WAHYU 17:4 - KITAB SUCI ZABUR INJIL

⁴ Dengan nine nike kadu kelambi saq bewarne lempok lomaq dait béaq toaq, dait tepayas siq periasan-periasan emas, permate-permate, dait mutiare. Léq imene ie negel sopoq cawan emas saq penoq siq hal-hal saq najis dait kotor, hasil léman perbuatanne saq cabul.

WAHYU 17:4 ပူးပေါင်းရင်းမြစ်များ

WAHYU 14:8

Malaékat kedue nerutuk malaékat saq penembéq sambil bekuih, “Sampun runtuh! Kote Babel saq beléq sampun runtuh! Ie sampun miaq selapuq bangse jari bowos siq aiq anggur -- nike anggur léman napsu perbuatanne saq cabul!”

WAHYU 18:12

Ndéq araq saq beli emas, perak, permate, dait mutiare ie pade; lakar lénen, lakar warne lempok lomaq, sutre dait lakar warne béaq toaq; segale macem kayuq saq sengéh ambune, barang-barang léman gading gajah dait léman kayuq-kayuq saq mahel-mahel, léman tembage, besi, dait pualam;

WAHYU 18:16

terus bebase, “Aduh, celake gati kote saq kesohor niki! Biasene ie ngengadu kelambi lénen, lakar warne lempok lomaq dait lakar warne béaq toaq; biasene ie penoq siq periasan emas, permate, dait mutiare!

WAHYU 19:2

Penghakimanne adil dait bijaksane! Ie sampun mutusang hukuman tipaq pelacur saq beléq nike, saq nyédaq dunie siq perbuatanne saq cabul. Allah sampun hukum pelacur nike, séngaq ie nyematéq hambe-hambe Allah.”

WAHYU 21:21

Kedue olas jebak beléqne tepiaq léman due olas mutiare, sopoq-sopoq lawang tepiaq léman sopoq mutiare. Langan léq kote nike tepiaq léman emas tulén, menéng maraq kace.

WAHYU 9:21

Ie pade éndah ndéq mélé tobat léman perbuatan-perbuatan nyematéq dengan, ilmu-ilmu séhér, gawéq perbuatan saq cabul dait memaling.