WAHYU 13:4 - KITAB SUCI ZABUR INJIL

⁴ Dait ie pade nyembah nage nike séngaq ie sampun ngebéng kekuaseanne tipaq binatang nike. Dait ie pade nyembah binatang nike éndah. Basen ie pade, “Ndéq araq saq pade kance binatang niki! Ndéq araq saq bau perang ngelawan ie!”

WAHYU 13:4 ပူးပေါင်းရင်းမြစ်များ

2 KORINTUS 4:4

nike dengan-dengan saq ndéq percaye, saq pikiranne sampun tebuteang siq penguase jahat jaman mangkin niki, sehingge ie pade ndéq serioq cahaye Kabar Solah mengenai kemuliean Almasih, saq jari gambaran Allah.

2 TESALONIKA 2:4

Siq sombongne ie gen ngelawan dait atasang diriqne léman selapuq saq tesembah atao selapuq déwe saq teanggep Allah siq manusie. Malahan ie gen tokol léq dalem Gedéng Allah, dait nyatayang diriqne sebagé Allah.

WAHYU 12:3

Terus penggitan éndah léq langit sopoq tande saq lain. Araq sopoq nage béaq toaq saq beléq gati saq bedowé pituq otak dait sepulu tanggéq. Sebilang otakne ngengadu sopoq mahkote.

WAHYU 12:4

Siq élongne ie ngoros sepertelu bintang-bintang léq langit dait timpohne ojok gumi. Nage nike nganjeng léq julun dengan nine saq mélé nganak nike siq maksut gen belet anakne, sesampun ie teanakang.

WAHYU 13:11

Terus tiang serioq sopoq binatang lain sugul léman gumi. Ie bedowé due tanggéq maraq tanggéq anak dombe. Suarene maraq suare nage.

WAHYU 13:15

Binatang saq kedue nike tebéng kuase jari ngebéng nyawe tipaq tetato nike, sehingge tetato nike tao ngeraos, dait nyematéq selapuq dengan saq ndéq mélé nyembah ie.

WAHYU 13:2

Binatang saq tiang serioq nike ruene maraq macan tutul, dait naéne maraq naé beruang, biwihne maraq biwih singe. Terus binatang nike tebéng siq nage nike kekuatanne mésaq, dait tahtene, dait kekuaseanne saq beléq.

WAHYU 17:14

Ie pade gen perang ngelawan Anak Dombe nike. Laguq Anak Dombe nike kance pengiring-pengiring-Ne saq setie saq sampun Ie manikang dait Ie piléq nike gen ngalahang raje-raje nike, séngaq Ie Tuan selapuq tuan, dait Raje selapuq raje.”

WAHYU 18:18

Dait bekuih sewaktu ie pade serioq pendet nyempuq léman api saq julatang kote nike. Ie pade bekuih, “Ndéq uwah araq kote lain maraq kote saq beléq niki!”

WAHYU 9:20

Laguq sise umat manusie saq ndéq ninggal siq bencane-bencane nike ndéqne tobat léman perbuatanne mésaq. Ie pade ndéq mélé engkah nyembah roh-roh jahat dait berhale-berhale emas, perak, tembage, batu dait kayuq saq ndéq iniq gitaq atao dengah atao lampaq.