WAHYU 17:3 - KITAB SUCI ZABUR INJIL

³ Terus Roh Allah nguasein tiang, dait malaékat nike jauq tiang ojok padang gurun, léq derike tiang serioq sopoq dengan nine tokol léq atas sopoq binatang saq béaq toaq warnene, dait saq penoq tetulis siq aran-aran saq menghine Allah. Binatang nike bedowé pituq otak dait sepulu tanggéq.

WAHYU 17:3 ပူးပေါင်းရင်းမြစ်များ

MATIUS 27:28

Ie pade lekaq kuace-Ne, terus kaduang Ie jubah bewarne lempok lomaq.

KISAH RASUL-RASUL 8:39

Sewaktu ie pade sugul léman aiq, Roh Tuhan bait Pilipus léman derike. Pembeléq Etiopia nike ndéq serioq ie malik. Siq senengne pembeléq nike ngelanjutang kelampanne.

2 TESALONIKA 2:4

Siq sombongne ie gen ngelawan dait atasang diriqne léman selapuq saq tesembah atao selapuq déwe saq teanggep Allah siq manusie. Malahan ie gen tokol léq dalem Gedéng Allah, dait nyatayang diriqne sebagé Allah.

WAHYU 1:10

Léq jelo Tuhan, tiang tekuasein siq Roh Allah, terus tiang dengah suare saq beléq -- maraq suare terompét -- kedengahan léq mudi tiang.

WAHYU 12:14

Laguq dengan nine nike teican due keléték kedit rajewali saq beléq, adéqne kesur ojok taoqne léq padang gurun, nike taoqne tepeliharaq telu setenge taun ngonéqne, jaoq léman serangan nage.

WAHYU 12:3

Terus penggitan éndah léq langit sopoq tande saq lain. Araq sopoq nage béaq toaq saq beléq gati saq bedowé pituq otak dait sepulu tanggéq. Sebilang otakne ngengadu sopoq mahkote.

WAHYU 12:6

Make dengan nine nike pelai ojok padang gurun, ojok taoq saq sampun tesedieang siq Allah umaq ie. Léq taoq nike ie gen tepeliharaq siyu satak enem dase jelo ngonéqne.

WAHYU 17:18

Dengan nine saq side serioq nike, kote beléq, saq mréntah raje-raje léq gumi.”

WAHYU 17:4

Dengan nine nike kadu kelambi saq bewarne lempok lomaq dait béaq toaq, dait tepayas siq periasan-periasan emas, permate-permate, dait mutiare. Léq imene ie negel sopoq cawan emas saq penoq siq hal-hal saq najis dait kotor, hasil léman perbuatanne saq cabul.

WAHYU 18:12

Ndéq araq saq beli emas, perak, permate, dait mutiare ie pade; lakar lénen, lakar warne lempok lomaq, sutre dait lakar warne béaq toaq; segale macem kayuq saq sengéh ambune, barang-barang léman gading gajah dait léman kayuq-kayuq saq mahel-mahel, léman tembage, besi, dait pualam;

WAHYU 18:16

terus bebase, “Aduh, celake gati kote saq kesohor niki! Biasene ie ngengadu kelambi lénen, lakar warne lempok lomaq dait lakar warne béaq toaq; biasene ie penoq siq periasan emas, permate, dait mutiare!

WAHYU 21:10

Make Roh Allah nguasein tiang, dait malaékat nike jauq tiang ojok pucuk gunung saq beléq dait atas gati. Ie metitoqang tiang Yerusalem, kote suci nike, saq turun léman sorge, léman Allah.

WAHYU 4:2

Langsung tiang tekuasein siq Roh Allah. Terus tiang serioq araq sopoq tahte léq sorge, dait araq sopoq dengan melinggih léq tahte nike.