq Roh Allah dait kepituq bintang nike. Tiang nenaoq selapuq saq side pade laksaneang. Side pade teparan idup, padahal side pade maté!

IBRANI 6:10

Séngaq Allah nénten Allah saq nénten adil. Allah nénten gen lupaq napi saq sampun side pade laksaneang bagi Allah, dait kasih saq sampun side pade nyatayang tipaq peséngan-Ne sewaktu nulung dengan-dengan saq tehususang bagi Allah saq jangke mangkin masih side pade laksaneang.

EPESUS 4:14

Make ite ndéq jari kanak-kanak malik saq ndéq tetep pendirian dait tejauq ketoq-ketéq siq macem-macem pengajahan lantaran tipu muslihat manusie dait léq dalem kelicikan ie pade saq nyesatang.

WAHYU 2:9

Tiang nenaoq kesusahan-kesusahan side pade; Tiang nenaoq keadaan side pade saq miskin -- laguq setetune side pade sugih! Tiang nenaoq pitnah-pitnah saq tetujuang tipaq side pade siq dengan-dengan saq ngaku diriqne Yahudi, padahal ndéq; ie pade jemaah Belis!

WAHYU 2:6

Laguq araq saq solah léq side: Side pade meriq léq perbuatan pengiring-pengiring Nikolaus, saq Tiang meriq éndah.

WAHYU 3:15

Tiang nenaoq napi saq side pade laksaneang; Tiang nenaoq side pade ndéq nyet dait éndah ndéq beneng. Solahan lamun side pade nyet atao beneng!

MATIUS 7:23

Laguq Tiang gen jawab ie pade, ‘Tiang ndéq uwah kenal kance side pade. Nyedi léman taoq niki! Side pade saq gawéq jahat!’ ”

YAHYA 6:6

Setetune Deside Isa sampun wikan napi saq harus Ie laksaneang, laguq Ie bemanik maraq nike jari nguji Pilipus.)

WAHYU 2:5

Keranaq nike pade inget berembé dalemne side pade sampun geriq! Pade tobat léman dose-dosende, dait laksaneang napi saq semule side pade laksaneang. Lamun ndéq, make Tiang gen dateng tipaq side dait bait naé dilahde nike léman taoqne.